رحيل

الفصل الخامس والثلاثون

كان جاسر يقف أمام غرفه آدم وعيونه معلقه عليه يتمنى أن يفتح آدم عيونه ليخبره عن مكان رحيل
عمر: إيه يا جاسر هتفضل واقف هنا
جاسر:مش قادر يا عمر آدم صديق عمري بين الحياه والموت ورحيل ماعرفش عنها حاجه أنا أول مره احس إني عاجز كده ومفيش في أيدي حاجه اعملها غير أني استني
عمر: أن شاء الله ربنا يطمنا عليها
جاسر:ولو كان إللي خطفها عمل فيها حاجه ولا قتلها
عمر: أنت ليه بتفترض الفرض الوحش إيه إللي أكد لك أنها اتخطفت
جاسر:انت مش سمعت الضابط قال إيه
عمر: الظابط قال إنها ممكن تكون اتخطفت ده إحتمال وارد واحتمال تاني أنها تكون قدرت تهرب من إللي أتعرض لها هي وآدم
جاسر:وهي فين لما قدرت تهرب منه راحت فين مارجعتش ليه
عمر:ممكن تكون مش عارفه المكان اللي هي فيه مش عارفه ترجع أي حاجه إحنا لازم نتفائل ونفترض كل الفروض
عند مهاب
كان يجلس مع مني في المطعم
مهاب:هه يا مني عملتي إيه
مني: أنا دخلت له بورق وحطيت الورقه وسطهم بس هو كان متعصب أوي وزعق لي ومرضاش يمضي علي حاجه موضوع اختفاء رحيل ده معصبه أوي
مهاب: يعني إيه ماعرفتيش تمضيها
مني:لا هو قالي أي ورق اعرضه علي عمر وأنه مش عايز أي شغل دلوقت
مهاب: وبعدين هنعمل ايه
مني:هي الورقه دي ايه وعايزه يمضي عليها من غير ما يعرف ليه
مهاب:لا أبدا دي صفقه كده صغيره كنت عايز اخدها من الباطن لحسابي ودي كانت إذن توريد من المخازن أنت عارفه أن المخازن مش بتعترف إلا بتوقيعه هو وبس
مني: بس يعني هتاخد الصفقه لحسابك من مخازن الشركه
مهاب: مش انا قلت لك قبل كده أن جدي كتب كل حاجه لجاسر وحرمنا من الورث ودي اصلا فلوس والدتي وأنا بحاول ارجع جزء منها
مني: آه صحيح انت كنت قلت لي كده قبل كده
امسك مهاب يدها: وبعدين الصفقه دي لما تتم هنقدر نتجوز أنا وأنت ومنحتاجش حاجه من حد
مني: بس أنا مش عارفه اخليه يمضي الورقه
مهاب: خلاص هاتي الورقه وأنا هتصرف
اخذ مهاب الورقه من مني ثم أنصرف
قام مهاب بالاتصال بشخص
شخص:مهاب باشا
مهاب: إيه الأخبار
شخص:تمام يا باشا
مهاب: اسمع أنا مستنيك في المكان إللي قلت لك عليه
شخص:تمام يا باشا ثواني واكون عند حضرتك
بعد مرور بعض الوقت وصل الشخص عند مهاب
شخص:مهاب باشا
مهاب: اسمعني كويس الورقه دي هتخليها تمضي عليها لازم بكره الصبح الورقه دي تبقي عندي وعليها امضتها
شخص:تمام يا باشا
مهاب:وزي ما قلت لك اوعي تشوف وشك
شخص:ما تقلقش يا باشا
مهاب: آه وكمان ممكن أحتاجك قريب في مشوار تاني
شخص: إيه خطف برده يا باشا
مهاب:لا هتخلصني منه نهائي
شخص:وماله يا باشا مهو كله بثمنه
مهاب: بكره الصبح هقابلك هنا وتكون الورقه جاهزه
شخص: تحت أمرك يا باشا
انصرف مهاب :خلاص بدل مش عارفين ناخد امضتك بالزوق يا جاسر يبقي ناخدها بالعافيه
وصل مهاب إلي القصر وكاد أن يصعد إلي غرفته ولكنه توقف عندما سمع صوت والدته تهتف باسمه
عاليا:مهاب
مهاب: خير يا ماما أنت مستنياني ولا إيه
عاليا: أنا عايزه أتكلم معاك
مهاب خير
عاليا:تعالي معايا اوضتي
صعد مهاب مع عاليا إلي غرفتها واغلقت الباب خلفها
عاليا:فين رحيل يا مهاب
زفر مهاب في ضيق: تاني يا ماما
امسكته عاليا من زراعه: أيوه تاني وثالث قولي الحقيقه انت خطفتها وضربت آدم
مهاب:لا أنت بتألفي قصص بوليسيه بقي
عاليا: عشان خاطري يا ابني قولي الحقيقه يمكن اقدر اساعدك
نظر لها مهاب: أيوه يا ماما أنا ضربت آدم وخطفت رحيل وخلاص هاخد منها التنازل وهسجله وهاخدك ونسافر بره البلد
عاليا: إزاي لما ورقه التنازل هتبان هيعرفوا أنك أنت إللي خطفتها وانك أنت إللي حاولت تقتل آدم
مهاب:التنازل مش باسمي ده باسم حد تاني وأنا واخد منه تنازل من قبلها
عاليا: حتي لو نفع إزاي هنسيب ابوك وشهد
مهاب: شهد بتحب جاسر وحنين وهتعرف تعيش معاهم ما تقلقيش عليها أما بقي بالنسبه لحسين بيه فهو مش محتاج أننا نفكر فيه حسين بيه اخد منك كل فلوسك وعمل شركه لنفسه وكتبها باسم بنته إللي خلفها من مراته التانيه
عاليا: أنت بتقول ايه ابوك اتجوز
مهاب:من سنين
عاليا:وانت كنت عارف وليه ما قولتليش
مهاب: عشان مكنتش عايز ازعلك أنا عارف أن علاقتك بيه اتأثرت لما كان عايز يتجوز فيروز بس أنت كتبتي كل ثروتك ليه عشان يرجع عن إللي في باله وبعد فتره اتجوز ولما عرفت خفت عليكي لما تعرفي
عاليا: اسمعني يا مهاب أنت تروح دلوقت تخلي رحيل تمشي وأنا وأنت نمشي من هنا ونبعد أنا خايفه آدم يفوق ويشهد عليك
مهاب:ما تقلقيش يا ماما آدم ما يعرفش أن أنا إللي ضربته ولا رحيل تعرف كل حاجه مظبوطه وبكره التنازل هيبقي في أيدي ولما جاسر يعرف أن التنازل ده قصاد حياه رحيل هيمضي عليه وبعدها كل حاجه هتخلص
عاليا: راجع نفسك يا ابني إحنا كنا عايزبن الثروه بس كده دخلت في خطف وقتل
مهاب: وأنا خلاص وصلت للحظه إللي ما ينفعش ارجع فيها ويا تبقي معايا يا تبقي عليا ثم تركها وانصرف وظلت عاليا تبكي ولا تعلم هل تبكي حالها ام حال ابنها الذي
وصل إلي تلك المرحله من الجشع بسببها وسبب تربيتها له علي الطمع والكره لعائلتها
عند رحيل
كانت تبكي في الغرفه وحيده حتي دلف إليها الشخص وهو يرتدي قناع
رحيل: ارجوك أنت عايز مني ايه سيبني أمشي
الشخص: اسمعي يا بت أنت الورقه دي تمضي عليهاوانت ساكته
رحيل:ورقه إيه
شخص:ما تسأليش لو عايزه تمشي من هنا أمضي
ثم وضع الورقه أمامها والقلم
أخذتها رحيل وقامت بالتوقيع عليها حتي دون النظر إليها
شخص: أنت مش عايزه تعرفي الورقه دي بتاعه ايه
رحيل:لا أنا عايزه امشي من هنا
شخص:ده تنازل منك عن الورث كله
رحيل: أنا مش عايزه ورث ولا عايزه حاجه أنا عايزه بس امشي من هنا
شخص: قريب أوي
ثم تركها وأغلق الباب
مرت الليله واتي الصباح ولازال جاسر وعمر يجلسوا أمام غرفه آدم
تقابل مهاب مع الشخص المحتجز رحيل وأخذ منه الورقه ثم قام بوضعها بظرف مع جواب اخر وقام بالاتصال بمني
مني: الو
مهاب: أيوه يا حبيبتي أنا عايز اقابلك دلوقت
مني: أنا نازله حالا
مهاب:هستناكي تحت البيت
مر بعض الوقت ونزلت مني وجدت مهاب منتظرها
مهاب:حبيبتي
مني: ازيك
مهاب:الظرف ده عايزك تحطيه وسط البوسطه ولازم جاسر يشوفه
مني: إيه الظرف ده
مهاب:هبقي أقولك بعدين المهم لازم جاسر يشوف الجواب ده
مني: حاضر
قامت مني بالاتصال بعمر
عمر: أيوه يا مني
مني:لو سمحت يا عمر بيه فيه ورق مهم لازم جاسر بيه يمضي عليه
عمر:ورق إيه بس يا مني مش وقته
مني: دي اوزنات المخازن
عمر: طيب تعالي المستشفي
ذهبت مني إلي المستشفي
عمر: هاتي يا مني الورق
أخذه عمر ونظر فيه ثم وجد ظرف غريب بينهم
عمر: إيه الظرف ده
مني بتوتر مش عارفه أنا لقيته وسط البوسطه
جاسر:هات الجواب ده كده
فتحه جاسر ولكنه صدم عندما وجد صوره لرحيل وهي فاقده الوعي ومقيده اليدين والقدمين
جاسر: رحيل
عمر: إيه ده
وقع الجواب من يد جاسر وأخذه عمر وقرأ ما فيه
عمر: لو خايف عليها في تنازل مع الجواب أمضي عليه بس لو الفلوس اهم عندك منها هتوصلك جثتها ولو فكرت تبلغ البوليس جثتها هتسبقك
صدمت مني مما سمعته وقالت لنفسها: معقول مهاب هو إللي خطف رحيل وأنا كده هتورط معاه
مني:بعد اذن حضرتك أنا لازم امشي بعد اذنكم
انصرفت مني
كان جاسر ينظر إلي صوره رحيل وشعر بأن العالم يضيق عليه ثم صرخ فجاه: رحيل
نظر له عمر: أهدي يا جاسر إحنا لازم نهدي عشان نعرف نفكر
جاسر:هنفكر في إيه أنا همضي علي التنازل
عمر: إحنا لازم تبلغ البوليس
جاسر:لا مستحيل هيقتلها لو بلغنا
مر اليوم ورن هاتف جاسر
جاسر:الو أيوه يا سيادة العميد
زكريا: أنت فيه سكرتيره بتشتغل عندك اسمها مني
جاسر: أيوه ليه
زكريا:لقيناها مضروبة بسكينه ولما نقلوها المستشفي قبل ما تدخل العمليات طلبت تقابلك