عمر: إيه
نائل: أيوه حنين دي تبقي مراتي واتفضل بقي من غير مطرود
اقترب منه عمر وامسكه من مقدمه ملابسه: أنا هاخد حنين وهمشي من هنا حتي لو كان تمن كده إني اقتلك او تقتلني ثم لكمه في وجهه وسقط علي الأرض فنزل عليه وقام بلكمه عده مرات حتي فقد الوعي ثم نهض وحمل حنين وخرج من الخيمه
أحد العاملين في المكان: إيه يا أستاذ واخد الانسه ورايح فين وفين أستاذ نائل
عمر:نائل جوه ادخل له وأنا ابقي اخو الانسه وهبلغ عنكم وعن المكان ده ونشوف بقي البوليس عنده علم باللي بيحصل هنا ولا لأ
اقترب منه شخص آخر هو صاحب المكان
خير يا أستاذ
عمر:الحيوان إللي جوه خطف اختي وكان هيعتدي عليها
صاحب المكان:هي مش مراته
عمر:لا
صاحب المكان: ارجوك يا بيه أنا معرفش أنه هيعمل كده المكان محترم وهو فهمني أنها مراته وان أهلها مش موافقين علي الجواز ده مكان سياحي والناس بتيجي هنا من كل مكان
عمر: خلاص لو خايف علي سمعه المكان خليني امشي من هنا
صاحب المكان:طبعا يا بيه واللي اسمه نائل ده حسابه معايا أنا
أنصرف عمر واتجه إلي سيارته ووضع حنين علي المقعد الخلفي واتجه بها إلي المستشفي
في المستشفي كان عمر يقف امام الغرفه التي تمكث بها حنين ثم خرج الطبيب
عمر: خير يا دكتور
الطبيب:خير هي كويسه هي بس واخده منوم وهتفوق ان شاء الله بعد ساعتين وبعدين تقدر تروح
عمر:شكرا لحضرتك ثم دلف إلي غرفه حنين وجلس بجوارها حتي فاقت حنين وهي تمسك رأسها
حنين: آه دماغي هتنفجر أنا فين ثم نظرت حولها وجدت عمر يجلس بجوارها
حنين: أبيه عمر هو إيه إللي حصل
نظر لها عمر بضيق: أنت متجوزه نائل
حنين بفزع: إيه
عمر: سؤالي واضح أنت متجوزه نائل
نظرت حنين إلي الأرض وصمتت
عمر:يعني كلامه صح
حنين: أنا
قاطعها عمر:ليه يا حنين ما فكرتيش في نفسك ما فكرتيش في اخوكي هيعمل إيه لو عرف ولو حصلت مصيبه وبقيتي حامل ولا اتقدم لك عريس
حنين:لا يا أبيه احنا كاتبين ورقه بس مفيش حاجه من إللي في دماغك
اقترب منها عمر:ولو مكنتش وصلت في الوقت المناسب كان هيحصل
حنين: إزاي وايه إللي حصل وجابني هنا
عمر:الزفت إللي بعتي الدنيا عشانه خدرك وكان
شهقت حنين: إيه لا مش ممكن
عمر:ولو مكنتش وصلت في الوقت المناسب كان زمان كل حاجه راحت
حنين:لا لا مستحيل نائل مش ممكن يعمل فيا كده دا بيحبني وأنا بحبه وواثقه فيه أنت اكيد فهمت غلط أنا فاكره آه أنا دخت شويه وهو دخلني الخيمه عشان ارتاح أنت عملت ايه واخدتني إزاي وجبتني هنا أنا لازم اكلمه ونهضت من علي الفراش تبحث عن هاتفها
اقترب منها عمر وقام بصفعها علي وجهها : ثم امسكها من كتفهاأنت لسه بدافعي عنه فوقي بقي
حنين: أنا ثم قاطعها رنين هاتفها برقم نائل
حنين:نائل
نائل:اوعي تكوني فاكره إني هسيبك لا يا هانم أنا مش بعد كل ده ييجي إبن عمك ويضربني وياخدك والموضوع يخلص الورقه إللي معايا هتبقي في ايد كل الجامعه بكره وقبلها هتبقي في أيد اخوكي وصورك إللي معايا
حنين: أنت بتقول ايه
نائل:بقول إللي سمعتيه ولازم اخد حقي منك أنت وابن عمك ثم أغلق الهاتف
شعرت حنين أن الأرض تدور بها وامسكت برأسها:معقول أنا مش مصدقه
اقترب منها عمر:اتاكدتي من كلامي
هزت حنين رأسها ثم سقطت علي الأرض فاقده الوعي تحت قدم عمر
فزع عمر ونزل إليها:حنين حنين مالك ردي عليا ثم حملها ووضعها علي الفراش وخرج من الغرفه يبحث عن طبيب حتي وجده
عمر:من فضلك تعالي معايا
الطبيب:خير هي الانسه مافقتش
عمر:فاقت بس اغمي عليها ومش عارف ملها
الطبيب:طيب ما تقلقش أنا هشوفها
دلف الطبيب إلي غرفه حنين وقام بفحصها وسط قلق عمر عليها فالبرغم من شعوره بالغضب من فعلتها لكن قلبه يعشقها ولا يستطيع ان يغضب عليها
أنتهي الطبيب من فحص حنين
عمر:خير يا دكتور هي مش بتفوق ليه
الطبيب: الانسه حصلت لها صدمه عصبيه سببت لها إنهيار عصبي و
عمر: وايه
الطبيب: للأسف الانسه عندها غيبوبه سكر
عمر: إيه سكر
الطبيب:انتم متعرفوش
عمر: لاهي عمرها ما تعبت او حصل لها كده قبل كده
الطبيب: ممكن يكون ده نتيجه زعل او الصدمه إللي حصلت لها وممكن يكون مؤقت
عمر:هي هتفوق أمتي
الطبيب: أن شاء الله هتفوق الصبح لأنها واخده مهدء ما تنساش أنها عندها إنهيار عصبي
هز عمر رأسه بحزن: ممكن اشوفها
الطبيب:طبعا اتفضل بعد اذنك
دلف عمر إلي غرفه حنين ووجدها نائمه في عالم اخر
اقترب منها عمر ووضع يده علي رأسها:ليه كده يا حنين ليه تسلمي لواحد حقير زي ده بس دي مش غلطتك لوحدك دي غلطتي أنا كمان أنا إللي ماصرحتكيش من الأول بحبي ليكي أنا إللي بعدت عنك لما عرفت انك بتحبيه ومحاولتش اعرف عنه حاجه او اعرف ان كان هو كمان بيحبك ولا لاء
ثم قطع حديثه رنين هاتف حنين فوجده نائل
نائل: إيه يا حلوه خلاص فقتي من الصدمه
عمر:انت يا كلب ورحمه أمي ما هرحمك
نائل: اوعي تفتكر انك تقدر تعمل لي حاجه أنا إللي هبلغ عنك انك خطفت مراتي وهفضحها في كل مكان وبكره الجامعه كلها هتعرف إنها متجوزه عرفي وأخوها أول واحد هيعرف اه وكمان صورها إللي معايا هيتعمل لها تعديل بسيط وهتبقي علي كل المواقع علي النت
عمر:فكر بس تعمل كده وأنا هقتلك
نائل:هنشوف يا باشا مين إللي كلامه هيمشي
أغلق عمر الهاتف وهو يسب نائل ثم أمسك هاتفه وقام بالاتصال بآدم
آدم وهو يجلس في غرفته يفكر في رحيل وحديثها معه وحبها لجاسر قطع تفكيره اتصال من عمر
آدم:الو
عمر:آدم صحيتك من النوم
آدم:لا أنا صاحي
عمر: أنا عايز منك خدمه
آدم:خير يا عمر خدمه إيه أنت رجعت من شرم ولا إيه
عمر:لا أنا لسه هنا اسمعني كويس بس الكلام إللي هقوله لك محدش يعرف عنه حاجه وخصوصا جاسر
آدم:خير يا عمر قلقتني
سرد له عمر ما حدث
آدم:ابن ال*******هو عندك في شرم
عمر: أيوه هو في فندق:________
آدم:طيب اقفل يا عمر وأنا هتصرف
اغلق عمر الهاتف ونظر إلي حنين الغائبه عن العالم ثم وضع يده علي رأسه وارجعها للخلف
عند ادم قام بالاتصال بصديق له ظابط في شرم الشيخ وسرد له ما حدث ولكنه لم يخبره من هي الفتاه وطلب منه إحضار نائل وترحيله إلي القاهرة
كان نائل يجلس مع صديقه وهو بحاول أن يداوي الجروح التي سببها له عمر
عمر:وحياه امه وامها ما هسيبه ولا هسيبها
صديقه:هتعمل ايه ابعد عنها انت مش شايف هو عمل فيك إيه
نائل:عشان كده أنا مش هسيبه أنا كنت عايز اتجوزها واساومها علي فلوس هي وأخوها بس بعد إللي حصل أنا هفضحها وهفضح عيلتها
فجاه قطع حديثهم دلوف الشرطه
الضابط: أنت نائل ماهر سمير
نائل: أيوه أنا خير يا باشا
الظابط:اتفضل معانا
نائل:ليه يا باشا أنا عملت إيه
الضابط: لما تيجي هتعرف يلا
اقترب منه شرطين وقاموا بسحبه إلي القسم
في القسم: أنا عايز أعرف أنا هنا ليه
الضابط: أخرس يلا هتعرف لما تروح القاهره
نائل: ليه بس يا باشا
الضابط: أخرس يلا ثم هتف باسم عسكري
العسكري: تمام يا فندم
الضابط:خده علي الحجز والصبح يترحل علي القاهره
مرت الليله علي الجميع واتي الصباح ليعلن عن يوم جديد
توجهت رحيل إلي الشركه ولكنها لم تجد مني فقامت بالاتصال بها
مني:الو رحيل
رحيل: اتاخرتي ليه يامني
مني: أنا مش هعرف اجي ياريت تستاذني من جاسر بيه لأن ماما تعبانه ومش هقدر اسيبها
رحيل:لا ألف سلامه عليها تحبي اجي لك
مني:لا يا حبيبتي أنا تمام
رحيل:طيب لو احتاجتي حاجه كلميني
اغلقت رحيل الهاتف وجلست علي مكتبها تعمل ثم دلف إلي المكتب شاب وسيم بعيون عسليه وجسد ممشوق
الشخص:لو سمحتي جاسر بيه موجود
رحيل:جاسر بيه لسه مجاش ثم رفعت راسها تنظر له حضرتك واخد معاد ولكنها قطعت حديثها عندما نظرت له وابتسمت:دكتور اكرم
اكرم:معقول رحيل بتعملي إيه هنا
رحيل: أنا بشتغل هنا سكرتيره وحضرتك
اكرم: أنت ناسيه إني عندي شركه دعايه وشركتنا هي إللي ماسكه الدعايه لشركات جاسر بيه
رحيل: آه صحيح أنا فعلا قريت اسم الشركه بس مجاش في بالي أنها شركتك
أكرم:عامله إيه من بعد الامتحانات ما خلصت وأنا ما شفتكيش مش كنت قلتي انك هتيجي تاخدي كورسات
رحيل:اه طبعا اكيد هاجي
اكرم: وأنا هستناكي
لم يشعروا بدخول جاسر الي المكتب واستماعه لحديثهم
تنحنح جاسر:احم
اكرم:جاسر بيه
جاسر: أهلا يا اكرم
اكرم: أنا جاي في المعاد إللي حضرتك حددته عشان فكره إعلان الحمله الخيريه
جاسر: آه طبعا اتفضل
ثم نظر جاسر لرحيل:هي مني مجاتش
رحيل:لا مني بتستاذن حضرتك لان والدتها تعبانه شويه
جاسر: اه طب هي مش محتاجه حاجه
رحيل: أنا قلت لها لو احتاجت حاجه تكلمني
جاسر:تمام ممكن إثنين قهوه
رحيل: اكيد وابتسمت فنظر الي أكرم وجده يبتسم لها
جاسر:اتفضل يا اكرم
دلف اكرم الي المكتب ومعه جاسر وجلسوا يتحدثوا
فدلفت رحيل:القهوه
جاسر:تعالي يا رحيل
وضعت رحيل القهوه وهمت بالانصراف
اكرم:ممكن تستني يا رحيل
جاسر: أنتم تعرفوا بعض منين
رحيل: دكتور أكرم استاذي في الجامعه
أكرم:علي فكره رحيل من أفضل البنات في الجامعه
جاسر: آه طبعا
اكرم:بعد اذن حضرتك أنا كنت فكرت أن إعلان الحمله تعمله بنت جميله وبسيطه وطبيعيه وكانت دايما رحيل قدام عيوني بس بعد ما عرفت أنها بتشتغل هنا الفكره اتاكدت في دماغي
رحيل: أنا هعمل إعلان
اكرم:هو مش إعلان تليفزيوني هو هيبقي بوسترات وأنا شايف
أنك أنسب واحده ولا إيه رأيك يا جاسر بيه
نظر جاسر إلي رحيل:سيب لي وقت افكر وهرد عليك
فجاءه شهقت رحيل وسعلت
قام اكرم بتقديم لها الماء:مالك اشربي ميه
ثم سمعت صوت مايا
مايا: جاسر
نظرت رحيل لجاسر ثم نظرت لمايا
اكرم:مايا أنت رجعتي امتي
نظرت لهم رحيل بدهشه
مايا:مهو أنت لو بتسأل علي اختك كنت عرفت إني رجعت من اسبوع
رحيل:اخته
اكرم:بابا جه معاكي
مايا: أيوه إيه مش هتيجي بقي عشان تشوفه
اكرم: مش وقت الكلام ده يا مايا ثم نظر إلي جاسر:هستني رد حضرتك بعد اذنك
ثم نظر إلي رحيل:ممكن كلمتين بره يا رحيل
رحيل:هه اه طبعا اتفضل
ثم خرجت رحيل واغلقت الباب
مايا: وحشتني
جاسر:
مايا:جاسر روحت فين
جاسر:هه اه كنت بتقولي حاجه
مايا:بقولك وحشتني
جاسر: آه وأنت كمان
مايا: طب ايه
جاسر: إيه
مايا: مش هتعوضني سهره امبارح
جاسر: معلش يا مايا أصلي مشغول كل ليله مع الباشا في الشغل أنت عارفه إني مسؤول عن كل حاجه ولازم يعرف تفاصيل كل حاجه
مايا: وأنا مقدره ده بس يعني ما يمنعش إني اعزمك علي الغدا النهارده ومفيش أي مجال للرفض أنا خلاص حجزت
جاسر: وأنا مش هرفض
عند رحيل
كان اكرم يتحدث معها ولكنها كانت
تجلس شارده الذهن تفكر مع نفسها:ياتري بيعملوا إيه جوه أنا هموت واعرف ثم فجأة هتفت بصوت عالي: وليه يعني أنا هدخل
اكرم:بتقولي ايه
رحيل:هه لا أنا بقول إني هدخل اسالهم يشربوا إيه
اكرم:طب إيه رأيك في كلامي
رحيل:هه حلو اوي
اكرم:هو إيه اللي حلو أوي أنت مش معايا خالص
رحيل:ثانيه واحده هدخل جوه اشوف بيعملوا إيه
اكرم:نعم
رحيل:هه لا قصدي أشوف يشربوا إيه
وتركته رحيل ودلفت إلي المكتب وجدت مايا تجلس علي المكتب بالقرب من جاسر
شهقت رحيل وسعلت
مايا: مش معقول هو أنت مش بتعرفي تخبطي علي الباب قبل ما تدخلي
ابتسم جاسر: إيه يا رحيل أنت كل شويه تشرقي ليه
رحيل:عادي يعني أنا جايه أسأل حضرتها تشرب إيه نظرت لها مايا نظره بجانب عيونها:شكرا مش عايزه حاجه واتفضلي بره
نظرت رحيل لجاسر:تحت أمرك
خرجت رحيل إلي خارج المكتب وهي تقوم بتقليد مايا: مش عايزه حاجه واتفضلي بره
اكرم: أنت غريبه اوي النهارده مالك يا رحيل أول مرة أشوفك كده
رحيل:لا أبدا مفيش حاجه
اكرم:طب ممكن تركزي معايا شويه
رحيل: آه طبعاً اتفضل
عند نائل
وصل نائل إلي القاهره ودلف إلي مكتب آدم
العسكري:تمام يا فندم المتهم نائل سمير
آدم: طب روح أنت
نائل: ممكن أعرف أنا هنا ليه
آدم: أنت مستعجل ليه هتعرف
نائل: أنا اترحلت من شرم الشيخ لهنا وأنا معرفش فيه ايه
آدم:عمر الجارحي مقدم فيك بلاغ بخطف بنت عمه حنين الجارحي ومحاولة الإعتداء عليها
نائل: حنين دي مراتي وأنا إللي بتهمه بخطف مراتي
آدم:معاك إللي يثبت أنها مراتك
نائل: أيوه إحنا متجوزين عرفي والورقه اه
آدم:بس هي بتتهمك أنك مزور امضتها
نائل:كدابه
آدم: اسمع بقي يا نائل أنت شكلك إبن ناس مش وش بهدله وعمر مسجل لك مكالمه بتهدد بيها حنين وانت هنا معانا وتحت أيدينا فأحسن لك تنهي الموضوع ده
نائل:يعني إيه
آدم:يعني تروح لعمر وتسلمه الورقه وتنهي الحكايه وتنسي حنين نهائي وإلا
نائل: وإلا إيه أنا مش بتهدد
آدم:ده مش تهديد ده حقيقي أنت هتفضل هنا لحين رجوع عمر من شرم الشيخ
عند رحيل
كانت تتحدث مع اكرم حتي دلف إليهم مهاب
مهاب: إيه ده دكتور اكرم
اكرم:ازيك يا مهاب
مهاب وهو ينظر لرحيل: كويس أوي ولما شفتك بقيت أحسن
اكرم:ماشي يا رحيل أشوفك بقي في الجامعه
مهاب: إيه ده أنت تعرف رحيل
أكرم:اه رحيل طالبه عندي
زفرت رحيل:خير يا مهاب بيه أي خدمه
مهاب: آه هو عمر هيبجي أمتي
رحيل:والله ماعرفش أنا مش السكرتيره بتاعته
مهاب: ليه هو انتم مش بتتكلموا مع بعض يعني من بعد ما سيبتي القصر
اكرم: إيه ده أنت كنت عايشه في القصر معاهم
رحيل:اه لأني كنت بشتغل فيه وكنت عايشه في اوضه في الجنينه ودي حاجه ما تقلش مني
اكرم:اه طبعا الشغل مش عيب
فجاه شهقت رحيل وسعلت
اكرم:مالك في إيه
نظرت رحيل خلفها وجدت جاسر ومايا يخرجوا من المكتب
جاسر:في إيه أنت عايز حاجه يا مهاب
مهاب: أنا كنت بسال عن عمر بس أنا هرجع مكتبي وانصرف مهاب
نظر جاسر إلي رحيل: إحنا هنروح نتغدي وهرجع تاني وأنت لو تحبي تنزلي اتفضلي وابقي ارجعي تاني
اكرم:طيب تمام إيه رأيك نتغدي أنا وأنت
نظرت رحيل لجاسر: ماشي
جاسر:خلاص نتغدي مع بعض ولا إيه رأيك يا ميار
نظرت له ميار: آه تمام
جاسر:طيب اتفضلي أنت واكرم وأنا ورحيل هنحصلكم
انصرف أكرم وميار واقترب جاسر من رحيل
رحيل: إيه
جاسر: أنت إللي إيه
رحيل:مش فاهمه
جاسر: مهاب واكرم وآدم
رحيل:نعم
اقترب منها جاسر: أنت مش عايزه تقولي لي حاجه
رحيل:لا
جاسر: ماشي يا رحيل
