رحيل: إيه
جاسر: أنت إللي إيه
رحيل:مش فاهمه
جاسر: اكرم ومهاب وآدم
رحيل: إحنا كده بنتكلم في الشغل
رفع جاسر حاجبه اليمين:كده
هزت رحيل رأسها بمعني نعم
اقترب منها جاسر ونظر في عيونها:مش عايزه تقولي لي حاجه
نظرت رحيل لعيونه وشردت فيها وظلت ترمش بعيونها
جاسر: رحيل رحيل روحتي فين
فاقت رحيل: احم ايه حاجه حاجه في الشغل معتقدتش
زفر جاسر:ماشي يا رحيل اتفضلي عشان ننزل
عند عمر وحنين
كان عمر يجلس بجوار حنين حتي بدأت تتملم في نومها وفتحت عيونها
عمر:حمد الله على السلامه
فتحت حنين عيونها ولكنها كانت شارده في عالم اخر
عمر: حنين ردي عليا
حنين:_________
عمر: حنين أنت سمعاني
حنين:___________
نهض عمر واقترب منها وأمسك يدها: حنين ارجوكي ما تقلقنيش عليكي ردي عليا
حنين:_____________
تركها عمر وركض يبحث عن الطبيب
الطبيب:خير الانسه فاقت
عمر: أيوه فاقت بس مش بترد ولا سمعاني ولا شيفاني كأنها في دنيا تانيه
ذهب معه الطبيب وقام بفحص حنين
عمر:خير يا دكتور هي مالها
الطبيب: للأسف الصدمه إللي اتعرضت لها أثرت عليها
عمر بفزع: يعني إيه هي مش هتتكلم هتفضل كده
الطبيب: أهدي حضرتك ممكن تتفضل معايا بره
خرج عمر والطبيب إلي الخارج
عمر:ارجوك فهمني يا دكتور
الطبيب:الصدمه العصبيه أثرت عليها واللي هي فيه ده أثر للصدمه دي
عمر:هي هتفضل كده
الطبيب:الحاله دي تعتبر حاله عارضه وممكن تخف منها بعد فترة اهم حاجه تبعد عن أي توتر عصبي او أي حاجة تزعلها
عمر: أنا عايز أنقلها القاهره
الطبيب: هي حالتها تسمح أنك تنقلها أنا هبعت ممرضه تجهزها
عاد عمر الي غرفه حنين ووجدها شارده في عالم اخر
امسك عمر يدها: حنين أنت سمعاني ما تخافيش يا حبيبتي أنا جنبك قومي يا حنين كل حاجه هتتحل أنا بوعدك إني هفضل جنبك أنا غلطت لما بعدت عنك بس أنا مش هبعد عنك تاني
عند شهد
كانت شهد تجلس علي الفراش وهي تفكر في الخروج من المستشفي حتي دلف إليها سامح
سامح: عاملين إيه
ابتسمت شهد: الحمدلله
سامح: أنا حاسس أنك احسن النهارده
شهد:دكتور سامح أنا همشي أمتي من هنا
سامح: أنت زهقتي مننا ولا إيه
شهد: أنا تعبانه أوي يا دكتور أنا حاسه بوجع في كل جسمي حاسه أن دماغي هتنفجر
سامح: إحنا اتفقنا أننا هنستحمل عشان نخلص من المحنه دي ونبدأ من جديد
شهد: أنا
ثم قطع حديثهم هاتف سامح
سامح:بعد اذنك هرد علي التليفون
شهد:اتفضل
خرج سامح من الغرفه
سامح:عمور
عمر: سامح أنا محتاج لك أوي
سامح:في إيه يا عمر
عمر:حنين تعبانه أوي
سامح:حنين اخت جاسر
عمر: أيوه بس أنا مش عايز جاسر يعرف حاجه
سامح: ليه
عمر:اسمعني بس يا سامح إحنا في شرم الشيخ وحنين تعبانه وأنا هنقلها القاهره عندك في المستشفي ومش عايز جاسر يعرف حاجه إلا لما اجي واحكي لك علي كل حاجه وشهد برده ما تعرفهاش حاجه
سامح:تمام تمام يا عمر انت اتحركتم من شرم ولا لسه
عمر: أيوه اتحركنا
سامح: وأنا هستناك
عند رحيل
كانت تجلس هي وجاسر واكرم وميار في المطعم
ميار وهي تمسك بقائمه الطعام وتقترب من جاسر:مش عارفه أختار إيه رأيك يا بيبي
جاسر:تحبي اطلب لك أنا علي زوقي
ميار:وهي تضع يدها علي كتف جاسر: اكيد يا حبيبي مهو زوقي زي زوقك تمام
نظرت لهم رحيل ثم نظرت ليد ميار الموجوده علي كتف جاسر
اكرم:ما فولتيش يا رحيل تحبي تطلبي إيه ولا تحبي اطلب لك أنا
نظرت له رحيل وابتسمت:اه ياريت يا دكتور ثم نظرت لجاسر:ممكن يطلع زوقي زي زوقك
نظر لها جاسر ورفع حاجبه اليمين وعض علي شايفه السفليه
نظرت له رحيل وابتسمت
قاموا بطلب الطعام
وكانت ميار تحاول اشغال جاسر بها وقامت بوضع الطعام في الشوكه ووضعتها في فم جاسر
شهقت رحيل وسعلت
أبتسم جاسر وعلم أنها عندما تشعر بالغيرة من ميار فإنها تسعل
أكرم: إيه مالك وقرب منها كاس مياه:اشربي
جاسر: أنا مش عارف ليه كل شويه تشرقي كده النهارده
تناولت رحيل الماء ثم نظرت له:عادي يعني اي حد ممكن يشرق
جاسر وهو يغمز لها دون ان يراه أحد:جايز
نظرت رحيل إلي اكرم:هه يا دكتور ان شاء الله الكورسات هتبدا أمتي
جاسر:كورسات إيه
اكرم: أنا كنت وعدت رحيل إني اديها كورسات في الاجازه
جاسر:والكورسات دي يعني تبع الجامعة
رحيل:لا دي كورسات خاصه دكتور أكرم هيديها ليا
جاسر:خاصه يعني إيه
رحيل:يعني أنا وبس مش كده يا دكتور
أكرم: أيوه
نظر جاسر في ساعته:مش يلا بقي عشان اتاخرنا علي الشركه
رحيل:اه يلا
جاسر:طيب تعالي معايا نوصل ميار وبعدين نطلع علي الشركه
اكرم:لا مفيش داعي تتعب حضرتك أنا هوصل رحيل للشركه عشان اخد الصور من هناك
ميار:خلاص يا حبيبي يلا إحنا
جاسر: ممكن كلمتين يا رحيل قبل ما تمشي
رحيل: آه طبعاً
ذهبت رحيل وجاسر بعيدا عنهم
جاسر: ممكن أعرف أنت عايزه توصلي لايه
رحيل: مش فاهمه حضرتك تقصد ايه
جاسر: إيه حكايه اكرم ده كمان
رحيل:دكتور اكرم صاحب شركه الدعايا إللي ماسك الدعايه لينا ودكتوري في الجامعه
جاسر:ما تستهبليش يا رحيل أنت فاهمه أنا قصدي إيه
رحيل:سؤال حضرتك ده يخص الشغل
جاسر:رحيل أنا ثم قاطعه رنين هاتف رحيل
رحيل:ده عمر
رحيل: أيوه يا عمر
عمر:رحيل أنا مش عارف أعمل إيه حنين تعبانه أوي
رحيل: حنين مالها
جاسر: حنين مالها حصل لها إيه
عمر:لو جاسر قدامك مش عايزه يعرف حاجه
جاسر: ردي عليا حنين مالها
رحيل:حنين إيه لا أنا سمعت غلط هو بيقول حسين
أيوه يا عمر أستاذ حسين مدير الحسابات
عمر:حنين تعبانه عندها إنهيار عصبي وأحنا في الطريق للقاهر للمستشفي عند سامح
رحيل: حاضر حاضر هبلغه
عمر:لما أوصل هكلمك لازم تبقي معايا يا رحيل أنا مش عارف أتصرف لوحدي
رحيل:طيب طيب سلام
أغلقت رحيل الهاتف
جاسر: برده هتروحي الشركه مع أكرم
رحيل:_______
جاسر: رحيل رحيل مالك
رحيل:هه لا مفيش
جاسر:ماردتيش عليا هتروحي الشركه مع أكرم
رحيل:يفرق مع حضرتك
جاسر:لو قلت لك اه يفرق معايا
نظرت رحيل إليه وابتسمت ثم قطع نظراتهم ميار
ميار: إيه يا حبيبي مش يلا بقي
نظرت لها رحيل ونظرت لجاسر: بعد اذنكم
ميار: أكرم مستنيكي بره
زفر جاسر بغضب
ميار:يلا يا حبيبي
ذهب جاسر مع ميار فوجد اكرم ورحيل
جاسر:ما تتاخريش يا رحيل
اكرم:ما تقلقش
دلف جاسر وميار إلي السياره وانطلقوا بها
دلف اكرم ورحيل إلي السياره
اكرم: أنا خلاص هبدا الكورسات الأسبوع الجاي
كانت رحيل تفكر في كلام جاسر لها وتبتسم في صمت
اكرم: إيه روحتي فين
رحيل:هه لا معاك
عند عمر وحنين
وصل عمر بحنين إلي المستشفي واستقبلهم سامح
سامح: مالها يا عمر
سرد له عمر ما حدث وحالتها كما علم من الطبيب
سامح:بص يا عمر ما ينفعش نخبي علي جاسر لازم نبلغه
عمر:اصبر بس لما أروح لآدم واخد الورقه من الواد ده
سامح: أنا هتابع حالتها وهبلغك لو فيه حاجه
عمر: أنا مش هسيبها أنا هفضل معاها هنا مهو أنا مش هينفع ارجع القصر وهي مش معايا
عند رحيل
وصلت إلى الشركه قبل جاسر وقامت بالاتصال بعمر
رحيل: أيوه يا عمر إيه الأخبار
عمر: إحنا وصلنا للمستشفي عند سامح
رحيل:وهي عامله ايه
عمر:زي ما هي
وصل جاسر
جاسر: مساء الخير
توترت رحيل:ايه مساء النور ثم اردفت:طيب هكلمك تاني مع السلامه
جاسر:كنت بتكلمي مين
رحيل:دي واحده صاحبتي ثم قالت:ده يهم حضرتك أنا كنت بكلم مين
اقترب منها جاسر ونظر في عيونها: آه يهمني أعرف انت بتكلمي مين
رحيل: ليه
جاسر:مش عارفه ليه
هزت رحيل رأسها بمعني لا وهي شارده في عيونه
جاسر:عشان أنت زي حنين اختي ثم ابتسم وتركها ودلف إلي مكتبه
رحيل:بقي كده ماشي
عند نائل
كان نائل داخل الحجز ودلف إليه عسكري وأخبره أن الضابط يريده في مكتبه
ذهب نائل مع العسكري ودلف إلي مكتب الضابط فوجد عمر يجلس
نائل:انت فاكر انك كده هتقدر تهددني
نظر له عمر: أنا مش بهدد أنا بنفذ علي طول
آدم: نائل من غير لف وكلام كتير طلع الورقه سلمها لعمر وامضي علي إقرار بمنع التعرض لحنين وده علي فكره لمصلحتك انت
نظر نائل لعمر: تمام بس أنا عايز مقابل للورقه دي مهو مفيش حاجه ببلاش
نهض عمر وصرخ بوجه:اه يا كلب
آدم:خلاص يا عمر خلينا ننهي الموضوع ده عايز كام
نائل:شوفوا انتم بقي سمعه عيله الجارحي تساوي كام
آدم: أخلص يلا وهات من الاخر
نائل:١٠٠الف جنيه
عمر:نعم يا روح امك
نائل: خلاص خلينا كده
آدم:خلاص يا عمر ثم نظر لنائل:بص يلا هما ٥٠الف جنيه مفيش غيرهم وإلا احنا وأنت بقي والزمن طويل لغايه اما يطلع لك صاحب
نائل:خلاص يا باشا
عمر:ولو شفتك ولا اتعرضت لحنين تاني أنا مش هرحمك
عند شهد
دلفت الممرضه إليها ولكنها فزعت وجرت إلي مكتب سامح
الممرضه: الحقنا يا دكتور سامح
سامح:في إيه
الممرضه:شهد هربت
