رحيل

الفصل التاسع والثلاثون

كان جاسر يحدث العميد زكريا في الهاتف
جاسر :وهو الطب الشرعي عرف أنه مقتول من أمتي
زكريا: تقريبا من يومين
اغلق جاسر الهاتف وتحدث
جاسر: ياتري كان لوحده ولا كان معاه
عمر:لا يا جاسر ما تقولش كده أن شاء الله رحيل هتبقي بخير
جاسر: آمال مين إللي قتله ورماه في النيل
عمر: اكيد ده الشخص إللي آدم قال عليه
جاسر:فعلا إزاي مجاش في بالنا
عمر: إيه هو إللي مجاش في بالنا
جاسر:المكان إللي آدم وقف فيه العربيه أنت فاكر أنه قال إن الشخص ده لما قال لمهاب أنت هتاخد العربيه قاله تعالي مشي المكان مش بعيد يعني اكيد هو كان مخبيها في مكان هناك
عمر: أيوه فعلا عندك حق
جاسر: يلا نروح لآدم المستشفي
عمر:آدم خرج من المستشفي وهو في البيت
جاسر: يلا بينا
ذهب جاسر وعمر إلي منزل آدم
استقبلهم آدم
جاسر: تقدر تفتكر يا آدم المكان إللي العربيه وقفت فيه
آدم: أيوه هو مكان علي طريق بلد داداه سعيده
جاسر:هتقدر تيجي معانا تعرفنا المكان
آدم: أيوه طبعا بس هو البوليس لسه مش قادر يقبض على مهاب
جاسر:مهاب لقوه مضروب بالرصاص واللي قتله رماه في النيل من يومين
آدم:يبقي الشخص اللي كان معاه هو إللي قتله
جاسر: إحنا كمان قلنا كده بس أنا مرعوب انه يكون قتل رحيل كمان
آدم:لا بلاش التفكير ده أن شاء الله تبقي بخير
يلا بينا
ذهبوا إلي المكان الذي توقفت فيه السياره ثم أشار لهم علي المكان الذي أخذه فيه الشخص بالسياره داخل الأراضي الزراعيه
جاسر:يعني رحيل موجوده في بيت من البيوت دي
عمر:وممكن تكون في مكان قبله او بعده
جاسر:ماتقدرش تفتكر العربيه إللي كانت معاهم عربيه مهاب ولا لاء
آدم: أيوه كانت عربيه مهاب
جاسر: كويس يبقي لازم نبلغ البوليس برقم عربيه مهاب
آدم:وعمتك اكيد تعرف مهاب كان خاطفها فين
جاسر:عمتي من ساعه ما سمعت باللي حصل لمهاب جالها شلل نصفي ولا بتتكلم ولا بتتحرك
آدم:يبقي مفيش قدامنا غير رقم العربيه
قام آدم بأخبارهم برقم سياره مهاب
في القصر
كان راشد يجلس بجوار عاليا وهو حزين علي ما وصلت له
راشد:يا ما قلت لك يا بنتي الطمع نهايته وحشه وأنت كنت فاكره إني ظلمتك واخدت فلوسك واديتها لاخواتك بس هي كانت فلوسي أنا من الأول وعشان والدتك معرفتش تخلف غيرك خفت أخواتي يقاسموها في الورث وكتبت لها كل حاجه وده برده كان غلط مني لأني كنت هخالف شرع ربنا بس امك ماتت ولما اتجوزت تاني كانت ثروتها اكبر مني ونصيبك إللي اخدتيه هو نصيبك الشرعي من والدتك ومفيش حد من اخواتك اخد حاجه من حقك بس أنت ما رضتيش بنصيبك وظلمتي اخوكي ومرات اخوكي وظلمتي رحيل وحرمتيها مني وحرمتيني منها أنا عارف انك زورتي في الورق ومسحتي رحيل من السجلات وكنت عارفه أنها بنت اخوكي وخلتيها تبقي خدامه في بيتها وملكها
دلفت إليه حنين
حنين:بعد اذنك يا جدي عايزاك في كلمتين
راشد: خير يا بنتي
حنين: معلش يا جدي اتفضل معايا بره
خرج راشد معها
راشد: خير يا بنتي
مدت حنين يدها بورقه
راشد: إيه ده
حنين:انكل حسين بعت لطنط عاليا ورقه طلاقها
راشد: إيه إزاي وريني كده
اخذ منها الورقه ونظر فيها وجدها ورقه طلاق غيابي
ثم سمع رنين هاتفه
راشد: الو
جاسر: أيوه يا جدي أنت جنب عمتي
راشد:لا يا ابني خير
جاسر: حسين جوز عمتي سحب حساب عمتي كله إللي في البنك واكتشفنا أنه كان عامل شركه من الباطن وصفا الشركه وسافر
راشد:وبعت لها ورقه الطلاق
ثم قطع حديثه خروج شهد من غرفه عاليا
شهد:جدي ماما نطقت
راشد: إيه
دلف راشد إلي غرفه عاليا
وجد عاليا تهتف باسم جاسر
راشد:عاليا بنتي أنت نطقتي
عاليا: جاسر
راشد:عايزه جاسر
هزت عاليا رأسها بمعني نعم
راشد:تعالي بسرعه يا جاسر عمتك عايزاك
جاسر: حاضر أنا جاي حالا
ذهب جاسر وعمر وآدم إلي القصر وذهبوا إلي غرفه عاليا
جاسر: عمتي أنا جيت اهه
عاليا بصوت متقطع: أيوه يا جاسر مهاب هو إللي خطف رحيل أنا سمعته مره بعد خطفها كان بيتكلم في التليفون
Flash back
مهاب: الاكل والميه خلصوا أنت هتستهبل هي اصلا بتاكل طب ما تروح تجيب اكل وميه مستني إيه
مش عارف مكان بيبيع طب ما تدخل البلد وهتلاقي الف محل
مهاب: أنا معرفش حاجه برده أنا لسه مأجر البيت من أسبوع حتي العقد لسه مستلمه من المالك
مهاب:بقولك إيه أنا دماغي مش فاضيه للكلام ده أنا عندي حاجات كتير أهم أتصرف
ثم اغلق الهاتف
Back
عاليا:وبعدين مهاب حط العقد إللي كان معاه في مكتبه إللي في اوضته ولما اتقبض عليه أنا أخدت العقد وخبيته في الدولاب في علبه المجوهرات وعنوان البيت مكتوب في العقد
قام جاسر بسرعه إلي خزينه الملابس الخاصه بعاليا وأخذ منها صندوق المجوهرات وفتحه ووجد العقد بها وقرأ العنوان
جاسر:يلا بينا بسرعه
آدم: استني يا جاسر لازم نبلغ البوليس مش هينفع نروح لوحدنا
جاسر: مفيش وقت إحنا نروح وأنا هبلغ زكريا باشا
ركض جاسر وآدم وعمر وتوجهوا إلي مكان المنزل
بعد وقت ليس بسيط وصلوا إلي عنوان المنزل فهو منزل صغير وسط الأراضي الزراعيه
حاول جاسر كسر الباب ولكنه لم يستطيع ثم اتت قوه الشرطه وقاموا بكسر الباب ودلفوا إلي الداخل ولكنهم لم يجدوا أحد
جاسر: إزاي يعني إيه يعني إيه
عمر: اكيد بعد ما قتل مهاب ساب البيت ومشي
وجد جاسر كلمه موجوده علي الأرض مكتوبه بصلصه الطعام
جاسر: فيه كلمه مكتوبه علي الأرض
نظر لها آدم: إيه حسن
جاسر:حسن ده الإسم إللي كان موجود في التنازل
آدم:ما تقدرش تفتكر كان إسمه حسن إيه
جاسر:قال له جاسر اسمه بالكامل
آدم:ده يبقي حسن الديلر إللي كان
اتسعت عيون جاسر من الدهشه:حسن بتاع الحبوب
آدم: أيوه
جاسر:وهو اتلم علي مهاب إزاي
آدم: اكيد كان بينتقم من شهد
عمر: شهد إيه إللي دخل شهد أنا مش فاهم حاجه
آدم:مش مهم دلوقت المهم أننا عرفنا إحنا بندور علي مين
قطع حديثهم هاتف آدم
آدم: أيوه فين طيب طيب تمام
جاسر:خير
آدم:فيه كمين رصد عربيه مهاب داخله شارع في الهرم أنا كده عرفت هو مخبي رحيل فين
جاسر:فين
آدم:تعالوا معايا
في منزل نوسه عشيقه حسن
نوسه: وبعدين يا حسن هنعمل ايه في البلوه دي البت مش في الدنيا خالص بقي لها يومين أنا خايفه تموت ونروح في داهيه
حسن:مش عارف أنا إيه إللي خلاني اجيبها معايا كنت سبتها في البيت وكانت ماتت لوحدها ومحدش حس بيها
نوسه: إيه إللي دخلك السكه دي أنت كنت بتبيع الحبوب وبتسلك قرشين من البت إللي إسمها شهد
حسن: مهي إللي بلغت عني وأخوها إللي وقع في طريقي
Flash back
كان حسن يجلس داخل حانه بعد أن تمكن من الهرب من الشرطه حتي سمع شخص يجلس بجواره يحدث صاحب الحانه
مهاب: أنا عايز واحد من رجالتك بس يكون ثقه
صاحب الحانه:خير يا مهاب باشا
مهاب: في حد مضايقني كده وعايز اعلمه الادب
صاحب الحانه:ومين يقدر يضايق مهاب باشا الجارحي
لفت نظر حسن اسم مهاب الجارحي
حسن: مهاب الجارحي ده اخو الهانم إللي بلغت عني والله وجات لك علي الطبطاب يا حسن
قام حسن واقترب من مهاب
حسن: أنا تحت أمرك يا باشا
نظر له مهاب: أنت مين
حسن: أنا آسف أنا سمعت كلامك وأنا بقولك إني تحت أمرك
نظر مهاب إلي صاحب الحانه: تعرفه
صاحب الحانه: طبعا يا باشا واضمنه حسن راجل جدع وتقدر تعمد عليه
Back
ولما عرفت إللي عايزه قلت اهو اقلبه في الثروه وانتقم منه عشان اخته
نوسه: وادينا اتورطتنا
فجاه انكسر الباب عليهم ودلف جاسر وآدم وعمر
حسن:في إيه انتم مين
آدم وهو يصوب السلاح في وجهه:ولا ووقعت يا حسن فين رحيل
كان جاسر دلف إلي الغرفه يبحث عن رحيل
حسن: رحيل مين أنا معرفش حاجه
وجد جاسر رحيل ولكنه فزع عندما وجدها نائمه دون حركه ورأسها ملفوف بقطعه قماش
أخذها جاسر في خضنه وحاول أن يوقظها: رحيل رحيل فوقي يا حبيبتي رحيل ارجوكي ردي عليا
ولكنها لم تكن تستجيب
خرج جاسر وأمسك حسن من ملابسه:عملت فيها إيه انطق
باغته حسن وقام بدفعه علي آدم وسقطوا وقفز من الشباك ولكنه لم يكن يعلم أن قوه من الشرطه حاوطت المكان حاول الهرب فأمسك بشخص من الماره ورفع عليه السلام الذي أخذه من مهاب وهددهم بانه سوف يقتله لو اقتربوا منه ولكن كان آدم أسرع منه حيث صوب عليه السلاح من الشباك وضربه وسقط قتيلا في الحال
قام جاسر بالاتصال بالاسعاف فوصلت وأخذوا رحيل إلي المستشفي
مرت الأيام
كان جاسر يجلس بجوار رحيل عندما فتحت عيونها
جاسر بابتسامه حب: حمد الله على السلامه يا حبيبتي
رحيل:مين حضرتك

بارت كمان اهه والله لو لفيتوا الواتباد كلها مش هتلاقوا حد بينزل بارتين في يوم واحد بس عشان خاطر عيونكم وأنا مقدرش ازعلكم