انتهت إجراءات نقل الثروه إلي رحيل وأصبحت رحيل تمتلك نصف القصر ونصف الشركه ونصف كل ما تملكه عائله الجارحي
عند عاليا
كانت تجلس مع زوجها ومهاب مديحه
كانت عاليا تسير ذهاباً وإيابا وهي متوتره
عاليا: أنا مش قادره اصدق إللي حصل ده معقول بعد السنين دي كلها وبعد كل إللي عملته فيروز تنتصر عليا وبنتها تاخد كل حاجه
حسين: أنت مش كنت متاكده ان مفيش أي ورق يثبت نسبها لمراد
عاليا: أيوه كل الورق خلصنا منه ومسحناها من السجلات
حسين: طيب آدم قدر يوصل للورق إللي معاه إزاي
مديحه: أنتم بتتكلموا في إيه حتي الورق لو مكنش موجود تحليل الdna هيثبت أنها حفيده راشد باشا وبعدين خلاص إللي حصل حصل وبقي أمر واقع وبقت الخدامه اغني مننا كلنا وثروتها لوحدها قد ثروتنا كلنا لازم نفكر في حل نرجع بيها الثروه دي
عاليا:بس يعني أنا شايفه أن إللي حصل ده في مصلحتك
مديحه: إزاي يعني
عاليا: يعني جاسر لو اتجوز رحيل هتبقي كل الثروه معاه
مديحه:ومين قالك إني هسمح أن جاسر ابني يتجوز الخدامه حتي لو كانت معاها قد الثروه دي الف مره جاسر لازم يتجوز ميار
مهاب:ليه لازم يعني
ابتسمت عاليا ابتسامه سخريه: لأن مديحه هتتجوز كامل بيه ولما يبقي حماه جاسر مش هيعارض الجواز
حسين: الكلام ده بجد
عاليا:طبعا مديحه هانم ما بتضيعيش وقتها ابدا
مديحه:اظن ده مش موضوعنا دلوقت
عاليا:عندك حق إحنا كلنا مصلحتنا واحده جاسر يتجوز ميار ومهاب يتجوز رحيل
مديحه:معقول يا عاليا هانم هتوافقي أن مهاب يتجوز بنت الخدامه
عاليا:وماله بنت الخدامه دي برده بنت اخويا وبعد ما يتجوزها هيبقي هو القيم عليها وكل حاجه هتبقي تحت تصرفه
مديحه:تمام اتفقنا لازم جاسر يبعد عنها وأحنا لازم نفكر هنعمل ايه
عند رحيل كانت تجلس في غرفتها ومعها شهد وحنين
حنين: أنا مش مصدقه انك بنت عمي أنا فرحانه أوي
شهد: وأنا كمان مبسوطه أوي كده هنفضل طول عمرنا مع بعض ومش هنفترق ابدا
كانت رحيل شارده تفكر بجاسر
حنين: مالك يا رحيل أنت مش معانا خالص
شهد: أنا عارفه هي زعلانه ليه
حنين:ليه
شهد:عشان أبيه جاسر ساب القصر ومشي
حنين: آه صحيح أنا مش عارفه هو ساب القصر ليه
رحيل:لا طبعا انتم بتقولوا إيه أنا مش زعلانه وماخدتش بالي أنه ساب القصر اصلا
شهد:طب عيني في عينك كده يا لولو دا أنت مقهوره عشان هو مشي
فجاه انهارت رحيل في البكاء: أيوه هو افتكر إني رسمت عليه الحب عشان اثبت إني بنت عمكم بس أنا والله بحبه بجد وحاسه إني هموت من غيره
صدمت شهد وحنين من اعتراف رحيل بحبها لجاسر
اقتربت منها حنين واخذتها في حضنها:طب أهدي يا حبيبتي أنا مكنتش أعرف أنك بتحبيه أوي كده طب هو
شهد:بيحبها برده وباين عليه أوي
رحيل:لا خلاص هو دلوقت بيكرهني ومش عايز يسمعني او حتي يبص في وشي
حنين: بصراحه أنا كنت فاكره أن أبيه جاسر بيحب شهد
شهد: إيه وليه أفتكرتي كده
حنين:اصلكم يعني كنتم قريبين من بعض أوي يعني الأيام إللي فاتت
شهد: أبيه جاسر أخويا ولقيت فيه إللي افتقدته في أخويا الحقيقي وأنا بحبه آه زي أخويا بالظبط
حنين:طيب يا رحيل ما تحاولي تتكلمي معاه
رحيل:مش عايز يسمعني
حنين:هو اعترف لك بحبه
رحيل: أيوه أعترف بس مالحقتش افرح اليوم إللي أعترف لي بحبه عرف إني بنت عمه وافتكر إني كنت بخدعه
شهد: بصي بقي يا لولو إحنا هنعمل خطه تخليه ييجي يقولك حقي برقبتي
حنين: إزاي
شهد:هي خطه واحده إللي بنلجأ ليها في المواقف دي خطه:جرب نار الغيره
رحيل: يعني إيه
شهد:من الواضح أن آدم بيحبك وأكرم كمان أنت بقي هتخلي جاسر يغير منهم وييجي يقولك خلاص سلمت
رحيل:بس مش هينفع اعلقهم بيا وفي الآخر اغدر بيهم
شهد: بقولك إيه سيبي الموضوع ده عليا
قطع حديثهم طرق علي الباب
رحيل:اتفضل
دلف عمر
عمر: رحيل هانم الجارحي
ابتسمت رحيل
عمر:مبروك يا حبيبتي أنا كنت حاسس انك مش غريبه عننا
نظرت حنين إلي عمر نظره كره: بعد اذنك يا رحيل أنا رايحه اوضتي
رحيل:ليه يا حنين اقعدي معانا
حنين:لا أنا عايزه انام
انصرفت حنين ثم رن هاتف شهد برقم سامح
شهد:بعد اذنكم هرد علي التليفون
وانصرفت شهد
رحيل:مالك يا عمر فيه حاجه حصلت بينك أنت وحنين
سرد لها عمر ما حدث بينهم
تنهدت رحيل: وبعدين بقي في حنين وأخوها مغلبينا معاهم
عمر: أنا هسافر يا رحيل
رحيل: أنت بتقول ايه
عمر: أنا همسك فرع الشركه في لندن
رحيل:أنت هتهرب يا عمر
عمر:عايزاني أعمل إيه اقعد هنا وأنا شايف حنين بتروح مني
رحيل: والحل أنك تسيبها تروح منك وتسافر أنت لازم تفضل هنا تدافع عن حبك وتعرفها أنها غلطانه وأن نائل ده ندل وكذاب
أبتسم عمر: وأنت
رحيل: وأنا إيه
عمر:مش هتدافعي عن حبك وتعرفي جاسر أنه غلطان
رحيل: أنا كمان مش ههرب وهدافع عن حبي وهثبت له أنه غلطان حتي لو وصلت إني اضربه
ضحك عمر:تضربيه
رحيل: أيوه هضربه علي دماغه عشان يفقد الذاكره واخليه يحبني من جديد
عند شهد
كانت تحدث سامح في الهاتف
سامح:خلاص فهمتي هتعملي إيه
شهد: أيوه لما يكلمني هكلمك عادي واتفق معاه علي معاد وابلغك بيه
سامح:تمام وأنا هبلغ آدم وأن شاء الله يقدروا يقبضوا عليه
مرت الليله وكل منهم لديه أفكاره التي ينوي تنفيذها
ذهبت رحيل إلي الشركه ووجدت مني بانتظارها
مني: رحيل أنت فين عامله إيه من يوم حادثه الاسانسير وأنت مختفيه
جلست رحيل علي مكتبها:ده موضوع كبير اوي اقعدي وأنا احكي لك
قطع حديثهم دلوف جاسر
وقفت مني ورحيل
جاسر:صباح الخير يا مني
مني: صباح الخير يا فندم
نظر جاسر إلي رحيل:بتعملي إيه هنا
رحيل:بشتغل
جاسر:بتشتغلي إيه هو ينفع رحيل هانم الجارحي تبقي سكرتيره
رحيل : بس أنا مش عايزه اسيب الشركه
جاسر: طبعاً مهو أنت ليكي نص الشركه
رحيل:لا عشان أنا حبيت شغلي
نظر جاسر إلي عيونها وهتف لنفسه: وحشتيني اوي
ثم فاق ونظر إلي مني:من فضلك يا مني جهزي مكتب لرحيل هانم
مني بدون فهم:مكتب ايه ورحيل هانم مين وفين
جاسر:في اي مكان بس يكون بعيد عن المكتب ده ثم دلف إلي مكتبه
نظرت مني إلي رحيل: أنا مش فاهمه حاجه
رحيل: أنا ثم قطع حديثهم صوت مهاب
مهاب: إيه ده رحيل هانم هنا
تنهدت رحيل بضيق:خير يا مهاب
مهاب بابتسامه سخريه:مهاب طبعا حقك
نظرت رحيل إلي مني: أنا هنزل ولما المكتب يفضي هبقي ارجع
انصرفت رحيل
مهاب:بلغي جاسر إني عايز اقابله
قامت مني بابلاغ جاسر ودلف مهاب إلي جاسر
جاسر:خير يا مهاب
مهاب: مفيش أنا بس عايز اعرف النظام الجديد هيبقي إيه
جاسر:نظام إيه
مهاب: أداره الشركه مش مفروض أن بنت الخدامه بقت تمتلك اكتر من نص أسهم الشركة
جاسر : إسمها رحيل ومش بنت الخدامه وماتنساش أنها بنت خالك مراد
مهاب: تمام ما تعصبش نفسك كده رحيل بنت خالي
هتبقي رئيس مجلس الاداره
جاسر:لا يا مهاب اطمن مفيش حاجه هتتغير
مهاب: إزاي
جاسر: راشد باشا طلب مني إني ابقي القيم علي رحيل وبكده أنا هفضل رئيس مجلس الاداره اطمنت
مهاب:اه جدا
جاسر:اتفضل علي مكتبك
انصرف مهاب ثم سمع جاسر رنين هاتفه برقم اكرم
اكرم:جاسر بيه إحنا منتظرين حضرتك ورحيل
جاسر:ياه أنا نسيت خالص طيب مسافه السكه ونكون عندكم
قام جاسر بطلب مني
جاسر:من فضلك يا مني بلغي رحيل إني عايزها
مني: رحيل نزلت يا فندم
جاسر: طيب أنا هكلمها
قام جاسر بالاتصال برحيل
رحيل:جاسر
جاسر: أنت فين يا آنسه
رحيل: بتسأل ليه
جاسر:عندنا معاد مع شركه الدعايا والمخرج عشان تصوير الإعلان
رحيل: أنا تحت الشركه
جاسر: خليكي عندك وأنا هنزل
هبط جاسر الأسفل وجد رحيل بانتظاره
جاسر:اتفضلي اركبي
دلفت رحيل إلي السياره وقادها جاسر وكان الصمت هو سيد الموقف فكان جاسر يختلس بعض النظرات لرحيل ولكن رحيل كانت تسند رأسها علي زجاج السياره وكانت تنظر للخارج
قطع الصمت صوت رنين هاتف رحيل
رحيل:الو
شخص________
رحيل:لا أنا في مشوار كده
شخص_________
رحيل:لا طبعاً مش ناسيه خلاص لما ارجع هكلمك سلام
شعر جاسر بالغضب
جاسر:كنت بتكلمي مين
رحيل________
ضغط جاسر علي مكابح السياره فجاءه ففزعت رحيل
جاسر : أنا بكلمك ردي عليا
نظرت له رحيل:نعم
جاسر :كنت بتكلمي مين
رحيل: اعتقد ده شئ ما يخصكش
جاسر: واعتقد إني قلت لك قبل كده إني مابحبش اعيد كلامي مرتين
رحيل:لا ده كان زمان
جاسر:بقي كده
رحيل: آه كده
جاسر: ماشي يا رحيل ثم استأنف قيادة السيارة
وصل جاسر ورحيل إلي موقع التصوير ووجدوا اكرم بانتظارهم
قام اكرم بتعريف رحيل بمخرج الإعلان
المخرج:عندك حق يا اكرم فعلا جمال نادر إيه رأيك يا آنسه تمضي معانا عقد وتشتغلي معانا في الإعلانات
اكرم: ياريت
جاسر:لا طبعا ماينفعش
اكرم: ليه
جاسر: الانسه قاصر ولازم ولي أمرها يوافق ومعتقدش أنه هيوافق
اكرم:طب نخلص الإعلان ده وبعدين نبقي نتكلم
قاموا بتصوير الإعلان وسط نظرات الإعجاب برحيل وكان جاسر يشتعل بالغيرة
كانت رحيل تجلس تنتظر إعداد الموقع للتصوير وفجاءه سمعت من يهتف باسمها
فريد: رحيل
نظرت رحيل خلفها
رحيل:فريد أنا مش مصدقه أنت هنا
فريد: وحشتيني اوي
رحيل: وأنت كمان أخبارك إيه وبتعمل إيه هنا
فريد: أنا مساعد المخرج أنا لما سمعت اسمك قولت معقول تكوني أنت
كان جاسر ينظر لهم بغضب
اقترب منه اكرم: إيه رأيك يا جاسر بيه
جاسر:مين ده وتعرفه منين
أكرم:بتقول حاجه
تركه جاسر واقترب من رحيل
نظر لها جاسر: مين ده
رحيل:ده فريد كان جارنا زمان ومتربين سوا ويبقي مساعد المخرج ثم نظرت إلي فريد: أعرفك يا فريد ده جاسر بيه رئيس مجلس إدارة الشركة
جاسر: وابن عمها
فريد: اه أهلا وسهلاً
رحيل:بعد اذنك يا جاسر تعالي نشرب حاجه يا فريد ونتكلم أنت واحشني أوي وطنط وحشتني اوي
انصرف فريد ورحيل وسط نظرات جاسر الغاضبه
اقترب منه أكرم: إحنا خلاص خلصنا النهارده وبكره أن شاء الله هنصور الإعلان التاني
جاسر: مفيش اعلان تاني كفايه كده
أكرم:ليه
جاسر : شوف أي موديل تانيه
أكرم:ماينفعش المخرج مصمم علي رحيل
جاسر:خلاص يا اكرم شوف مخرج تاني ومساعد مخرج تاني ثم تركه واتجه إلي رحيل وجدها تجلس في الكافيتريا وتتحدث مع فريد وتضحك
جاسر: يلا يا رحيل عشان اوصلك
رحيل: شكرا أنا هروح مع فريد
امسك جاسر يدها: يلا قومي معايا من غير اعتراض
رحيل:في إيه أنت بتتحكم فيا بصفتك إيه
جاسر: أنا ابن عمك و الوصي عليكي
رحيل: وأنا هخلي جدي ياخد منك الوصايا
جاسر: أن شاء الله ثم أخذها وانصرف
هتف أكرم باسم جاسر
اكرم: جاسر بيه
توقف جاسر:نعم
أكرم: كنت عايز اكلم حضرتك في موضوع
جاسر:خير
أكرم: أنا عرفت أن رحيل تبقي بنت عمك وحضرتك المسؤول عنها
جاسر: وبعدين
اكرم: أنا بطلب منك ايد الانسه رحيل
صدم جاسر ونظر لرحيل وجدها تبتسم
جاسر:نعم بتقول إيه
رحيل: إللي سمعته يا جاسر
نظر لها جاسر بغضب: اسكتي أنت ثم نظر إلي أكرم: أنا آسف يا أكرم طلبك مرفوض
رحيل:بس أنا موافقه
