فزعت رحيل عندما فتحت عيونها ووجدت مهاب أمامها
مهاب بابتسامه بارده :حمد الله على السلامة يا حلوه مكنتش اعرف ان حبيب القلب بيخاف عليكي اوي كده واقترب منها مهاب وامسكها من زراعها
مهاب :اسمعي يا رحيل لو لقيتك بتقربي من جاسر تاني انا هدمرك انت فاهمه انت بتاعتي لوحدي وانا لحد دلوقت بلعب معاكي ومدخلتش معاكي في الجد اقسم بالله هدمرك وادمر مستقبلك واخليه يرميكي في الشارع اللي انت جايه منه فاهمه
رحيل ببكاء :ارجوك يا مهاب بيه
مهاب :اخر كلام عندي قلته وانت حره ثم تركها مهاب غارقه وسط دموعها وانصرف
في القصر
دلف جاسر الي المطبخ ليجد داده سعيده تقوم بتحضير الإفطار
جاسر :جاهزه يا داده عشان نروح لرحيل
سعيده :ايوه يا بني هجهز الفطار على السفره ونمشي على طول
مر الوقت وذهب جاسر وسعيده الي المستشفى وقاموا بإحضار رحيل بعد الاطمئنان عليها
رحيل :انا بشكر حضرتك جدا يا جاسر بيه
جاسر :انا مش عايزك تشكريني انا عايزك تاخدي بالك من نفسك ومن صحتك وزي ما سمعتي سامح قال انك لازم ترتاحي انا هروح الشركه مش محتاجين حاجه
سعيده :كتر خيرك يا بني
جاسر :سلام
انصرف جاسر ودلفت رحيل الي داخل غرفتها ويبدوا عليها الحزن
سعيده :مالك يا حبيبتي انت لسه تعبانه
رحيل :لا يا ماما انا الحمد لله كويسه
سعيده :امال مالك يا بنتي زعلانه ليه
رحيل :مهاب يا ماما مش عايز يسبني في حالي
سعيده :اسمعي كلامي واحكي لجاسر بيه وهو يخليه يبعد عنك
رحيل :انا خايفه لو حكيت لجاسر بيه مهاب يعمل حاجه لانه قالي انه هيخلي جاسر يرميني بره القصر اكيد هيكذب عليه ويقوله كلام محصلش
سعيده :سلمي امرك لله يا حبيبتي
مر اليوم بدون أحداث جديده وأتى المساء وكانت رحيل تذاكر داخل غرفه المكتب وفجأه ابتسمت ورفعت راسها واغمضت عيونها وهمست لنفسها جاسر فهي تستطيع أن تشعر بوجوده دون أن تراه
دلف جاسر إليها وجدها مغمضه العيون فتامل في جمالها وتمني لو يظل ينظر لها طوال حياته ولكنه فاق من تأمله فيها عندما فتحت عيونها ووجدته أمامها
تنحنح جاسر بحرج :احم ايه كنت نايمه
رحيل :هه اه لا كنت بريح عيوني شويه
جاسر :اخبار المذاكره ايه
رحيل :تمام الحمد لله
جاسر :انا مش هقبل بأقل من امتياز
رحيل :ان شاء الله
جاسر :انا كنت جاي اطمن عليكي واقولك اني مسافر
رحيل :ايه مسافر
جاسر :اه كام يوم كده اسكندريه عندي شغل هناك ومش هتاخر بس وانا بحضر شنطتي قلت اجي اعرفك اني مسافر عشان لو احتاجتي حاجه تكلميني بس اكتشفت حاجه غريبه اوي
رحيل :ايه هي
جاسر :ان رقم تليفونك مش معايا
رحيل :فعلا حضرتك ما اخدش رقمي يمكن مجاتش مناسبه
جاسر :طب المناسبه جت ولا هيبقى فيه مشكله لو اخدت رقمك
رحيل :لا طبعا اتفضل الرقم
جاسر :لا هاتي تليفونك وانا ارن عليا
أعطته رحيل هاتفها وضغط جاسر أرقام هاتفه فظهر رقمه على هاتف رحيل باسم حلم
ابتسم جاسر وخجلت رحيل وظلت ترمش بعيونها كثيرا
جاسر :تمام انا سجلت رقمك بس على فكره انا اسمي جاسر مش حلم صلحي الاسم
رحيل :اه اصل انا كنت اخدت الرقم من حنين و و و
جاسر :وايه ثم نظر في عيونها
تاهت رحيل في عيونه ومن اقترابه منها وظلت ترمش بعيونها كثيرا
ابتسم جاسر :خلاص خلاص كفايه انا طالع انام ولو فضلتي تعملي كده مش بعيد احلم بيكي وبعيونك الحلوه دي تصبحي على خير ثم نظر أمامها وجد كوب نسكافيه ولكنها كانت شربت نصفه
جاسر :هتفضلي طول عمرك بخيله يا لولو ثم اخذ الكوب وارتشف منه رشفه وانصرف
رحيل :هو قال لولو هو قال انه مسافر هو هو
ثم فاقت رحيل من شرودها فيه :وظلت تغني
يا مسافر وحدك يامسافر وحدك وفايتني
ليه تبعد عني ليه تبعد عني وتشغلني
ثم قالت لنفسها :لا لا يا رحيل اهدي كده ما تتعلقيش في حاجه مش مضمونه
نفسها :ليه مش مضمونه
رحيل :انت ناسيه انت مين وهو مين
نفسها :انا رحيل مراد الجارحي بنت عمه
رحيل :ومين اللي يعرف كده او هيعترف بكده وهو لو عرف هيبقى موقفه ايه مش هيقول اني رسمت عليه الحب عشان اوصل للي عايزاه
ثم تنهدت رحيل :يارب
مرت الليله وأتى الصباح وسافر جاسر الي الاسكندريه ومر يومين دون أي أحداث جديده
في يوم في المساء تسللت شهد الي غرفه والدتها فكانت والدتها خارج المنزل وفتحت حزينه الملابس الخاصه بوالدتها حيث تقوم بوضع مجوهراتها داخل علبه فيها وقامت بفتح العلبه وأخذت منه خاتم الماظ خاص بوالدتها واغلقت العلبه واعادتها الي الخزانه وأثناء خروجها من الغرفه وجدت حنين تقف أمامها ففزعت شهد
حنين :مالك يا بنتي خفتي كده ليه
شهد :ايه لا مفيش هخاف من ايه انا كنت جايه اقول لماما حاجه بس هي تقريبا خرجت
حنين :بس انا مسالتكيش وبعدين مش انت عارفه ان طنط عاليا خرجت من الصبح مع باباكي ومهاب
شهد :اه بس انا نسيت يعني عادي
نظرت لها حنين نظره تدل انها غير صادقه ولكنها انصرفت
دلفت شهد الي غرفتها وقامت بالاتصال بزميلها حسن
حسن :شوشو قلب قلبي
شهد :حسن انت عارف ان الكلام ده بيضايقني
حسن :ليه بس يا حبيبتي
شهد :بقولك ايه انا اتصرفت في حاجه بس مش هعرف اجيب الفلوس الا لما ابيعها
حسن :لا يا قلبي ما تبعيش حاجه هاتيها وانا هتصرف فيها بمعرفتي عشان انا اخاف عليكي
شهد :طيب بكره الجمعه وابيه جاسر راجع وانا مش هعرف اقابلك
حسن :خلاص يا قلبي نتقابل بعد بكره في الجامعه
شهد :تمام سلام واغلقت الهاتف وهي تلعن حسن ومعرفتها بيه
كانت رحيل تذاكر كالعاده في غرفه المكتب
رحيل :وحشني اوي مكنتش اعرف ان بعده عني ممكن يتعبني كده يارب مش بأيدي اني احبه
ثم سمعت أصوات في الخارج وعاليا هانم تهتف باسمها
عاليه :رحيل رحيل انت يا زفته يا اللي اسمك رحيل
فزعت رحيل وركضت الي خارج المكتب
رحيل :تحت امرك يا عاليه هانم
عاليه :فين الخاتم الالماظ
رحيل بدهشه :خاتم خاتم ايه يا هانم
امسكتها عاليا من شعرها :الخاتم الالماظ اللي سرقتيه من اوضتي يا حراميه مش كفايه لمناكي من الشوارع انت وامك ومستحملين قرفك وقله ادبك وبنصرف عليكي كمان بتسرقينا ثم صفعتها عده صفعات متتاليه :انطقي الخاتم فين انطقي يا حراميه
كانت رحيل لا تستطيع الرد عليها من كثره الصفعات ولم يشفع لها توسلات داده سعيده لعاليه لكي تكف عن ضربها
اقترب منها مهاب وامسك يد والدته :خلاص يا ماما كفايه احنا نكلم البوليس وهما يتصرفوا معاها
كانت رحيل مفزوعه مما يحدث ولا تستطيع التحدث واقترب منها مهاب :دي قرصه ودن بس عشان تعرفي اني مش بهزر معاكي
سمعت رحيل تلك الكلمات وشعرت انها في عالم آخر لا تشعر بأحد بجوارها ولم تفق من غفلتها الا على صوت سياره الشرطه في الخارج وحديث مهاب في الهاتف
مهاب :ايوه يا آدم باشا وصلوا مش هوصيك بقى
تمام
حضر اثنين من رجال الشرطه وقاموا باخذ رحيل معهم وهي مثل المغيبه تسير معهم دون اراده او مقاومه كانت مثل المسحوره التي سلب عقلها
كانت شهد تتابع ما يحدث وشعرت بالحزن على رحيل ولكنها لم تستطيع أن تدافع عنها او ان تخبرهم بالحقيقه ولكنها ركضت الي غرفتها وارتمت على الفراش وظلت تصرخ :انا مجرمه انا حقيره انا جبانه ثم انهارت وبكت كما لم تبك من قبل
قامت حنين بمحاوله الاتصال بحاسر او بعمر ولكن دون جدوى فهاتفهم كان مغلق فقامت بإرسال رسال لهم عبر الإنترنت
حنين :يارب يفتحوا الموبايلات ويشوفوا الرسايل
عند رحيل
وصلت رحيل الي قسم الشرطه ووقفت أمام مكتب الضابط ودلف اليه احد الرجال
شرطي :تمام يا فندم المتهمه وصلت
الضابط ادم :تمام يا خليل دخلها الاوضه اللي قلت لك عليها ومش هوصيك دي جايه بتوصيه من حبايبي لازم قبل النهار ما يطلع الخاتم يظهر
الشرطي :تمام يا آدم باشا وحضرتك مش هتشرف علينا
آدم :لا مش هينفع انا لازم امشي الحاجه مستنياني
شرطي :تمام يا باشا
ورحل آدم وتوجه الشرطي الي رحيل واخذها وتوجه نحو غرفه ما وقام بفتح الغرفه ودفعها وسقطت على الأرض ثم دلفت سيدتين ضخام البنيه
الشرطي لهم :مش هوصيكم آدم باشا بنفسه موصي عليها الخاتم يطلع قبل النهار ما يطلع
السيدين :واحنا تحت امر آدم باشا
وخرج الشرطي وأغلق الباب واقتربت السيدين من رحيل وابرحوها ضربا حتى غابت عن الوعي
سيده ١ :كفايه يا بت باين عليها ماتت
سيده ٢ :يالهوي بقولك ايه احنا مش هنقولهم حاجه احنا ناخد حسابنا ونمشي وآدم باشا مش موجود ومش هيجي الا الصبح يلا بينا
وانصرفوا وتركوا رحيل فاقده الوعي وتنزف من فمها ووجها ملئ بالكدمات والجروح
كانت حنين تحاول الاتصال بجاسر حتى غفت وأتى الصباح
كان جاسر نائم هو وعمر وكان جاسر دائما يغلق هاتفه هو وعمر أثناء النوم
استيقظ جاسر وامسك هاتفه وقام بفتحه فوجد رسائل كثيره بأن حنين حاولت الاتصال به ثم وجد عمر يفتح باب الغرفه
جاسر :ايه يا بني مش فيه بابا تخبط عليه مالك عامل كده ليه
عمر :حنين باعته رساله من امبارح بتقول ان مهاب وعمتي اتهموا رحيل بسرقه خاتم الماظ وسلموها للبوليس
جاسر :ايه بتقول ايه ثم قام بالاتصال بحنين
كانت حنين نائمه ثم سمعت صوت هاتفها يرن برقم جاسر
حنين :ابيه جاسر انت فين الحق رحيل
جاسر :اهدي يا حنين بالراحه كده فهميني ايه الي حصل
سردت حنين لجاسر ما حدث
جاسر :احنا جايين حالا
عمر :ايه اللي حصل
جاسر :يلا دلوقت لازم نرجع بسرعه اتصل بآدم عشان نعرف رحيل عامله ايه
قام عمر بالاتصال بآدم ولكنه لم يرد
عمر :مش بيرد
جاسر :طيب يلا بينا
بعد مرور وقت وصل جاسر الي القصر وتوجه الي غرفه حنين
حنين :ابيه جاسر فين رحيل انت ماجبتهاش معاك
جاسر :اهدي بس يا حنين فهميني بالراحه
سردت له حنين ما حدث مره اخرى ولكنها تذكرت :اه نسيت حاجه مهمه شهد كانت خارجه من اوضه عمتي وعمتي مكنتش موجوده وانا لما شفتها كانت متوتره وزي ما تكون خايفه من حاجه
جاسر :انت متأكده
حنين :ايوه
تركها جاسر ودلف الي غرفه شهد
فزعت شهد :ابيه جاسر خير في ايه حضرتك داخل اوضتي بالشكل ده ليه
جاسر :فين الخاتم يا شهد
شهد بارتباك :خخاااتم خخاااتم ايه يا ابيه
جاسر :الخاتم الللي اخذتيه من اوضه عمتي واتهموا رحيل فيه
شهد :انا مش فاهمه انت بتسألني عليه ليه انا معرفش حاجه عن الخاتم ده ولو سمحت اتفضل اطلع بره
جاسر :شهد انا لحد دلوقت بكلمك بالراحه انا عارف انك بتتعاطي مخدرات واكيد اخذتي الخاتم عشان تجيبي الزفت اللي بتاخديه ده
شهد :مخدرات ايه انت بتخرف بتقول ايه
امسكها جاسر من زراعها :ماشي يا شهد انا بخرف بس انا هثبت لك ان كلامي مش تخريف
وقام جاسر بتفتيش شنطتها الموجوده أمامها وأخرج منها شريط به الحبوب المخدره فاقترب منها جاسر وقام بصفعها
