رحيل: جاسر بيه
نزل جاسر من السيارة واتجه إلي رحيل وآدم ونظر لهم نظره استفهام وتحدث مع آدم
جاسر: إيه يا آدم جاي الشركه ليه كنت عايز حاجه
آدم:لا أبدا أنا عرفت أن رحيل جايه الشركه النهارده أول يوم فطلبت منها أوصلها
نظر لها جاسر بغضب ثم توجه إلي آدم: آه تمام أنا هسيبكم تكملوا كلامكم وهطلع الشركه وأما تخلصي كلام يا آنسه ابقي اطلعي الدور الخامس
رحيل:لا خلاص أنا هطلع مع حضرتك بعد اذنك يا آدم باشا
آدم:اتفضلي يا رحيل أن شاء الله الشغل ده يبقي بدايه جديده ليكي
رحيل: شكراً ليك
أنصرف آدم وأشار جاسر لرحيل بالسير معه
جاسر:واضح أنك غيرتي موقفك وبقبيتي بتركبي عربيات مع أي حد غريب عادي
رحيل:نعم حضرتك تقصد إيه
توقف جاسر ونظر لرحيل: أقصد أنك ركبتي مع آدم وخلتيه يوصلك لحد هنا
رحيل: أنا ما ركبتش معاه العربيه هو اتصل بيا وعرف إني جايه الشركه وعرض عليا فعلا يوصلني وأنا قلت له إني هتمشي فعرض عليا أنه بتمشي معايا للشركه
جاسر:وهو ده صح
رحيل:هو إيه اللي صح
جاسر: أنك تيجي أول يوم الشركه مع واحد
رحيل:وده يضايق حضرتك في إيه
جاسر:لا مايضايقنيش ولا حاجه أنا بس مش عايز حد ياخد عنك فكره مش تمام أول يوم في الشركه لما يشوفوكي ماشيه معاه و
قاطعته رحيل: أنا ما بيهمنيش كلام حد وبعدين حضرتك ناسي أنه متقدم لي ولازم أتكلم معاه عشان أعرفه قبل ما اوافق عليه
جاسر:وانت هتوافقي عليه
رحيل:قلت لحضرتك قبل كده إني لسه ماخدتش قرار بس أوعدك إني لما أخد القرار حضرتك هتكون أول حد يعرف
صمت جاسر ودلف الي المصعد ونظر لها:اتفضلي
دلفت رحيل إلي المصعد ووقفت خلف جاسر ونظرت له وتحدثت مع نفسها:وبعدين معاك بقي أنا مش فهماك بتحبني وبتغير عليا ولا مش حاسس بيا وهتحيرني معاك
وصل المصعد وخرج منه جاسر وظلت رحيل داخل المصعد فعاد لها جاسر
جاسر: إيه أنت مستنيه حاجه
رحيل:هه لا أنا جايه ورا حضرتك
خرجت رحيل من المصعد وسارت خلف جاسر فدلف إلي مكتبه ودلفت خلفه
جاسر: صباح الخير يا آنسه مني
مني:صباح الخير يا جاسر بيه
جاسر:دي آنسه رحيل هتشتغل معاكي هناهتبقي مساعده ليكي ومترجمه للعقود إللي مع الشركات الأجنبية
مني: أهلا بيكي يا آنسه رحيل
رحيل: أهلا بيكي
جاسر: رحيل مش هتيجي كل يوم لأنها لسه في الجامعه
مني: تمام يا جاسر بيه
جاسر: ياريت القهوه بتاعتي
مني:تحت أمر حضرتك
دلف جاسر إلي مكتبه وظلت مني مع رحيل
مني: أنت حلوه اوي يارحيل
رحيل: أنا متشكره ليكي أوي
مني: أنا بتكلم بجد أنت حلوه اوي ولما واحده بنت تقولك أنك حلوه يبقي أنت فعلاحلوه أوي
قطع حديثهم دخول مهاب عليهم
مهاب:مني هو جاسر جه ثم قطع حديثه عندما وجد رحيل
مهاب: أهلا أهلا بانسه رحيل
رحيل بتوتر:مهاب بيه أهلا بحضرتك
مني: إيه ده هو حضرتك تعرف رحيل
مهاب بابتسامه جانبيه: أعرفها أوي وأعرف والدتها كمان مش كده يا رحيل
رحيل:كده يا مهاب بيه أنا مفيش حاجه أخجل منها ثم نظرت لمني: أنا والدتي كانت بتشتغل في قصر راشد باشا وأنا كمان اشتغلت معاها وبعد وفاتها
مهاب: آه وفيه سوء تفاهم حصل كده ورحيل زعلت مننا وسابتنا
قطع حديثهم دخول عامل البوفيه
مني:بعد إذن حضرتك هدخل القهوه لجاسر بيه
تركتهم مني ودلفت الي مكتب جاسر
اقترب مهاب من رحيل: اوعي تكوني فاكره أنك لما تسيبي القصر وتقعدي في شقه جاسر أنك هتقدري تهربي أو تبعدي عني تبقي غلطانه أنا أقدر اوصلك في أي وقت وفي أي مكان وزي ما قطعت عيشك من القصر هعرف اخلي جاسر يطردك من الشركه ومن شقته
نظرت له رحيل: وأنا مبقتش أخاف منك واللي تقدر عليه اعمله
عند جاسر :هه يا مني عرفتي رحيل هتعمل ايه
مني:لسه يا فندم اصل مهاب بيه جه وكان بيتكلم معاها
جاسر:وهو لسه بره
مني: أيوه يا فندم
خرج جاسر إلي مكتب مني ووجد رحيل تتحدث مع مهاب
جاسر:خير يا مهاب كنت عايز حاجه
مهاب: أنا كنت جاي أقولك علي حاجات في الشغل ولقيت رحيل هنا فكنت بعتذر لها عن إللي حصل
جاسر: حاجات إيه عن الشغل مش فيه مدير الاداره بتاعتك أعرض عليه اي حاجه عايزها وأعتقد أنك خلاص اعتذرت لرحيل اتفضل علي مكتبك
مهاب:تمام يا باشا
وانصرف مهاب واقترب جاسر من رحيل:ياريت نشتغل وبس وأي كلام خارج الشغل يبقي وقت البريك او بره الشركه وقت الشركه للشغل والكلام في الشغل وبس
رحيل:تحت أمر حضرتك
دلف جاسر إلي مكتبه مره أخري هو يحدث نفسه أنا هلاقيها من مهاب ولا آدم
في الجامعه عند حنين
كانت تجلس مع نائل
نائل: إيه الكلام إللي بتقوليه ده يا روحي
حنين: أيوه إحنا لازم نقطع الورقه بعد ما نرجع من الرحله
نائل:ليه بس هو ايه إللي مضايقك من الورقه
حنين: أنا مش مطمنه ووافقت بس إني اكتب الورقه دي عشان نسافر غير كده مكنتش هوافق
نائل:طب استني لما نسافر وتشوفي هتتمتعي قد اي معايا في الرحله دي أنت إللي هتقولي بلاش نقطع الورقه ونكرر الرحله تاني
مرت الأيام وجاء يوم السفر كانت حنين تجمع اشياءها لتستعد للسفر ثم نزلت إلي الأسفل فوجدت جاسر وعمر
جاسر:يلا يا حنين عشان اوصلك مكان الأتوبيس
حنين: أنا جاهزه يا أبيه
جاسر لعمر: أنا مش عارف إيه لازمه السفر دلوقت أنت كمان يعني أنت وحنين وشهد مش موجودين
عمر:معاك مهاب
جاسر:بقي كده اخرتها مهاب
حنين: أنت مسافر فين يا أبيه عمر
عمر: شرم الشيخ
حنين بتوتر: إيه ليه
عمر: في واحد صاحبي عازمني يومين هناك وأنا قلت فرصه أغير جو
حنين:اه اه
عمر:ممكن نبقي نتقابل هناك
حنين: آه طبعا هبقي أكلمك ونتقابل يلا با أبيه عشان ما نتاخرش
عند شهد كانت تصرخ في غرفتها فهي تشعر بألم كبير في رأسها حيث أن تأثير خروج المخدر من جسمها يشعرها بالألم الشديد
دلف إليها سامح وحاول تهدأتها
اقترب منها سامح وأمسك يدها: أهدي يا شهد أهدي أنت قويه وهتستحملي
شهد:ارجوك ارجوك يا دكتور حبايه واحده ارجوك
سامح:ماينفعش يا شهد لازم تستحملي
شهد: أبوس رجلك أبوس إيدك يا سامح أنا دماغي هتنفجر أنا هموت
شعر سامح بشعور غريب عند نطقها باسمه فهي دائماً تناديه بدكتور فهو يشعر تجاهها بمشاعر لا يعرف هل هي مشاعر حب ام مشاعر طبيب لمريضه
اقترب سامح من الفراش واجلسها عليه واعطاها منوم فذهبت في ثبات عميق ثم تحدث إلي الممرضه
سامح: أول ما تفوق بلغيني
الممرضه:حاضر يا دكتور
عند جاسر:قام بإيصال حنين إلي الحافله واطمئن أنها تحركت وكان عمر يسير خلف الحافله بسيارته ولكن دون علم احد
توجه جاسر إلي الشركه ودلف الي مكتب مني ورحيل
جاسر:صباح الخير
رحيل ومني صباح النور
ثم فجأة دلفت إليهم فتاه بملابس ملفته وشعر أحمر طويل ومكياج ورائحه عطر تملاء المكان وهتفت الفتاه:جاسر حبيبي
التفتوا جميعا إلي مصدر الصوت واتسعت عيون رحيل من الصدمه عندما وجدت جاسر يبتسم ويتقدم من الفتاه وتقبله الفتاه علي وجنته
جاسر:ميار وصلتي أمتي
ميار:من يومين وحشتني أوي
جاسر: وأنت كمان تعالي ندخل المكتب ثم نظر إلي مني
واحد عصير برتقال من غير سكر والقهوه بتاعتي لو سمحتي يا مني
مني:تحت أمر حضرتك
كانت رحيل تقف دون أي حركه تنظر لاثارهم حتي دلفوا إلي المكتب واغلقوا الباب
مني: رحيل رحيل أنت يا بنتي رحتي فين
رحيل:هه مين الكائن الخرافي إللي كان هنا
ضحكت مني علي رحيل:كائن خرافي هههههههه
دي ميارحبيبه جاسر بيه
رحيل: إيه حبيبته
مني:المفروض أنهم هيتخطبوا هما يعرفوا بعض لما كان جاسر بيه مسافر والدها كان صديق والد جاسر بيه وتقريبا كانوا متفقين أنهم بتجوزاوا
التقتت رحيل بعض الأوراق من مكتب مني وتوجهت إلي مكتب جاسر
مني: رايحه فين يا رحيل
لم تستمع إليها رحيل وطرقت الباب ودلفت دون الإنتظار لأخذ الاذن
ميار: إيه قله الذوق دي حد يفتح الباب فجاه كده
جاسر:تعالي يا رحيل في حاجه
رحيل: آه طبعا أكيد في حاجه وحاجه كبيره كمان
جاسر: إيه هي
كانت رحيل تنظر إلي ميار الجالسه أمام جاسر وهي تضع قدم علي قدم ونصف قدمها عاري نظرا لقصر فستانها
جاسر:رحيل حاجه إيه رحيل رحيل
رحيل:هه حاجه إيه
جاسر:الحاجه المهمة إللي عايزاني عشانها
رحيل اه العقود إللي حضرتك طلبت مني اترجمها أنا ترجمتها وعايزه حضرتك تراجعها
جاسر:طيب تمام سبيها وأنا هراجعها بعدين
رحيل:لا ما ينفعش لازم دلوقت عشان لو فيه غلط اصلحها
ميار:هو قالك بعدين يبقي بعدين
جاسر:خلاص يا رحيل هاتي العقود
رحيل:عقود إيه
جاسر: إللي عايزاني اراجعها
رحيل: آه العقود اه إيه أنا نسيتها بره
جاسر: خلاص خليها دلوقت ولما ابعت لك ابقي هاتيها
رحيل: آه ماشي أنا هطلع
جاسر:تمام
رحيل:هطلع أنا بقي
ميار:ياريت بسرعه
خرجت رحيل واغلقت الباب خلفها وهتفت:كده خطر أوي وبعدين ثم وجدت عامل البوفيه احضر العصير والقهوه وكانت مني تحملهم لتقدمهم لجاسر وميار
وقفت أمامها رحيل: إيه رايحه فين
مني: إيه يا رحيل هدخل الحاجه جوه
رحيل:لا طبعا خليكي أنت مرتاحه وأنا هدخلهم
مني:لا ما تتعبيش نفسك هدخلهم أنا
رحيل:لا ما ينفعش أنت مديره مكتب رئيس مجلس الاداره وأنا المساعده بتاعتك ارتاحي أنت وأنا أعمل الحاجات الصغيره دي
مني: ماشي يا رحيل أنا مش عارفه مالك النهارده
رحيل:مالي مفيش أنا زي الفل ثم أخذت منها المشروبات ودلفت إلي المكتب دون أن تستأذن فوجدت ميار تقف بالقرب من جاسر وتضع يدها علي كتفه وتملس بيدها الأخري علي رأسه
شهقت رحيل شهقه عاليه ثم سعلت
نظر لها جاسر وميار
رحيل: أسفه اصلي شرقت
ميار: وبعدين بقي هو أنت معودهم هنا يا بيبي أنهم يدخلوا كده من غير استأذان
رحيل:بيبي ثم نظرت لجاسر القهوه والعصير
جاسر: أنت إللي مدخلاهم آمال مني فين
رحيل:مني مين آه مني هي تعبانه شويه فأنا قلت اساعدها
جاسر:شكرا يا رحيل حطيهم عندك علي المكتب
مايا: ياريت بسرعه واطلعي وما تدخليش تاني
رحيل بابتسامه خبث:تحت أمر حضرتك
وضعت رحيل القهوه أمام جاسر علي المكتب ثم اقتربت من مياروادعت أنها تعثرت في السجاده وقامت بسكب العصير علي ملابس ميار
ميار بغضب: إيه إللي أنت هببتيه ده أنت عاميه
اقتربت منها رحيل: أنا أسفه جدا أنا مش عارفه اتكعبلت ازاي وكانت تذيل العصير من علي ملابس ميار ولكنها كانت تدعي ذلك ثم أحضرت كوب الماء وسكبته علي ملابس ميار
ميار: إيه ده
رحيل:دي مايه عشان ما يبقعش
ميار بغضب اكبر: أنا مش عارفه أنت إزاي تشغل عندك الأشكال دي يا جاسر
نظرت لها رحيل وتركتها وخرجت من المكتب
جاسر: أهدي يا ميار هي مش قصدها
ميار:دي غبيه
جاسر:لو سمحت يا ميار أنا مش بحب الأسلوب ده
ميار: أسفه يا بيبي بس البنت دي عصبتني أنا لازم اروح عشان أغير الفستان هستني منك مكالمه
جاسر: تمام تحبي اوصلك
ميار:لا ميرسي السواق معايا
وتوجهت إلي خارج المكتب وسار خلفها جاسر ثم خرجوا إلي مكتب مني ورحيل وكانت رحيل تجلس علي مكتبها وعند خروج جاسر وميار ضحكت رحيل
ونظرت لها ميار ثم انصرفت
دلف جاسر إلي مكتبه
مني: إيه ده إيه إللي عمل فيها كده
كادت رحيل تجيب علي مني حتي سمعت صوت جاسر يهتف باسمها
جاسر: رحيل تعالي علي مكتبي
رحيل:حاضر يا جاسر بيه
دلفت رحيل إلي مكتب جاسر وجدته يجلس علي طرف مكتبه ويبتسم
جاسر:هه
رحيل:هه إيه
جاسر:عملتي كده ليه
رحيل:مش فاهمه حضرتك بتتكلم عن إيه
نهض جاسر واقترب منها ونظر في عيونها:عملتي كده ليه يا رحيل في ميار إيه بتغيري عليا
