رحيل

الفصل التاسع والعشرين

مرت الليله واستيقظت رحيل علي صوت هاتفها فنظرت له وابتسمت عندما وجدته جاسر
رحيل: جاسر
جاسر: أحلي جاسر سمعتها في حياتي أنا مش عايز من الدنيا غير أني أسمع صوتك كل يوم الصبح وأنت بتقولي لي جاسر كده
رحيل:علي فكره أنا كده هتعود علي الكلام الحلو ده
جاسر: اتعودتي يا قلبي بقولك ايه يلا بقي اصحي عشان نفطر ونروح الشركه مع بعض
رحيل: حاضر ثواني وهكون جاهزه
نهضت رحيل وارتدت ملابسها وفتحت باب الغرفه وجدت جاسر يقف أمام الغرفه وبيده ورده
جاسر: وحشتيني
رحيل: هو إحنا لحقنا إحنا بس سبنا بعض وقت النوم يعني ٦سعات بس
جاسر:وهما ال٦سعات دول شويه
رحيل:حلوه اوي الورده دي
جاسر: أنا جبتها عشان فكرتني بيكي يا احلي ورده في عمري
رحيل :طب يلا بقي ننزل عشان لو فضلنا نتكلم مش هننزل
جاسر: وايه يعني خلينا مع بعض أنا نفسي نفضل مع بعض لوحدنا طول العمر
قطع حديثهم خروج مديحه من غرفتها
مديحه: صباح الخير يا جاسر
جاسر: صباح الخير يا ماما
ابتسمت رحيل عند سماعها جاسر وهو يقول لوالدته ماما
مديحه:يلا يا حبيبي أنا صاحيه بدري عشان افطر معاك
جاسر :طيب يلا ننزل عشان ما نتأخرش علي الشركه
انصرفت مديحه وظلت رحيل وجاسر
رحيل: أنا مبسوطه أوي أنك بقيت انت ووالدتك كويسين مع بعض
جاسر: حبي ليكي خلاني اسامح كل الناس مبقاش في قلبي اي مكان للكره
هبط رحيل وجاسر إلي الأسفل وتناولوا الطعام وانصرفوا ليتوجهوا إلي الشركه
ركبت رحيل بجوار جاسر وأمسك جاسر يدها ثم قبلها
جاسر:تعرفي كان نفسي في كده من أمتي
رحيل:هو إيه ده إللي نفسك فيه
جاسر : إني اصحي من النوم علي صوتك واشوفك الصبح وافطر معاكي ونروح الشركه سوا
رحيل:من امتي
جاسر:من أول يوم شفتك فيه
رحيل:اليوم إللي رجعت فيه من السفر
جاسر:لا من اليوم إللي وقعتي فيه قدام عرببتي
رحيل: أنا كمان من يومها وأنا بفكر فيك بس كنت دايما خايفه واقول أنا فين وأنت فين
جاسر: بس الحمد لله ربنا حقق لي إللي كنت بتمناه وأن شاء الله مش هنفترق ابدا عن بعض ثم قبل يدها مره أخري وقاد السياره متجهٱ إلي الشركه
عند مديحه
قامت بالاتصال بميار
مديحه:جاسر دلوقت في الشركه ومهاب هينزل دلوقت إيه الأخبار عندك
ميار: أنا جاهزه
مديحه:تمام الساعه ٢مهاب هيكون عندك وأنت الساعه ٣تكوني في المطعم وتكلمني جاسر اوعي تعملي حاجه غلط كل حاجه تبوظ
ميار:ما تقلقيش يا مديحه هانم أنا في المعركه دي يا قاتل يا مقتول
أغلقت مديحه الهاتف وجلست تشرب القهوه:  ثم تذكرت لقائها بمهاب وميار
مهاب: خير يا مديحه هانم
مديحه: اسمعوني كويس البنت الخدامه دي قدرت تضحك علي جاسر تاني ورجعوا لبعض إحنا لازم نتصرف ونبعدها عنه بأي طريقه وأنا لقيت الطريقه دي
ميار: إيه هي يا طنط
مديحه: أنا قدرت اقرب من جاسر تاني وبقت علاقتي بيه كويسه وشويه شويه هخليه يثق فيا تاني وينسي إللي فات بس ده جزء من الخطه والجزء الثاني معتمد عليكم
مهاب: إيه المطلوب
مديحه:ميار هي صاحبه الجزء الأكبر من الخطه بس لما نبدا مفيش رجوع
ميار: وأنا مش هرجع ويا أنا يا الخدامه دي
مديحه:تمام بكره لما جاسر يروح الشركه أنا هكلمك وتروحي له ومهاب هيسبقك علي الشقه وننفذ الخطه كلها ووقتها هتضمني أن جاسر هيتجوزك أنت مش غيرك
Back
مديحه:اما نشوف اخرتها إيه يا بنت فيروز
عند جاسر كان يجلس علي مكتبه ثم قام بالاتصال بمني
مني:افندم ياجاسر بيه
جاسر:ممكن تخلي رحيل تيجي هنا
مني: تحت أمر حضرتك
مني: رحيل جاسر بيه طالبك عنده
دلفت رحيل إلي مكتب جاسر
رحيل: افندم يا جاسر بيه
جاسر:اقفلي الباب
اغلقت رحيل الباب
نهض جاسر واتجه إلي رحيل وأمسك يدها وقبلها: وحشتيني
ابتسمت رحيل:كنت عايز إيه
جاسر:بقولك وحشتيني
رحيل: بس كده
جاسر:وهي دي حاجه بسيطه أنت وحشتيني وحسيت إني عايز اشوفك واقولك وحشتيني
ابتسمت رحيل: أنا بحبك أوي يا ثم قطعت حديثها وشهقت ثم سعلت
اندهش جاسر:مالك في إيه ثم سمع صوت طرقات علي الباب
جاسر: أدخل
دلفت مني: آنسه ميار عايزه تقابل حضرتك
رفعت رحيل حاجبها ونظرت لجاسر:احم ودي جايه عايزه إيه
جاسر: معرفش يا حبيبتي اما نشوف
دلفت ميار إلي المكتب وهي حزينه وتبكي: جاسر
جاسر:مالك يا ميار
نظرت ميار إلي رحيل:عايزه اكلمك في موضوع علي إنفراد
رحيل: آه ماشي أنا هطلع بره يا حبيبي
جاسر:ماشي يا حبيبتي
انصرفت رحيل
جاسر:مالك يا ميار
ميار: أنت بجد مرتبط برحيل وهتتجوزوا
جاسر: بتسألي ليه السؤال ده
ميار: رد عليا يا جاسر
جاسر: أيوه يا ميار أنا ورحيل بنحب بعض
انهارت ميار في البكاء
جاسر:اهدي يا ميار
ميار: أهدي إزاي وأنت بتقولي أنك بتحب واحده تانيه
جاسر: أيوه يا ميار بس أنا مش وعدتك بحاجه
فجاه دلفت رحيل إلي المكتب ومعها عصير برتقال وقهوه
رحيل: القهوه والعصير
جاسر : شكرا يا رحيل
وضعتها رحيل وانصرفت
ميار: أنا مش عارفه أتكلم هنا تعالي نروح اي مكان نتكلم
جاسر:مفيش حاجه نتكلم فيها
ميار: أرجوك يا جاسر اعتبره اخر طلب هطلبه منك
جاسر: ماشي يا ميار تعالي نروح أي مطعم نتغدي ونتكلم
خرج جاسر وميار من الغرفه
جاسر  لرحيل: أنا هنزل وهرجع تاني
رحيل:هستناك نتغدي سوا
جاسر :لا كلي أنت ولو اتاخرت ابقي روحي مع عمر
رحيل: فيه حاجه حصلت
جاسر:لا مفيش سلام
انصرف جاسر مع ميار
عند حنين
كانت تتحدث مع نائل في الهاتف
حنين:طيب يا نائل هحاول اخرج بس عمر تقريبا مراقبني ومش عارفه اعمل ايه
نائل: وأنت يهمك منه إيه
حنين: أنا خايفه يقول حاجه لأبيه جاسر
نائل:لازم تاخدي منه الورقه يا حبيبتي عشان ما يكونش ماسك عليكي حاجه
حنين: أنا سألته عليها قالي أنه قطعها
نائل: أكيد بيضحك عليكي عشان يستغلها
حنين: أنا هواجهه واخدها منه
عند جاسر وميار
وصل جاسر وميار إلي المطعم
جاسر:ممكن تهدي بقي شويه
ميار: أهدي إزاي يا جاسر وأنت بتضيع من ايدي وبتقولي أنك بتحب غيري أنا معرفش في حياتي غيرك وكنت عايشه طول عمري علي امل أننا نكون لبعض جاي بعد كل السنين إللي حبيتك فيها عايزني أوافق انك تسيبني وتروح لغيري
جاسر:ارجوكي كفايه عياط الناس بتبص علينا
ميار:خلاص يا جاسر أنا هبعد عنك ومش هتشوف وشي تاني ثم نهضت ولكنها وضعت يدها علي رأسها وادعت أنها ستفقد الوعي
فزع جاسر واقترب منها: مالك يا ميار
ميار:مش عارفه حاسه إني دايخه أوي
جاسر: تحبي نروح المستشفي
ميار:لا ممكن بس توصلني للبيت
جاسر: حاضر حاضر
قام جاسر بمساعدتها علي السير ووصل إلي سيارته وقام مساعدتها للصعود إلي السياره وانطلق بها إلي منزلها
وصل جاسر إلي منزل ميار
جاسر:ميار ميار أنت كويسه ولا نطلع علي المستشفي أحسن
ميار:لا أنا هبقي تمام شكرا أنك وصلتني ثم نزلت من السياره ولكنها ادعت أنها ستقع ركض جاسر إليها:تعالي أنا هوصلك لفوق
صعدت جاسر مع ميار إلي شقتها وقام بمساعدتها في الجلوس علي الكنبه
جاسر: أنت متاكده انك كويسه
ميار: أيوه أنا كويسه
جاسر: تحبي اجيب لك عصير
ميار: ياريت هتلاقي في المطبخ ياريت تجيب ليا وليك
قام جاسر بسكب كوبين من العصير واحضره
ميار:معلش يا جاسر أنا شكلي نسيت شنطتي في عربيتك
جاسر: آه ثواني هجيبه واجي
نزل جاسر إلي السياره وقامت ميار بوضع بعض الحبوب المنومه ثم رجعت مره أخري إلي الاريكه
دلف جاسر إلي الشقه وجلس
ميار: أشرب العصير أنا أسفه إني تعبتك معايا
قام جاسر باحتساء العصير وبعد مرور بعض الدقائق شعر بالدوار يعصف برأسه ثم فجأة سقط رأسه علي الكرسي وذهب في ثبات عميق
اقتربت منه ميار: جاسر جاسر أنت سامعني ولكنها لم تجد منه اي رد
فجاه خرج مهاب من غرفه النوم
مهاب:هه نام
ميار: آه هنعمل ايه
مهاب: مفيش أنا هدخله الاوضه وهقلعه هدومه وهو مش هيصحي إلا الصبح وأنت قبل ما يصحي تنامي جنبه والباقي بقي أنت عرفاه ثم أعطاها ورقتين:دول الورقتين العرفي
ميار:تمام
قام مهاب بتنفيذ خطتهم ثم ترك منزل ميار وذهب
ثم قام بالاتصال بمديحه
مديحه: إيه الأخبار
مهاب:كله تمام
مديحه: حلو أوي
عند رحيل
كانت تجلس وهي تشعر بالقلق وكانت تقوم بالاتصال بجاسر ولكنه لم يكن يجيب ثم أصبح هاتفه مغلق
دلف عمر إليها
عمر: إيه جاسر لسه مجاش
رحيل:لا وتليفونه مغلق
عمر:ما تقلقيش اكيد فصل شحن يلا عشان نروح
مرت الليله وكانت رحيل تشعر بالقلق علي جاسر ولكن غلبها النوم
اتي النهار بأحداث جديده
فتح جاسر عيونه وجد نفسه في غرفه لا يعلمها ولا يتذكر كيف اتي إليها حاول النهوض ولكنه اكتشف أنه عاري بدون ملابس ونظر بجواره وجد فتاه تغفو بجواره مثلها مثله فنظر لها جيدا بعد أن فتح عينه واغمضها أكثر من مره تفاجأ بأنها ميار فزع جاسر وقام بايقاظها
جاسر:ميار ميار اصحي ميار
فتحت ميار عيونها:صباح الخير يا حبيبي
جاسر:قومي يا ميار أنا إيه إللي جابني هنا وايه إللي حصل
نظرت له ميار: أنت بتقول ايه أنت مش عارف ايه إللي حصل أنت عايز تهرب ولا إيه
جاسر: أنت بتخرفي بتقولي إيه اهرب من إيه أنا مش فاهم حاجه
ميار: يعني إيه مش فاهم حاجه أنت هترجع في كلامك مش هتخلي جوازنا شرعي
جاسر:جوازنا
ميار: أيوه جوازنا إحنا كتبنا امبارح ورقة وأنا مرضيتش إننا نعمل حاجه إلا لما نتجوز وانت وعدتني أنك هتتجوزني رسمي ونعمل خطوبه وفرح عشان أهلي وأهلك
جاسر: مش ممكن أنا مش فاكر حاجه
ميار: أنت بتهزر صح أنت مش ممكن تكون بتعمل كده عشان تتهرب مني ثم بدأت في البكاء وامسكت يد جاسر: أرجوك يا جاسر قولي أنك بتهزر
جاسر: أهدي بس يا ميار أنا بجد مش فاكر حاجه أنا اخر حاجه فاكرها إننا روحنا المطعم زي ما طلبتي وقعدنا واتكلمنا وبعدين أنت تعبتي وطلبتي مني اوصلك
ميار: أيوه وأنت جيت وصلتني وطلعنا وقعدنا وشربنا وكتبنا الورقه واتجوزنا
جاسر:شربنا إيه أنت عارفه إني مش بشرب
ميار:لا إحنا شربنا وبعدها أنت حاولت أنك تقرب مني وأنا قلت لك لازم نتجوز الأول وبعدين كتبنا الورقه واتجوزنا
وضع جاسر يده علي رأسه: أنا مش فاكر أي حاجة
ميار:لا يا جاسر اوعي تتخلي عني ثم انهارت في البكاء
وضع جاسر يده علي رأسها: أهدي أهدي يا ميار
ثم قطع حديثه رنين هاتفه نظر له وجدها رحيل
جاسر: رحيل بتتصل
ميار: أنت هتخلي بيا وتروح لها
جاسر: أنا مش عارف اي حاجه
اجاب جاسر علي الهاتف
جاسر:الو
رحيل: صباح الخير يا حبيبي إيه أنت فين أنت نزلت بدري ولا إيه
جاسر: إيه آه آه أصل كان عندي مشوار كده
رحيل: خلاص أنا مش هفطر هروح أصبح علي جدو وانزل اروح الشركه ونفطر سوا
جاسر: إيه لا لا أنا مش هاجي الشركه أنا هتاخر شويه
رحيل:في إيه يا جاسر مالك صوتك متغير ليه فيه حاجه حصلت
جاسر:لا حاجه إيه مفيش حاجه أنا هقفل عشان مستعجل سلام
اغلق جاسر الهاتف
رحيل:هو فيه إيه
قام جاسر وارتدي ملابسه
ميار: أنت هتعمل ايه
جاسر: ارجوكي يا ميار سبيني دلوقت عشان أعرف افكر
ميار: مفيش حاجه تفكر فيها أنت لازم تكتب عليا رسمي أنت عارف لو بابا ولا أكرم عرفوا ممكن يعملوا فيا إيه
جاسر:ميار ارجوكي سبيني دلوقت
ميار: ماشي يا جاسر بس اعمل حسابك أنك لو حاولت تغدر بيا أنا مش هسكت
تركها جاسر وانصرف
بعد انصرافه ابتسمت ميار ابتسامه نصر وقامت بالاتصال بمهاب
مهاب: إيه الأخبار
ميار: كله تمام
مهاب:يعني دخلت عليه
ميار:طبعا انت بتشك في قدراتي
مهاب:حلو أوي نكمل بقي بقيت الخطه
مرت الأيام وكان جاسر دائما شاردا وكانت رحيل تشعر بتغيره معها ولكنها لا تعلم السبب
كان جاسر يجلس في مكتبه في الليل في الشركه وفجاه دلفت إليه ميار
جاسر:ميار إيه إللي جايبك دلوقت
ميار: أنت بتتهرب مني ليه يا جاسر
جاسر: أنا مش بتهرب منك أنا بس بحاول اجمع افكاري
ميار:طيب وأنت بقي بتجمع افكارك احب أقولك علي حاجه عشان تحطها في حساباتك
جاسر:حاجه إيه
ميار: أنا حامل