ظل مهاب في القسم في إنتظار أن تفيق مني وتدلي بشهادتها
كان مهاب ينظر في الساعه ويشعر بالضجر
مهاب: ممكن أعرف أنا هفضل هنا لحد أمتي
الضابط: لحد ما مني تفوق وتقول لنا الحقيقه
مهاب: أنا مش فاهم يعني هو أي حد يفتري علي حد ويتهمه من غير دليل تقبضوا عليه
الضابط:مهو إحنا مستنين الدليل
مهاب: أوكد لحضرتك أن الكلام ده كله كلام فارغ وأنا مليش أي علاقة بخطف او محاوله قتل
الضابط: معلش اصبر معانا شويه والحقيقه هتبان
رن هاتف مهاب
مهاب:ممكن ارد علي التليفون
الضابط:اتفضل
مهاب: أيوه يا ماما
عاليا: إيه يا مهاب إللي حصل مش قلت لك يا ابني بلاش الطريق ده
مهاب وهو يحاول أن يخفي خوفه وكلام والدته
مهاب:ماتقلقيش يا ماما ده بلاغ كيدي وأن شاء الله الحقيقه هتبان والصبح هكون في البيت
عاليا: قولي يا مهاب أنت خاطفها فين هروح اطلعها يابني ونخلص من الموضوع ده
مهاب:لا يا ماما هبقي أكلمك تاني يا حبيبتي سلام
أغلق مهاب الهاتف ونظر للضابط وابتسم:قلق الأمهات بيفضل حتي لو بقي عمرك ٥٠سنه
مر الوقت واتي الصباح
كان جاسر وعمر يقفوا أمام غرفه مني في إنتظار أن تفيق وتسرد لهم ما حدث
حضر الطبيب ودلف إليها
جاسر:يارب تفوق وتكون عارفه ايه إللي حصل لرحيل
خرج الطبيب من الغرفه
جاسر:هه خير يا دكتور
الطبيب: الحمدلله فاقت بس مش هينفع حد يدخل لها إلا لما نبلغ النيابه
جاسر:اه طبعاً اكيد
وصل وكيل النيابه ودلف إلي مني
وكيل النيابه:هه يا مني ايه إللي حصل
سردت له مني ما حدث
وكيل النيابه: يعني أنت بتتهمي مهاب أنه خطف رحيل وحاول يقتلك أنت وآدم
مني: أيوه مهاب هو إللي خطف رحيل وحاول يقتل آدم ويقتلني
وكيل النيابه:ما تقدريش تفتكري أن كان هو قالك قبل كده علي مكان هو بس إللي يعرفه او بيت اوشقه تكون بتاعته
مني:لا مش عارفه هو مكانش بيقولي حاجه أنا إللي كنت بحبه من الأول بس لقيته من أسبوع بيقرب مني وبيقولي أنه بيحبني وملحقتش أعرف عنه حاجات كتير
وكيل النيابه: وأنت اكيد ما كنتيش تعرفي هو ناوي علي إيه
مني:لا عمري ما شكيت فيه
وكيل النيابه: شكرا يا آنسه مني
مني:هو أنا كده ابقي مشتركه معاه في الجريمه
وكيل النيابه:لا إحنا هنعتبرك شاهد ملك وأن شاء الله مش هتبقي مدانه بأي حاجه
خرج وكيل النيابه وكان في انتظاره العميد زكريا
العميد زكريا:خير يا باشا
تحدث معه وكيل النيابه ثم انصرف
جاسر: خير يا باشا
زكريا:زي ما توقعنا بتقول أن مهاب هو إللي خطف رحيل وحاول يقتل آدم ويقتلها
جاسر: طب مستنين إيه يلا نروحله ونخليه يعترف علي مكانها
زكريا: للأسف يا آدم أقوال مني مش دليل لأنها بتقول مش هو إللي ضربها بالسكينة هي بتقول انه جاب واحد اخدها في العربيه وبعدين ضربها
جاسر: يعني إيه
زكريا:يعني كلام مهاب قصاد كلامها
جاسر: يعني ممكن يخرج منها
زكريا: إحنا لسه ما نعرفش كلام النيابه
في النيابه
وكيل النيابه: إيه رأيك في أقوال مني
مهاب:تقول إللي هي عايزاه فين الدليل علي كلامها
وكيل النيابه: وهي إيه إللي يخليها تقول كده وتتهمك
مهاب: أنا بصراحة مكنتش عايز أقول الكلام ده بس هقوله بقي
وكيل النيابه: كلام إيه
مهاب:مني تبقي سكرتيره جاسر بس هي يعني كانت بتحبني وصارحتني بالكلام ده بس أنا مش ببادلها نفس الشعور وقلت لها إني مش بحبها بصراحه هي متقبلتش الموضوع ده وقالت لي انها هتنتقم مني لأني علقتها بيا بس أنا عمري ما وعدتها بحاجه أنا ممكن اكون في الأول اعجبت بيها بس بعد كده رجعت
وكيل النيابه: آمال تفتكر مين إللي حاول يقتلها
بصراحه يا باشا أنا كنت عرفت عنها حاجه مش عارف يعني ينفع اقولها ولا لاء
وكيل النيابه: حاجه إيه
مهاب: أنا كنت عرفت أنها علي علاقه بواحد وكنت بشوفها معاه في العربيه ومره شفتها بتتخانق معاه ممكن تكون اختلفت معاه فحاول يقتلها
وكيل النيابه:علاقه من اي نوع
مهاب:علاقه كده يا باشا أنت فاهم بقي
وكيل النيابه: يعني أنت بتنكر كل الاتهامات دي
مهاب:لو فيه عند حضرتك دليل أو عند مني أنا مستعد لكل إللي تعملوه
وكيل النيابه:قررنا نحن وكيل نيابه______
الإفراج عن مهاب حسين بدون أي ضمانات
كان جاسر ينتظر بقلق حتي رن هاتفه برقم زكريا
جاسر: زكريا باشا إيه الأخبار
زكريا: للأسف زي ما قلت لك النيابه أفرجت عنه بدون ضمانات
جاسر: إزاي
زكريا:مفيش دليل علي كلام مني وهو اتهمها أنها بتنتقم منه عشان كانت عايزه تعمل معاه علاقه وهو رفض
جاسر : إيه خلاص يا باشا أنا هعرف اخليه ينطق بمكانها
زكريا: بلاش تهور يا جاسر مش عايزين ندخل في متاهات
اغلق جاسر الهاتف ونظر لعمر
عمر: إيه
جاسر:افرجوا عنه
عمر: وبعدين
جاسر: مفيش غير حل واحد أنا إللي هخليه ينطق ويقول هي فين
ذهب جاسر وذهب خلفه عمر
عند مهاب
وصل إلي القصر وصعد إلي غرفته وتوجهت خلفه والدته وجدته يجمع ملابسه وأغراضه
والدته:مهاب بتعمل إيه
مهاب: أنا لازم اختفي اليومين دول لحد ما نسجل التنازل في الشهر العقاري وبعدين هاخدك ونهرب من البلد كلها
والدته: طب ليه هتستخبي مش أنت محدش قدر يثبت عليك حاجه
مهاب: أيوه النيابه معرفتش تثبت عليا حاجه بس جاسر مش هيسيبني أنا لازم اهرب ومحدش يعرف مكاني
والدته: وأنا هطمن عليك إزاي
مهاب: هبقي أكلمك أنا في التليفون اطمنك عليا خدي بالك من نفسك أنا هامشي سلام
أخذ مهاب حقيبته وترك القصر
وصل جاسر إلي القصر ووجد عاليا
جاسر:مهاب فين يا عمتي
عاليا: عايز منه إيه تاني يا جاسر مش كفايه اتهمته وحبسته عشان خاطر بنت الخدامه إللي تلاقيها هربت مع واحد زيها
جاسر : أنا مش هرد علي الكلام ده
كان عمر صعد إلي الاعلي غرفه مهاب ولكنه وجدها فارغه وعلم انه جمع متعلقاته
نزل عمر:وهتف:مهاب لم هدومه وهرب
نظر جاسر إلي عمته: مهاب فين يا عمتي
عاليا:معرفش يا جاسر
جاسر: ارجوكي يا عمتي لو تعرفي حاجه قولي لي
عاليا: أنا معرفش حاجه وكويس أوي أن أنت لسه فاكر إني عمتك احب افكرك أن مهاب برده يبقي إبن عمتك
جاسر: إبن عمتي ده مجرم وأنا مش هسيبه
انصرف جاسر ومعه عمر
جاسر:هنعمل ايه أنا مش قادر افكر يا ريتني كنت رحت له أول ما مني دخلت المستشفي ومكنتش استنيت لما هرب
قطع حديثه اتصال من والدته
جاسر: أيوه يا ماما
والدته: أنت فين يا جاسر
جاسر:خير يا ماما
والدته: أنت سايبنا وماشي تلف ورا بنت الخدامه
جاسر بحده:ماما أنا مش ناقص أنت عايزه إيه
مديحه:ميار
جاسر:مالها
مديحه: أنت سايبها خالص وعايزين نحدد معاد الفرح
جاسر:فرح إيه يا ماما دلوقت في إللي إحنا فيه
مديحه:وميار ذنبها إيه أنت ناسي أنها حامل والتأخير ده مش كويس وانه الحمل هيبان عليها
جاسر:طيب يا ماما اقفلي دلوقت وأنا لما اجي نبقي نتكلم
كانت مديحه تجلس مع ميار
ميار: إيه يا طنط
مديحه:ما تقلقيش أنا وعدتك انه هيتجوزك يبقي هيتجوزك
ميار:طيب يا طنط هنعمل ايه في موضوع الحمل ده
مديحه:عادي هنقول انك زعلتي عشان هو مش مهتم بيكي وتعبتي والحمل نزل
ميار:لو كان مهاب موجود كان ساعدنا
مديحه: كفايه علي مهاب إللي عمله وساعدنا أننا نسبك الخطه علي جاسر ونفهمه أنه اتجوزك عرفي وانك حامل منه وبعدين كفايه انه خلصنا من رحيل
ميار: إزاي يا طنط انت شاكه أن مهاب هو إللي خطفها
مديحه: أنا مش شاكه أنا متأكدة
بس إحنا مالناش دعوه إحنا اهم حاجه عندنا نكمل خطتنا مع بعض
فجاءه دلفت إليهم حنين
حنين:معقول إللي سمعته ده
فزعت مديحه وميار
مديحه: إيه يا حبيبتي أنت سمعتي إيه
حنين: أنتم ضحكتوا علي أبيه جاسر وفهمتوه انها حامل منه عشان يتجوزها ويسيب رحيل ليه يا ماما ما صعبش عليكي جاسر وهو ببتعذب ماصعبتش عليكي رحيل وكمان عارفين أن مهاب هو إللي خطفها
مديحه:لا يا حبيبتي إحنا ما نعرفش حاجه إحنا بس بنتوقع لأنهم قبضوا عليه وبعدين هو هرب
حنين:والخطه إللي انتم عملتوها عليه وخلتوه يسيب رحيل ورحيل اتخطفت بعدها أنا هقول لأبيه جاسر علي كل حاجه
ميار:لا يا حنين ارجوكي أنا بحب جاسر أنا مقدرش اعيش من غيره
رحيل:وهو إللي بيحب حد يخدعه ويضحك عليه إزاي عايزه تتجوزيه وأنت بتخدعيه تفهميه أنك حامل منه ودلوقتي عايزه تحمليه ذنبك كمان انه زعلك وانت نزلتي الجنين انتم إيه مش بني ادمين
فجاه دلف جاسر
جاسر:لا يا حنين مش بني ادمين
مرت الأيام وكان جاسر يجلس في المستشفي عند آدم حتي سمع رنين هاتفه
جاسر:زكريا باشا فيه اخبار
زكريا:البقاء لله مهاب ابن عمتك طلعوا جثته من النيل ومضروب رصاصتين
