جاسر:عملتي ليه كده في ميار إيه بتغيري عليا
رحيل بتلعثم: إيه إللي حضرتك بتقوله ده لا طبعا أنا فعلا اتكعبلت والعصير وقع عليها هي إللي محسوكه
جاسر بضحك:محسوكه أنت شايفه أن إللي حصل ده مش مقصود
رحيل:ايوه عادي يعني بتحصل أن أي حد يتكعبل
جاسر: طيب الحمد لله أنه مكانش قهوه وإلا كنت حرقتيها
رحيل:لا ما تقلقش واضح أنك عارف كويس هي بتحب تشرب إيه وازاي يا بيبي
اقترب منها جاسر ون اه ولاظر في عيونها: واضح انك اخدتي بالك من كل حاجه متاكده أنك مش غيرانه منها
رحيل لنفسها:غيرانه منها دا أنا لو كنت اطول كنت خنقتها
رحيل: أنا مش عارفه حضرتك بتقول الكلام ده إزاي أنت زي أخويا ولا ايه
جاسر: أنت شايفه كده واقترب منها جاسر وكاد أن يقبلها واغمضت رحيل عيونها وتاهت في عالم آخر ولكن قطع شرودهم طرق علي الباب
فتحت رحيل عيونها وابتعدت عن جاسر وتنحنح جاسر
جاسر:احم أدخل
دلفت مني
مني:في واحد بره عايز يقابل حضرتك
جاسر :مين
مني: اسمه أستاذ آدم
ابتسمت رحيل
جاسر:خليه بتفضل ثم نظر لرحيل: إيه الفرحه دي كلها لما سمعتي إسمه
رحيل: عادي يعني
دلف آدم: جاسر باشا ثم قطع حديثه عندما وجد رحيل
آدم:رحيل أنت هنا دا أنا حظي حلو أوي
رحيل: ازيك يا آدم باشا
آدم: كويس ولما شفتك بقيت أحسن ولو تبطلي كلمه باشا هبقي احسن وأحسن
زفر جاسر بغضب وعض علي شفاه السفليه
جاسر: إيه يا آدم أنت جاي عشاني ولا عشان رحيل
آدم:لا جايلك عشان موضوع مهم بس مكنتش عارف أني هشوف رحيل النهارده
جاسر:طيب اتفضلي أنت يا رحيل وراجعي العقود عشان أشوفها
رحيل:عقود إيه
جاسر:العقود إللي طلبت منك ترجمتها
رحيل: آه بس أنا لسه ما خلصتهاش
رفع جاسر حاجبه الأيمن:لسه مخلصتش آه ماشي
آدم:لو مش وراكي حاجه النهارده بعد الشغل ممكن اعزمك علي الغدا
جاسر:لا هي مش فاضيه وهتتاخر عشان تخلص شغلهااتفضلي يا رحيل خلصي العقود
رحيل: بس أنا شايفه أن حضرتك مش مستعجل عليها
جاسر:لا مستعجل عليها ولازم تخلص النهارده وياريت فنجان قهوه لآدم بس مني إللي تدخلها أظن أنها بقت كويسه
رحيل: آه كويسه أوي بعد اذنك
وخرجت رحيل وظل آدم ينظر في أثرها
جاسر:آدم هتفضل واقف كده
آدم:هه لا
جاسر:هه خير
آدم: الموضوع إللي أنت قلت لي عليه موضوع الواد إللي اسمه حسن
جاسر:هه وصلت لحاجه
آدم:طبعا من التحريات عنه طلع أنه مش طالب هو فعلا ديلر وكان معمول له كمين بس قدر يهرب منه بس وصلنا لبنت إسمها نوسه ماشيه معاه ومراقبينها وان شاء الله هنقدر نوصل ليه عن طريقها
جاسر:حلو أوي طب والموضوع التاني
أنا قدرت أوصل لعنوان الست فيروز الله يرحمها إللي كانت عايشه فيه مع بنت خالتها بس لما اتوفت من ٨سنين بنت خالتها سابت البيت ومشت ومحدش عارف راحت فين لا هي ولا بنت الست فيروز
جاسر:وبعدين هنعمل ايه
آدم: أنا هحاول مره تانيه وان شاء الله نقدر نوصل لبنت خالت الست فيروز الله يرحمها
قطع حديثهم طرق رحيل علي الباب وطلب الدخول
دلفت رحيل إلي المكتب
رحيل: القهوه
آدم:وجيباها بنفسك تسلم ايدك
جاسر: ليه مخلتيش مني إللي تجيب القهوه
رحيل: أنا حبيت إني أدخلها لآدم باشا
آدم:ده من بختي
جاسر:خلصتي إللي قلت عليه يا رحيل
رحيل:نص ساعه وهتكون العقود جاهزه
خرجت رحيل وانتهت من العقود ثم عادت مره أخري لعرضها علي جاسر
آدم: أنت وراك حاجه النهارده
جاسر: آه ممكن أسهر بره مع ميار
آدم: إيه ده هى ميار رجعت
جاسر: آه رجعت من يومين
آدم:طب إيه مش هنسمع أخبار حلوه قريب
شهقت رحيل ثم سعلت مره أخري
آدم: إيه مالك ثم حمل كأس الماء وقربه منها: اشربي ميه
جاسر: إيه أنت كل شويه تشرقي ليه
رحيل:مفيش حاجه عادي
آدم: طيب اشربي ميه
رحيل: شكرا لحضرتك أنا كويسه
ثم اتجهت نحو الباب للخروج ولكن توقفت فجأه ونظرت خلفها:احم آدم باشا أنا موافقه علي دعوه الغدا لو كنت حضرتك ما غيرتش رأيك
آدم:لا طبعا ما غيرتش رأي
نظر لها جاسر بغضب وزفر: أنت
قاطعته رحيل: أيوه أنا خلصت شغلي كله والعقود مع حضرتك راجعها ولو فيه أي حاجه عايزه تتغير هبقي اغيرها بكره بعد إذن حضرتك ثم نظرت لآدم: أنا هستناك بره
ثم خرجت رحيل
عند شهد
كان سامح يجلس بجوارها ويتأمل في ملامحها:معقول اكون حبيتك يا شهد معقول بالسرعة دي ولا ده مجرد شعور عادي بين دكتور ومريضه مش عارف أنا خايف أمشي المشوار ده تاني واتعلق بيكي
تملمت شهد ثم فتحت عيونها ببطء
شهد:اه آه
سامح:عامله إيه يا شهد
شهد الحمد لله أحسن شويه بس حاسه بصداع
سامح:صداع زي الأول
شهد:لا بسيط عن الأول
سامح: أنا عايزك تبقي أقوي من كده عايزك تعدي المرحله دي وتبدأي حياه جديده كلها أمل
شهد:ياريت اقدر
سامح: أن شاء الله هتقدري اه نسيت اقولك جاسر أتكلم النهارده وسأل عليكي وأنا طمنته
شهد: ومقالكش أن ماما سألت عليا
سامح:هه اه طبعا سألت عليكي وهو طمنها انك بخير
ابتسمت شهد ابتسامه سخريه: أنت مش عايز تزعلني أنا عارفه أنها ماسالتش عليا ودخولي المستشفي مش مأثر فيها
سامح: وبعدين بقي علي فكره الحاله النفسيه عليها عامل كبير وحاول أن يغير الموضوع: آه صحيح كان جاسر قالي أنك بتحبي التصوير وأنك بتصوري كويس أوي
شهد:كنت
سامح: ليه كنت
شهد: خلاص أنا نسيت كل حاجه بحبها
سامح:لا ما ينفعش كده لازم ترجعي لكل حاجه بتحبيها
شهد:لو كان ينفع ارجع كل حاجه بحبها مكنتش وصلت لهنا
سامح: أنا حاسس إن فيه حاجه حصلت هي إللي وصلتك لكده وأنا مش مستعجل إني أعرفها بس احب اقولك يوم ما تنسي الحاجه دي هتبقى فعلا اختارتي العلاج
عند حنين:وصلوا إلي شرم الشيخ ودلفوا إلي الفندق ولم تكن تدري أن عمر خلفها
نائل:حمد الله على السلامه يا قلبي أخيرا وصلنا
حنين: أخيرا
نائل: أنا حجزت لنا اوضتين بباب مشترك
حنين:ليه
نائل: عشان ابقي اطمن عليكي يا حبيبتي
حنين: ماشي تمام يلا نطلع ننام أنا تعبانه أوي من الطريق
نائل:يلا يا حبيبتي وأنا هبقي اصحيكي عشان نخرج
حنين:تمام
عند رحيل
كانت تجلس علي مكتبها وكانت تحدث نفسها
رحيل:هيتجوزها معقول آمال إيه كلام آدم ليه ده وهو ما اعترضتش وبعدين بقي
كانت مني تحدثها:رحيل رحيل أنت بتكلمي نفسك
رحيل: يعني ايه أخبار حلوه يبقي هيتجوزها
مني: أنت بتقولي إيه
رحيل:هه لا مفيش حاجه
مني: طيب أنا همشي أنت هتقعدي لسه
رحيل: آه روحي أنت
ذهبت مني وظلت رحيل تنتظر خروج جاسر وآدم
بعد فتره خرج جاسر وآدم
آدم:جاهزه يا رحيل
رحيل:جاهزه
آدم:طيب يلا بينا
جاسر: بالهنا والشفا مقدما
وتركهم وذهب جاسر
آدم:يلا بينا
خرجت معه رحيل ثم توقفت أمام الشركه فوجدت جاسر يمر أمامهم بالسياره
رحيل:آدم باشا
آدم: نعم يا رحيل
رحيل: أنا أسفه أنا مش هقدر اجي معاك
آدم: ليه
رحيل: أصل افتكرت أن عندي بحث مهم ولازم أقدمه بكره
آدم:تمام مش مشكله أنا ممكن اعديها المره دي بس بشرط
رحيل: شرط إيه
آدم:تسمحي لي اتمشي معاكي لحد البيت
رحيل: آه طبعاً
سار آدم مع رحيل ثم قطع صمتهم آدم
آدم: مش هتريحيني بقي يا رحيل وتردي علي طلبي
رحيل:آدم باشا أنت ما تعرفش عني حاجه
آدم: بقولك أنا مايهمنيش أعرف عنك حاجه أنا ما بهمنيش غير أني اعرفك انت
رحيل: أنت حتي ما تعرفش إسمي إيه
آدم: اسمك رحيل مراد
رحيل: مش بقولك ما تعرفش عني حاجه أنا عندي سر يمكن لو عرفته تغير رأيك
آدم: سر إيه
رحيل :أنا إسمي رحيل مراد راشد الجارحي
آدم: إيه مراد راشد الجارحي أنت تبقي بنت عم جاسر
