حنين: أنا مكنتش اتوقع منك انك تطلع بالاخلاق دي
عمر:اخلاق إيه أنت بتقولي إيه
حنين: أنت طلعت ورايا شرم الشيخ وكنت بتراقبني عشان تفرق بيني وبين مهاب وعملت التمثيلية دي وضربته كل ده عشان طمعان في ثروه جاسر
نهض عمر وأمسك زراعها: أنت بتخرفي بتقولي إيه أنت اتجننتي
نزعت حنين يدها من يده: أنا مش بخرف أنا بقول الحقيقه أنا برده كنت مستغربه إيه إللي يخلي نائل يتغير مره واحده كده أنت السبب أنت بطمعك فرقت بينا
كان عمر لا يصدق ما تقوله حنين
عمر: أنت إيه إللي خلاكي تقولي الكلام ده أنت رجعتي تتكلمي مع الكلب ده تاني
حنين: إيه مكنتش عايزني أرجع أكلمه عشان معرفش إللي أنت عملته
حاول عمر أن يتحكم في أعصابه حتي لا يقتلها بيده لأنه تشك فيه وتصدق الآخر الذي أراد فضحها
عمر: تمام يا حنين لو كلامك صح ليه خلاكي تكتبي الورقه العرفي وليه حط لك منوم في العصير وليه اخدك علي الخيمه ولما اخدناه علي القسم ليه طلب فلوس عشان يجيب الورقه
صمتت حنين لحظات ثم قالت: إحنا كتبنا الورقه عشان نعرف نسافر ونحجز الاوتيل وهو محطش منوم في العصير أنا تعبت ودخت ولما دخلني الخيمه عشان ارتاح ويفوقني أما بقي بخصوص الفلوس فهو قالي هيرجعها ليا
عمر: أنت مصدقه الكلام ده
حنين: أيوه مصدقاه ومش هصدق غيره وأنت بقي يا أبيه عمر عمري ما هسامحك حتي لو كنت عملت كده عشان بتحبني فأنا بكرهك
وهمت بالانصراف
هتف عمر باسمها: حنين
وقفت حنين والتفتت إليه:نعم
عمر: أنا لآخر مره بحذرك الولد ده ابعدي عنه وأنا لو كنت لحقتك مره محدش عارف ايه إللي ممكن يحصل المره الجايه
اقتربت منه حنين ونظرت في عيونه: وأنا بقولك المره الجايه مش عايزاك تلحقني وأنا عايزه الورقه إللي أنت اخدتها منه
عمر: أنا قطعتها
ابتسمت حنين ابتسامه جانبيه:كنت متاكده انك مش هترضي تديني الورقه ياتري عايز كام قصاد الورقه يا أبيه
رفع عمر يده واراد صفع حنين ولكنه توقف: اطلعي بره يا حنين وأمسك يدها وفتح باب الغرفة ودفعها إلي الخارج وصفق الباب خلفها وقام بقذف كل ما تطوله يده علي الأرض وهو يهتف:غبيه غبيه
عند جاسر
كان جاسر يجلس في مكتبه في الشركه وهو يفكر في رحيل وفي حالها
جاسر: ياتري إيه إللي غيرها كده إيه إللي حصل
كان اكرم بجلس معه هو وعمر
اكرم: أنا كلمت فريق عمل الحمله الاعلانيه واجلت تصوير الإعلان لحد ما رحيل حالتها تتحسن
جاسر:_________
اكرم: جاسر بيه أنا بكلم حضرت
جاسر لنفسه:هي من بعد ما سيبتها مع ماما وميار وهي متغيره ثم هتف بصوت مسموع: اكيد قالوا لها حاجات تضايقها
اكرم: حضرتك بتقول إيه
جاسر:هه لا مفيش أنت كنت بتقول حاجه
اكرم: آه بتكلم عن الحمله الاعلانيه والإعلان إللي هتصوره رحيل
جاسر: معلش يا أكرم أنا لازم أمشي دلوقت واجل الكلام في الشغل لبكره بعد اذنك
انصرف جاسر وانصرف اكرم أيضا خلفه
عند شهد
اتفقت شهد مع سامح أن يقابلها في أحدي المطاعم القريبه من القصر وكانت شهد في طريقها إلي المطعم حتي وجدت من يعترض طريقها
حسن:شوشو حبيبتي
فزعت شهد: حسن
حسن بابتسامه: إيه كنت فاكره أنك لما تبلغي عني أنك خلاص كده خلصتي مني
شهد بتوتر:ابلغ عنك الكلام ده مش صحيح
حسن:يعني أنا ظلمتك آمال ليه الظابط صاحب ابن عمك كان مستنيني عند البيت وقبضوا علي نوسه
شهد: معرفش أنت بتتكلم عن إيه ونوسه مين وظابط مين
حسن: آمال أنت كنت فين الفتره إللي فاتت وازاي قدرتي تقعدي طول الفترة دي من غير حبوب
شهد: أنا كنت شايله شويه حبوب في البيت وأنا سافرت مع مامي وكنت عامله حسابي عشان لو حصلت ظروف وسافرت
اقترب منها حسن: وأنا هعمل نفسي مصدقك أنا جبت استاف جديده إنما إيه عنب هقابلك بكره عشان تاخديهم بس ده نوع غالي أوي
شهد:حاضر أنا هجهز الفلوس واقابلك
حسن:ماشي يا قلبي استني مني مكالمه سلام
انصرف حسن وتنهدت شهد واسرعت إلي المطعم الذي ينتظرها به سامح
وصلت شهد ويبدوا علي وجهها التوتر والقلق
سامح:مالك يا شهد اتاخرتي ليه ووشك أصفر ليه أنت تعبانه
جلست شهد وهي تتلفت حولها
سامح:مالك
شهد: حسن
سامح:حسن الديلر
هزت شهد رأسها بمعني نعم
سامح:ماله
شهد:لقيته قدامي دلوقت وبيقول إني بلغت عنه
ثم سردت له شهد ما حدث معها
عند رحيل
كانت تجلس في غرفتها تبكي ولا تعلم ماذا تفعل في تهديد مهاب لها ثم قطع تفكيرها دلوف سعيده عليها
سعيده: رحيل
رحيل:نعم يا ماما
سعيده: جاسر بيه عايزك بره
رحيل: جاسر بيه
سعيده: أيوه يا حبيبتي اطلعي يلا قابليه وأنا هعمل لكم القهوه
خرجت رحيل إلي الخارج
رحيل: جاسر بيه أهلا بحضرتك
نظر لها جاسر: رحيل أنت كويسه ثم نظر إلي عيونها: أنت كنت بتعيطي
رحيل:لا أنا كنت نايمه
جاسر: أنا آسف إني قلقتك
رحيل:مفيش قلق ولا حاجه
جاسر: اقعدي يا رحيل أنا عايز أتكلم معاكي شويه
جلست رحيل
جاسر: إيه إللي حصل النهارده
رحيل:مفيش أنا ركبت الاسانسير ولما وصل الدور الرابع عطل ووقف بين الدورين وأنا عندي فوبيا من الأماكن المغلقه وحسيت إني مخنوقه وبعدين محستش بحاجه إلا وأنت بتفوقني
جاسر:وبعد ما فوقتي إيه إللي حصل
رحيل:حصل إيه
جاسر: أنت فوقتي واحده تانيه غير رحيل إللي أعرفها أنت حتي ما بصتيش عليا ولا رديتي عليا ولما قلت لك اوصلك رفضتي ولما اكرم عرض عليكي انه يوصلك وافقتي ليه يا رحيل ومن قبل كده من امبارح أنا بتصل بيكي وأنت مش بتردي عليا ممكن اعرف إيه إللي حصل وغيرك كده
رحيل بتوتر: مفيش حاجه أنا ما اتغيرتش
جاسر: أنت متاكده
هزت رحيل رأسها بمعني نعم
جاسر:بصي في عيوني يا رحيل
نظرت رحيل إلي عيون جاسر ولكنها ابعدت عيونها بسرعه عنه
جاسر:مش قادره تبصي في عيوني ليه يا رحيل
رحيل بدون وعي:عشان بحبك
لا تعلم رحيل كيف خرجت تلك الكلمات من فمها صدمت عندما ادركت ما قالته ونظرت إلي جاسر وجدته يبتسم بحب لها
جاسر:وهو إللي بيحب حد يتهرب منه كده
رحيل: أنا خايفه عليك
جاسر:خايفه عليا من إيه
رحيل: أنت فين وأنا فين أنت جاسر بيه الجارحي وأنا رحيل بنت
وضع جاسر يده علي فمها:هش ما تكمليش أنا بحبك بحب رحيل وبس مش فارق معايا أنت بنت مين أنا بحبك أنت وبس
لم تصدق رحيل ما سمعته: أنت قلت ايه
جاسر: أنا بحبك يا رحيل
أغمضت رحيل عيونها
جاسر: إيه اوعي تكوني أغمي عليكي
فتحت رحيل عيونها:ده مش حلم صح أنت فعلا موجود هنا وبتقولي أنك بتحبني
أقترب منها جاسر: أيوه بحبك يا رحيل من أول يوم شفتك فيه وأنا بحبك ثم أقترب منها أكثر واغمضت عيونها وكاد أن يقبلها حتي سمعوا صوت سعيده من بعيد: أنا عملت كوبايه نسكافيه واحده بس زي ما طلبت يا جاسر بيه
فاق جاسر ورحيل وتنحنح جاسر: شكرا يا داده
سعيده:بس أنا مش عارفه انت طلبت كبايه واحده بس ليه
ابتسمت رحيل ونظر جاسر لها
جاسر: رحيل فاهمه مش كده
سعيده: خلاص مدام هي فاهمه أنا هروح احضر الاكل عشان تاكل معانا
جاسر: ماشي يا داداه
انصرفت سعيده
امسك جاسر كوب النسكافيه وأعطاه لرحيل
رحيل:بس أنا مش عايزه نسكافيه
جاسر: بس أنا عايز
رحيل:طب ما تشرب
جاسر: مش بحبه من غير سكر
نظرت له رحيل بخجل
جاسر: يلا بقي قبل ما يبرد
أخذته منه رحيل وأخذت منه رشفه ثم أخذه جاسر
جاسر: أنا عايز احكي لك عن كل حاجه في حياتي ونفسي أنت كمان ما تخبيش عني حاجه وتحكي لي عن كل حاجه
رحيل: أنا أنا مفيش حاجه مخبياها عنك
جاسر: أنا برتاح أوي في الكلام معاكي ثم جلس يتحدث معها وحدثها عن إبنه عمه التي يبحث عنها
وأن عمه قد اوصاه عليها
رحيل: يعني لو لقيتها هتتجوزها
جاسر:لا يا حبيبتي أنا لو لقيتها هسلمها ثروتها وبس أنا دلوقت مش فاضي أنا بحب
ثم قطع حديثهم إتصال من آدم
جاسر: غريبه ده آدم
رحيل:طب رد عليه
جاسر:آدم باشا
آدم: جاسر أنا قدرت أوصل لبنت الست فيروز الله يرحمها
جاسر: أنت بتتكلم جد طب هي فين
آدم:لا مش هينفع الكلام في التليفون أنت فين وأنا اجي لك
جاسر: أنا عند رحيل ثم نظر لرحيل وابتسم
آدم: رحيل كويس أنا جاي دلوقت وياريت داداه سعيده كمان تكون موجوده
جاسر :تمام تعالي إحنا هنستناك
بعد مرور بعض الوقت
جاسر وهو يمسك زراع رحيل
أنت بنت عمي وكنت عارفه الكلام ده من الأول ودخلتي القصر عشان تبقي قريبه مننا وياتري رسمتي الحب علي مين غيري عمر ولا مهاب ولما ملقتيش منهم فايده رسمتي الحب عليا أنا وأنا إللي صدقتك مش كده
كانت رحيل تبكي وتحرك رأسها يمين ويسار بمعني لا
رحيل: أنا حتي ما اعرفش أن فيه ثروه
جاسر:مهو انت مكنتيش تعرفي أن فيه ثروه بس زرعتي نفسك وسطنا عشان إللي يقع في حبك وفي شباكك تستفادي منه والفلوس إللي مقدرتش امك تاخدها مننا تخديها أنت مش كده
آدم: أنت فاهم غلط يا جاسر
ترك جاسر زراعها ونظر إلى آدم: وايه الصح يا صديق عمري أقولك أنا أنت اتفقت معاها عشان توصل للي هي عايزاه ياتري وعدتك بايه بجزء من إللي هتطلع بيه مننا ولا بحاجه تانيه
آدم: أنا مش هرد عليك عشان عارف انك مصدوم ولما تهدي هتفهم
جاسر : أنا مش هفهم ومش ههدي عمتي كانت عندها حق الاصل دايما بيحكم والخدامه إللي رسمت علي عمي لازم بنتها تبقي زيها
آدم:ما تقولش كلام ترجع تندم عليه بعد كده يا جاسر
جاسر: أنا خلاص ندمت أنا هنزل وعايز اما ارجع مالقيش حد منكم هنا وانت يا هانم بكره الصبح نتقابل عند المحامي وهتاخدي ورثك وده هيبقي اخر تعامل بيني وبينكم
رحيل: ارجوك يا جاسر أنا مش عايزه حاجه أنا
قاطعها جاسر:جاسر بيه بالنسبة لك حتي لو كنت بنت عمي مراد هتفضلي بالنسبه ليا الخدامه بنت الخدامه
