جاسر : أنا مش هفهم ومش ههدي عمتي كانت عندها حق الاصل دايما بيحكم والخدامه إللي رسمت علي عمي لازم بنتها تبقي زيها
آدم:ما تقولش كلام ترجع تندم عليه بعد كده يا جاسر
جاسر: أنا خلاص ندمت أنا هنزل وعايز اما ارجع مالقيش حد منكم هنا وانت يا هانم بكره الصبح نتقابل عند المحامي وهتاخدي ورثك وده هيبقي اخر تعامل بيني وبينكم
رحيل: ارجوك يا جاسر أنا مش عايزه حاجه أنا
قاطعها جاسر:جاسر بيه بالنسبة لك حتي لو كنت بنت عمي مراد هتفضلي بالنسبه ليا الخدامه بنت الخدامه
انصرف جاسر ووقفت رحيل مصدومه ولا تعلم ماذا تفعل وتنظر إلي آدم
آدم: رحيل رحيل أنت كويسه
نظرت له رحيل بعيون شارده والدموع تنهمر منها
آدم:رحيل ردي عليا
رحيل: أنا ثم انهارت في البكاء
أقترب منها آدم: أهدي يا رحيل أنا هفهم جاسر الحقيقه هو بس مصدوم ولما يهدي هيفهم
رحيل: إحنا لازم نمشي من هنا مش لازم يرجع يلاقينا هنا
سعيده:هنروح فين يا بنتي
رحيل: أي حته يا ماما مش فارقه حتي لو هنفضل في الشارع هو خلاص طردنا ومش هينفع نفضل هنا
آدم: لا يا رحيل انتم مش هتبقوا في الشارع انتم هتيجوا عندي
رحيل: آدم باشا أنا
آدم:ما تقلقيش يا رحيل أنت هتقعدي مع والدتي أنت وداده سعيده وأنا هروح ابات عند سامح
سعيده: مش عايزين نتعبك او نقلق والدتك يا آدم باشا
آدم:ولا قلق ولا حاجه دي ماما هتفرح برحيل أوي أنا حكيت لها كتير عنها وكان نفسها تشوفها
سعيده:ماشي يا بني يلا يا رحيل أنا هلم حاجاتنا ونمشي
عند جاسر
كان يسير بسيارته وهو شارد
جاسر لنفسه:معقول البراءه دي كانت تمثيل معقول الحب كله طلع مصلحه ليه يا رحيل أنا كنت في حالي وباعد الحب عني ليه كده اصحي من حلم جميل علي غدر للدرجه دي ليها القدره أنها تخدع كل الناس قدرت ترسم عليا الحب وهي متفقه مع آدم
Flashback
وصل آدم إلي شقه جاسر
جاسر:اهلا يا آدم خير يا بني
دلف آدم إلي الداخل
آدم: أنا عايزك أنت وداده سعيده ورحيل
جاسر:خير قلقتني
آدم: أنا قدرت اوصل لبنت خالت الست فيروز الله يرحمها
فزعت رحيل وتوترت ونظرت الي سعيده
جاسر بفرحه:بجد كويس اوي هي فين وبنت عمي معاها
آدم: بنت خاله الست فيروز اتوفت
جاسر: إيه وبنت عمي
ازداد توتر رحيل
آدم:بنت عمك موجوده قدامك طول الوقت بس أنت مش عارف
دهش جاسر: قدامي قدامي إزاي
آدم: رحيل هي بنت عمك يا جاسر
اتسعت عيون جاسر من الصدمه ونظر لرحيل وابتسم
جاسر: رحيل أنت بنت عمي أنا مش مصدق
نظرت له رحيل وصمتت
آدم:بنت خاله الست فيروز الله يرحمها تبقي الست فاطمه إللي كانت بتشتغل عندكم
جاسر: أنا مش فاهم حاجه
سعيده: أنا هفهمك يا بني أنا وفاطمه وفيروز كنا جيران وكنا مع بعض مش بنفترق إلا لما والد فيروز اخدها علي القصر عشان تشتغل عندكم وبعد ما مراد الله يرحمه اتجوزها وراشد باشا عرف وغصب عليه يسيبها ويسافر رجعت لنا البلد وقعدت معانا ولما ولدت رحيل راحت لراشد باشا بس هو طردها ورجعت تاني تعيش معانا بس هي تعبت واتوفت ورحيل كانت لسه صغيره وفاطمه بنت خالتها كانت متجوزه وجوزها مات وماخلفتش واعتبرت رحيل بنتها وعاهدت فيروز قبل ما تموت أنها تجيب حق رحيل وتخلي راشد باشا يعترف بيها أنها بنت مراد وراحت واشتغلت في القصر ورحيل معاها وبعد فتره أنا بنتي سافرت وأنا بقيت لوحدي وعرفت أن عاليا هانم عايزه مربيه لأولادها ودخلت القصر واشتغلت فيه ولما فاطمه ماتت بقيت أنا المسؤوله عن رحيل
نظرت رحيل إلي الأسفل
جاسر : أه ورحيل بقت الخدامه المسكينه إللي بتشتغل في بيت جدها وعمتها بتظلمها بس الحقيقه أنها بتخطط عشان توصل للي هي عايزاه
آدم:اسمعني يا جاسر ما تظلمش رحيل هي قالت لي من الأول وأناوعدتها إني هساعدها
جاسر : إيه أنت كمان كنت عارف وكمان متفقين مع بعض وأنا المغفل إللي فيكم
Back
عند رحيل
وصلت رحيل مع آدم إلي منزله وقام بفتح الباب
آدم:ماما ماما
والده آدم:سيده في ال٥٤من عمرها تبدوا عليها الطيبه والحنان
سلوي والده آدم:ايوه يا آدم
آدم: أنا معايا ضيوف
سلوي: أهلا وسهلاً هما فين
آدم:تعالي يا رحيل تعالي يا داداه
دلفت رحيل وسعيده إلي المنزل
سلوي: أهلا وسهلا أنت رحيل
هزت رحيل رأسها بمعني نعم
سلوي: أهلا وسهلا بيكي يا حبيبتي آدم حكي لي عنك كتير بس ما قاليش انك حلوه اوي جدا
رحيل بخجل: شكراً لحضرتك
سلوي: أنت رقيقه أوي زي النسمه ثم نظرت لآدم:حظك وحش يا آدم
نظر آدم لوالدته وشعر بالحرج: إيه ماما رحيل وداداه عزيزه هيباتوا معاكي كام يوم
سلوي:ينوروا يا حبيبي
رحيل:لا هي الليله دي بس
سلوي:ليه كده أنا ماصدقت لقيت حد يونسني آدم علي طول مشغول ومش بيرجع إلا بالليل
آدم: خلاص يا رحيل عدي بس الليله دي وإن شاء الله بكره ربنا يسهل
رحيل: أن شاء الله
آدم:بعد اذنك يا داده دخلي الشنط في الاوضه دي
سلوي: وأنت يا حبيتي روحي غيري هدومك وأنا هحضر العشا
آدم:كان نفسي اتعشا معاكم بس أنا لازم امشي لأني لسه هروح عند سامح وأنا هموت وانام
رحيل: أنا أسفه يا آدم إني سببت لك القلق ده
إبتسم آدم: تعرفي أن دي أول مره تقولي لي آدم من غير باشا ياريتك تقلقيني كده علي طول واسمع إسمي منك
ابتسمت رحيل
آدم: أيوه كده اضحكي ارتاحي وما تفكريش في أي حاجه وأنا بكره أن شاء الله هكلمك عشان نشوف هنعمل ايه
رحيل: أنا عايزه اروح القصر
آدم: بس أنا معتقدش أن جاسر هيروح القصر
رحيل: أنا مش عايزه اروح عشان جاسر أنا عايزه اروح عشان جدي يعرف الحقيقه ويعترف بيا وإني بنت مراد وبعد كده هبعد عنهم ومش عايزه حاجه تاني منهم
سعيده:لا يا بنتي أنت لازم تاخدي حقك وحق والدتك إللي ماتت وهي نفسها تاخد حقك وثروته ابوكي الله يرحمه من حقك
آدم:مش وقته الكلام ده ارتاحي الليله دي يا رحيل وأن شاء الله بكره نبقي نشوف هنعمل ايه
هزت رحيل رأسها بمعني موافقه
انصرف آدم وجلست رحيل مع والدته يتحدثوا
سلوي: أنا عارفه ان فيه حاجه مزعلاكي بس أنا مش هسالك عشان واضح أنك مش عايزه تتكلمي أدخلي ارتاحي يا حبيبتي وأن شاء الله ربنا يحل كل شيء
رحيل: أنا مش عارفه اشكرك ازاي يا طنط
سلوي:تشكريتي علي إيه دا أنا حبيتك اوي من كلام آدم عنك وكان نفسي اشوفك بس أنا مكنتش أعرف انك جميله اوي كده وروحك حلوه كده يلا يا حبيبتي تصبحي علي خير
دلفت رحيل وسعيده إلي الغرفه
رحيل: دي اوضه آدم
سعيده: آدم باشا ده باين عليه ابن حلال وبيحبك أوي
رحيل: اه
سعيده:ما تزعليش يا حبيبتي أن شاء الله جاسر بيه هيفهم ويعرف الحقيقه ده حنين أوي وعمره ما هيظلمك
رحيل: تصبحي علي خير يا ماما
نامت رحيل بجوار سعيده ولكنها لم بغمض لها جفن حيث انها تري أمامها جاسر ويتردد في ذهنها كلامه الجارح لها
رحيل: مكنتش أعرف انك قاسي أوي كده وماما سعيده بتقول عليك حنين
الحنيـــــــــــــــــــــــــــــــــــــه
طب فين هــــــــــــــــــى
ابكى يا قلبى على الحنيه
هى الدنيا جرى فيها ايه دى جرى فيها ايه
حتى الناس صبحت مش هى
راحت فين الكلمه الحلوه
راحت فين الناس الحلوه
عاد جاسر إلي شقته ولم يجد رحيل
جاسر:يا تري راحت فين وهتبات فين الليله دي مكنش مفروض اقولها تمشي من الشقه ثم زفر وقام بالاتصال بآدم
آدم: جاسر كنت متأكد انك هتهدي وتكلمني
جاسر : أنا مش عايز اتكلم في الموضوع ده أنا عايز أسألك رحيل فين وهتبات فين
آدم:وبتسال عليها ليه أنت مش طردتها
جاسر بحده:رد عليا يا آدم
آدم:ما تخافش يا جاسر أنا مش هسيب رحيل تبات في الشارع رحيل بايته مع ماما وأنا جيت ابات عند سامح
جاسر:كان لازم اتوقع كده مهو اكيد الإتفاق بينكم من الأول
آدم: أنا مش هرد عليك دلوقت عشان إللي بينا ما ينتهيش
جاسر : إللي بينا أنتهي خلاص أنت وهي ثم اغلق الهاتف
سامح: برده مصمم على موقفه
آدم:ما انت عارفه
سامح: أن شاء الله يهدي وكل شيء يتحل
مرت الليله علي ابطالنا حزينه واتي النهار ليعلن عن يوم جديد
في الصباح توجه آدم مع رحيل إلي قصر راشد الجارحي ودلفوا إلي الداخل
عاليا للخادمه:مين إللي جه
الخادمه:واحد اسمه آدم وواحده إسمها رحيل طالبين يقابلوا راشد باشا
عاليا: إيه هما فين
الخادمه:في الصالون
عاليا:طيب روحي أنت وأنا إللي هبلغ الباشا
دلفت عاليا إلي الصالون: أنت إيه إللي جابك هنا إحنا خلاص عندنا خدامه ومش محتاجين خدامين تاني
آدم: إحنا جايين نقابل راشد باشا
عاليا: إيه يا آدم هي وصلت لك أنت كمان ثم نظرت لرحيل: أنت ما بتضيعيش وقت ابدا
نظرت لها رحيل وصمتت
آدم:لو سمحتي يا عاليا هانم إحنا عايزين نقابل راشد باشا
عاليا: راشد باشا مش بيقابل حد انتم عايزين منه إيه
رحيل: عايزين نقابله وخلاص مش لازم تعرفي
عاليا: أنت إزاي يا بنت انت تكلميني كده أنت نسيتي نفسك ولا إيه
قطع حديثهم صوت جاسر:لو سمحتي يا عمتي بلغي جدي أننا عايزين نقابله
عاليا: أنت بتقول ايه يا جاسر أنت معاهم أنت عارف هما عايزين ايه
جاسر: أيوه يا عمتي ياريت تبلغي جدي
عاليا: ماشي يا جاسر
صعدت عاليا إلي والدها لإبلاغه
جلس جاسر امام رحيل وكانت تنظر له بنظرات تحمل الشوق والاسف
جاسر : كويس انكم جيتوا هنا أنا هكلم المحامي عشان تستلمي ورثك
رحيل: أنا مش عايزه حاجه أنا كل إللي عايزاه أنهم يعترفوا بيا وبس
ابتسم جاسر ابتسامه سخريه
دلف راشد إلي الداخل ومعه عاليا ومهاب وحسين زوجها وعمر ومديحه والده جاسر
راشد: رحيل ازيك يا بنتي ليه سبتينا ومشيتي وفين سعيده
جاسر:من فضلك يا باشا الانسه وحضره الظابط عايزينك في موضوع مهم
جلس راشد وتحدث آدم
فجاه صاحت عاليا بصوت عالي: انتم كذابين ونصابين ومراد اخويا مخلفش من الخدامه
آدم:ارجوكي يا عاليا هانم بلاش الكلام ده
راشد: أنت بتتكلم جد يا آدم
آدم: أيوه يا باشا
مهاب: وأحنا إيه اللي ياكد لنا الكلام ده
آدم:ده الورق إللي يثبت كلامي ولو مش مقتنعين في حاجه إسمها تحليلDNA وهتقدروا تتاكدوا منه
عاليا: أنا مش مقتنعه وشغل النصب ده مش علينا
جاسر:لا صدقي يا عمتي الكلام صحيح يا جدي رحيل فعلاً بنت عمي مراد الله يرحمه وأنا اتاكدت بنفسي والنهار ده أنا بسلم رحيل ميراثها من والدها
مديحه: إيه أنت بتقول ايه أنت هتسلم الثروه للبنت دي
راشد:خلاص مش عايز أي كلام تاني أنا مصدق أنها بنت مراد ثم قام وأخذ رحيل بين زراعيه
راشد: أنا شامم فيكي ريحه مراد يا بنتي
مر الوقت وتم تسليم رحيل أموالها وأصر راشد علي أن تبقي رحيل في القصر في الغرفه المجاوره له وانصرف الجميع وظلت رحيل وجاسر
وهم جاسر بالانصراف فهتفت رحيل باسمه
رحيل: جاسر
التفت لها جاسر
رحيل: قصدي جاسر بيه
جاسر: افندم
رحيل: أنا عايزه اشكرك عشان وقفت جنبي ودافعت عني قدامهم وخافظت علي ورثي كل السنين دي
جاسر: أنا عملت كده عشان أنت بنت عمي ودي وصيه عمي ليا وسواء كنت أنت أو غيرك كنت هعمل كده
رحيل: عشان كده بس
جاسر : أيوه أنت دلوقت بنت عمي وشريكتي في الشركه وبس بعد اذنك
انصرف جاسر وهو حزين علي الحال الذي وصل إليه هو ورحيل
معقول هاقولك روح
من غير ماكون مجروح
ولا باقى على حاجه
لا دانت مش عارف
معقول تصدق ابيع
من غير ما اتوه ولا اضيع
ولاخفشى من حاجه
لا دانت مش عارف
بعدك هاحس بمين
معقول حب سنين
يخلص فى غمضه عين
يا حبيبى لا
لالالا لا و الف لا
دانا قلبي بعد غيابك تاه
لو بالكلام ننسى الالام
دا مكنشى قال ولا عاشق اه
معقول حبيبى مشيت
معقول فاكرنى نسيت
لو قلبي قال حاجه
من جرحه قالها لك
دانا لما كنت بقول
بقصد كلام يطول
يمكن تقول حاجه
اسمعها اصفالك
بعدك هاحس بمين معقوله حب سنين
يخلص فى غمضه عين
يا حبيبى لا
لالالا لا و الف لا
دانا قلبي بعد غيابك تاه
لو بالكلام ننسى الالام
دا مكنشى قال ولا عاشق اه
لالالا لا و الف لا
دانا قلبي بعد غيابك تاه
لو بالكلام ننسى الالام
دا مكنشى قال ولا عاشق اه
