دلف جاسر إلي السياره ونظر لها في عيونها:لا مش هتنزلي
رحيل: يعني أنت بتخطفني
جاسر: آه وهتسمعي كلامي من أول النهارده ومش هسمح أنك تغيبي عن عيوني ابدا
رحيل: ليه عشان أنت ابن عمي والوصي عليا
نظر لها جاسر في عيونها وأمسك يدها:لا عشان أنت حبيبتي وانا حبيبك
ابتسمت رحيل ونظرت في عيون جاسر:حبيبي وأنا حبيبتك
جاسر:حبيبتي وروحي ونور عيني
رحيل: أنت بتكلميني أنا صح أنت قصدك أن أنا حبيبتك صح وظلت ترمش بعيونها
ابتسم جاسر: أيوه أنت حبيبتي أنا كنت زعلان منك وحاولت ابعد عنك بس ماقدرتش كنت كل ما ابعد ألاقي نفسي بقرب منك اكتر أنت بقيتي بتجري في دمي يا رحيل أنا حبيتك من أول يوم شفتك فيه من اليوم إللي وقعتي فيه قدام العربيه صورتك ما راحتش من دماغي كنت دايما بفكر فيكي ولما رجعت كنت بتمني إني اشوفك وبدعي ربنا انك تكوني لسه موجوده في القصر ولما وصلت ولقيتك في اوضتي حسيت أن فيه حاجه بتربطني بيكي وأن قدرنا نبقي مع ببعض
كانت رحيل تستمع لكلمات جاسر وهي تنظر في عيونه تشعر أنها تطير في عالم من السعاده فاغمصت عيونها ووضعت رأسها داخل يد جاسر
رحيل:ياه يا جاسر أنا كنت حاسه وأنت بعيد عني إن روحي بتروح مني كنت حاسه إني هموت أنت بالنسبة لي الدنيا كلها
جاسر: أنا سامحتك يا رحيل وده مش دايما بيحصل أنا مقدرتش اسامح أمي علي إللي عملته فيا بس أنا عايز اطلب منك طلب
رحيل:اطلب يا حبيبي
جاسر :اوعديني انك مش هتخبي عليا حاجه تاني
رحيل:اوعدك
جاسر:ممكن أعرف هتقولي إيه لاكرم بقي بعد ما قولتي له امبارح أنك موافقه علي الخطوبه
رحيل:بص بقي إحنا هنبدا من أول النهارده يعني كل إللي فات خلاص
جاسر:يعني إيه
رحيل:يعني يعني
جاسر: إيه
رحيل: الكلام إللي قاله اكرم ده كان إتفاق بيني وبينه
جاسر: إتفاق
رحيل: آه اتفاق انه يطلبني منك هو فعلا كان عايز يرتبط بيا بس أنا قلت له اني
جاسر:انك إيه بتحبيني
رحيل:اه وطلبت منه انه يطلبني منك
جاسر: آه مطلعتيش سهله يا رحيل
رحيل: خلاص بقي مفيهاش زعل إحنا هنبدا من النهارده
جاسر: وفريد برده بينك وبينه إتفاق
رحيل:لا فريد أنا فعلا ما شفتهوش من سنين ومكنتش أعرف أنه مساعد المخرج
جاسر:طب مين إللي كلمك في التليفون امبارح وانت معايا في العربيه
رحيل:ده ده
جاسر: ده مين
رحيل: ده يبقي عمر
جاسر: عمر
رحيل: آه هو كان بيساعدني عشان ننفذ الخطه إللي قالت عليها شهد
جاسر: وشهد كمان وخطه إيه دي بقي
رحيل: خطه جرب نار الغيره
أبتسم جاسر:ده انتم عصابه بقي
رحيل:مهو أنا بقي صعبت عليهم عشان أنت بعدت عني اوعدني يا جاسر انك ما تبعدش عني تاني حتي لو زعلت مني
جاسر:اوعدك يا حبيبتي
عند ميار وأكرم
ميار: إيه إللي حصل ده هو اخدها وراحوا فين
ابتسم اكرم: اكيد هيتصالحوا
ميار: إيه يتصالحوا إزاي
أكرم:ميار اسمعي نصيحتي ابعدي عن جاسر وما تعلقيش نفسك بيه جاسر بيحب رحيل وهي بتحبه
ميار:وانت مش بتحبها ليه تتخلي عن حبك
اكرم: وعشان أنا بحبها بتمني لها السعاده مع إللي بتحبه
ميار: أنا مش مثاليه زيك كده أنا لما بعوز حاجه باخدها وأنا مش هسيب جاسر ليها واتمني لهم الخير دي حرب ولازم أخرج منها كسبانه وانت عارف أن أنا وجاسر كنا في حكم المخطوبين
اكرم:لا إللي أعرفه أن والده وبابا إللي كانوا عايزين الخطوبه دي بس جاسر مكنش في دماغه ومن الاخر يا ميار أنا بنصحك انك تبعدي عنهم عشان لو دخلتي الحرب دي هتطلعي منها خسرانه
ميار:هتشوف يا اكرم بس لما اخد منها جاسر ابقي افتكر إني ساعدتك أنها ترجع لك
وتركته ميار وقامت بالاتصال بمديحه
مديحه:ميار إيه الأخبار
ميار:مش كويسه يا طنط
مديحه:ليه إيه إللي حصل
سردت لها ميار ما حدث
مديحه: يعني إيه هما اتصالحوا
ميار:ايوه يا طنط
مديحه: كده طيب أنا هتصرف
اغلقت مديحه الهاتف
وجدت رحيل وجاسر يدلفون معا إلي داخل القصر وهو ممسك بيدها ومر من امام مديحه كانه لم يراها
مديحه:جاسر من فضلك عايزه اكلمك
التفت لها جاسر:ماعتقدش أن فيه بينا كلام يا مديحه هانم
نظرت مديحه لرحيل وشعرت رحيل بالحرج
رحيل:طيب بعد اذنكم أنا هطلع عند جدي
جاسر:استني يا رحيل أنا هطلع معاكي
مديحه: أرجوك يا جاسر أنا عمري ما طلبت منك حاجه ارجوك أعتبرها أول وآخر مره هطلب منك طلب
رحيل: خلاص يا حبيبي أنا هطلع وأنت ابقي حصلني
صعدت رحيل ونظر جاسر إلي مديحه:خير يا مديحه هانم
مديحه:ممكن نقعد نتكلم في المكتب
جاسر:اتفضلي
دلف جاسر إلي المكتب ودلفت خلفه مديحه واغلقت الباب
جلست مديحه:انا عارفه انك مش قادر تسامحني عشان إللي حصل زمان بس أنا أمك
جاسر: آه أمي وافتكرتي أمتي أنك أمي لما البيه إللي بعتي اولادك وخربتي بيتك عشانه طلقك ولا لما أعلن إفلاسه ورجعتي عشان ثروه رحيل إللي معايا
مديحه: أنا ما خربتش بيتي عشانه انت كنت صغير ومش فاهم حاجه
جاسر: إيه إللي أنا مكنتش فاهمه أنا سمعت خناقتك الاخيره مع بابا لما طلبتي منه ثروه عمي ولما رفض أنت طلبتي الطلاق واخدتي حنين ومشيتي
مديحه: ده إللي انت فهمته او إللي عرفته وابوك وصله ليك بس إللي ما تعرفوش أن أبوك كان بيخوني
نظر لها جاسر نظره دهشه
مديحه: أيوه كان بيخوني ومش مره أو اثنين لا كتير وكنت بعرف واعمل نفسي مش عارفه عشانك انت وحنين بس في الاخر عرفت أنه اتجوز السكرتيره بتاعته ومقدرتش إني أكمل معاه بعد ما واجهته وصمم أنه ما يبعدش عنها طلبت منه الطلاق وكنت عايزه اخدك انت وحنين بس هو رفض وقالي اختار واحد بس منكم وانت كنت كبير وحنين كانت لسه صغيره اخدت حنين لأنها كانت محتاجه ليا
جاسر: وأنا مفكرتيش قد إيه أنا كنت محتاج ليكي
مديحه: أنا حاولت كتير إني اخدك أنت كمان بس ابوك رفض وهددني انه هياخد حنين مني كمان وعشان يضغط عليا مكنتش بيصرف عليا او علي حنين عشان أرجع له ومحدش وقف جنبي غير عصام وبعدها اتجوزنا ابوك جه لنا البيت واتهمني إني طلبت الطلاق عشان اتجوز عصام بس مش دي الحقيقه
جاسر: آمال إيه إللي أنا سمعته ده وموضوع ثروه عمي
مديحه: أيوه أنا طلبت منه ياخد جزء من ثروه عمك عشان يكبر بيها الشغل بتاعه لانه كان صرف تقريبا كل فلوسه علي علاقاته الكتير وكنت قاصده أنه يشغل الفلوس وبرده يحافظ علي الثروه والأرباح لبنت عمك
ثم بكت مديحه: أنا مش عايزه حاجه غير انك تصدقني حتي لو مبصتش في وشي تاني
جاسر: أنا مش عارف أنا متلخبط ثم أقترب منها وأمسك يدها
مديحه:نفسي اسمع منك كلمه ماما وحشتني منك أوي
جاسر: وأنا كمان كنت بتمني أرجع اقولها تاني يا ماما
اخذته مديحه في حضنها واستمرت في البكاء فقام جاسر بمسح الدموع من علي وجهها: خلاص يا ماما كفايه دموع
مديحه: أنا خلاص مش عايزه حاجه من الدنيا كفايه إني أسمع منك كلمه ماما
كان جاسر ومديحه يتحدثوا داخل غرفة المكتب ولم يكونوا يعلموا بأن هناك من يستمع لهم بعد فتره خرج جاسر من الغرفه واتجه إلي غرفه جده
بعد انصراف جاسر دلفت عليا إلي غرفه المكتب
عاليا: مكنتش أعرف انك ممثله شاطره أوي كده لا وكمان بتعرفي تألفي
نظرت لها مديحه:قصدك إيه يا عاليا
عاليا: مش قصدي حاجه أنت بس قلبتي الطربيزه علي اخويا الله يرحمه وطلعتيه خاين قدام إبنه وأنت المظلومه بس مش مشكله مدام كل ده هيبقي في مصلحتي أنا موافقه عليه وهساعدك كمان
مديحه: ماشي يا عاليا افتكري بس أن إحنا مصلحتنا واحده
عاليا:طبعا يا حبيبتي طول ما أنت بعيد عن ثروه مراد أنت حبيبتي ومصلحتنا واحده
مديحه:مهاب فين
عاليا:في الشركه بتسألي ليه
مديحه:هتعرفي دلوقت
قامت مديحه بالاتصال بمهاب
مهاب:مديحه هانم
مديحه: بنت الخدامه قدرت تضحك علي جاسر تاني ورجعوا لبعض
مهاب:انت متاكده
مديحه: أيوه متاكده أنا عايزه اقابلك أنت وميار بره البيت
مهاب:تمام نتقابل النهارده الساعه ٧في النادي
مديحه:تمام
مرت الأيام وكانت رحيل تجلس مع حنين وشهد في القصر ثم دلفت مديحه مع ميار وجاسر
مديحه: عايزه أقولكم خبر هيفرحكوا أوي
حنين:خير يا ماما
مديحه:جاسر خطب ميار
