جاسر :شهد انا لحد دلوقت بكلمك بالراحه انا عارف انك بتتعاطي مخدرات واكيد اخذتي الخاتم عشان تجيبي الزفت اللي بتاخديه ده
شهد :مخدرات ايه انت بتخرف بتقول ايه
امسكها جاسر من زراعها :ماشي يا شهد انا بخرف بس انا هثبت لك ان كلامي مش تخريف
وقام جاسر بتفتيش شنطتها الموجوده أمامها وأخرج منها شريط به الحبوب المخدره فاقترب منها جاسر وقام بصفعها
انهارت شهد في البكاء وجلست على الاريكه ووضعت وجهها في يدها زفر جاسر في ضيق ثم اقترب منها وجلس بجوارها ووضع يده على رأسها
جاسر :ليه يا شهد ليه تعملي في نفسك كده ايه اللي يخليكي تروحي للطريق ده اللي خلاكي تسرقي من امك وبعد كده هتسرقي من اي حد تاني هانت عليكي نفسك بلاش ما صعبتش عليكي رحيل وهما بيضربوها وبيجرجروها على القسم
ضحكت شهد بصوت عالي :هههههههههه
ايوه هانت عليا نفسي من زمان حتى اسأل عاليا هانم عارف امتى يوم ما غلطت وحبيت زميلي اللي مستواه اقل من عيله الجارحي اللي راحله مهاب وضربه وهدده ولفق له تهمه وحبسه عشان يبعد عني وفعلا بعد عني وسافر وسابني وحيده بين ام وأب و اخ كل اللي شاغلهم الفلوس والورث اما بقى رحيل فأنا دايما كنت بتقارن بيها لازم اجيب أعلى من بنت الخدامه في الثانويه العامه ازاي بنت الخدامه تدخل كليه زي السن او آثار وانا ادخل معهد التمثيل عشان حاجه بحبها الكاميرا بتاعتي تتكسر واتمتع من التصوير او اي حاجه بحب اعملها لازم ابقى احسن من بنت الخدامه زي ما يكون بنت الخدامه دي مش انسانه زينا لازم نستكتر عليها أي حاجه كليه كويسه تدخلها حتى لو كانت دخلتها بمجهودها او ان واحد زي جاسر الجارحي يحبها
نظر لها جاسر بدهشه
شهد :ما تستغربش انا عارفه انك بتحبها ومهتم بيها وكنت عارفه انك مش هتسيبها بس انا مين اللي هيقف جنبي ويدافع عني عاليا هانم ولا مهاب بيه
جاسر :انا عرفت انك كنت قريبه من حنين ورحيل وبعدين بعدتي عنهم
شهد :كان لازم ابعد عشان ما اجرهمش معايا
جاسر :انا هروح اطلع رحيل من القسم ولسه كلامنا ما خلصش يا شهد
شهد :وتقولهم مين اللي اخد الخاتم
جاسر :ما تخافيش انا مش هطلع رحيل واحطك مكانها انا هقول اني لقيته واقع في الجنينه
نظرت له شهد بابتسامه
جاسر :كلامنا لسه مخلصش يا شهد سلام دلوقت
خرج جاسر من غرفه شهد ووجد حنين وعمر في الخارج
عمر :في ايه يا جاسر كنت بتعمل ايه عند شهد كل ده عايزين نروح لرحيل
جاسر :لا مفيش انا كنت بدور على الخاتم في اوضه شهد يمكن يكون وقع من عمتي عندها
عمر :طيب يلا بينا
جاسر :اتصل بآدم
عمر :حاضر
هبط جاسر وعمر الي الاسفل وخرجوا الي حديقه القصر ثم توقف جاسر
عمر :في ايه وقفت ليه
نزل جاسر بجسده الي الأرض ثم صعد وفي يده الخاتم
عمر :ايه ده انت لقيت الخاتم
كان عمر يقوم بالاتصال بآدم فأجاب عليه آدم
عمر :آدم اخذ منه جاسر الهاتف
جاسر :انا جاسر يا آدم
آدم :جاسر باشا ما تقلقش يا باشا انا مسيطر على الوضع والخاتم هيظهر النهارده اطمن
جاسر :احنا لقينا الخاتم يا آدم البنت بريئه وانا جاي لك حالا عشان نطلعها
آدم :يا نهار اسود انت بتقول البنت بريئه
جاسر :ايوه انت بتقول كده ليه
آدم :هه لا انا هقابلك في القسم يلا انا نازل حالا
كانت والدته تجلس بجواره
أدم :الله يخرب بيتك يا مهاب
والدته :في ايه يا بني
آدم :الزفت اللي اسمه مهاب كلمني امبارح على بنت بتشتغل عندهم سرقت خاتم من والدته وانا بعت لها العساكر جابوها وبعدين دلوقت جاسر كلمني وقالي انهم لقيوا الخاتم والبنت بريئه
والدته :ودي فيها ايه روح طلع البنت وخلاص
آدم :اطلعها ربنا يستر
والدته :ليه انت عملت فيها ايه
آدم :بصراحه يا ماما مهاب لما كلمني فهمني ان البنت حراميه وان لها شريك واخدت الخاتم وادتهوله وانا
والدته :ايه ضربتوها
هز آدم راسه بمعنى نعم
والدته :ليه كده يا آدم انت حتى مش بتحب الطريقه دي وبترفضها عملت ليه كده المره دي
آدم :هو مهاب الزفت ده اللي فهمني انها بنت صايعه ولازم الخاتم يظهر ويعرف شريكها ثم زفر بضيق
:انا رايح القسم زمان جاسر وعمر وصلوا سلام
في القسم كان جاسر وعمر يجلسوا في مكتب آدم وجاسر متوتر وينظر في الساعه كل دقيقه
جاسر :اتصل بيه تاني يا عمر شوفه اتأخر ليه
عمر :حاضر بس اهدي شويه
قام عمر بالاتصال بآدم
آدم :ايوه يا عمر انا ثواني وهكون قدامك
عمر :خلاص وصل
دلف آدم الي المكتب
آدم :السلام عليكم جاسر باشا وحشتنا
جاسر :رحيل فين يا آدم
آدم :طيب سلم عليا الأول
جاسر :مش وقت سلام رحيل بريئه والخاتم اهه واحنا لقيناه في الجنينه ولو عايز عمتي تيجي تتنازل عن المحضر هجيبها
توتر آدم ونظر له :هو اصلا مفيش محضر
جاسر بدهشه :ازاي يعني
آدم :مهاب لما كلمني امبارح انا بعت قوه تجيبها وحطيناها في اوضه وانا مشيت وقلت يعني اخليها لبكره وبعدين ابقى اعمل المحضر لما تعترف على مكان الخاتم
جاسر :طيب الخاتم اهه هي فين بقى
جاسر :تعالوا معايا
ذهب جاسر وعمر خلف آدم وتوجهوا الي الغرفه التي تحتجز فيها رحيل وأمر آدم العسكري الواقف عليها ان يقوم بفتح الباب
قام العسكري بفتح الباب واضاء آدم الغرفه حيث انها كانت مظلمه دلف جاسر وعمر الغرفه خلف آدم ولكنهم فزعوا عندما وجدوا رحيل على الأرض فاقده الوعي ووجهها ملئ بالكدمات والجروح
ركض جاسر عليها وحاول افاقتها
جاسر :رحيل رحيل ردي عليا رحيل رحيل فوقي ثم نظر الي ادم :عملتوا فيها ايه
أدم بخجل :كله من مهاب الزفت ده هو اللي فهمني انك عايز كده عشان تعترف على مكان الخاتم
عاد جاسر الي رحيل :رحيل قومي يا رحيل رحيل
فتحت ليالي عيونها بألم :اه وحاولت رفع راسها ولكنها لم تستطيع من الألم
قام جاسر برفع راسها بهدوء
جاسر :رحيل انا جاسر
نظرت له جاسر حتى استوعبت انه هو ثم ارتمت في حضنه تحت اندهاش عمر وآدم
رحيل :سيبتني ليه سافرت وسيبتني ليهم انا والله ما اخدتش حاجه ومعرفش حاجه عن الخاتم ده
ملس جاسر على رأسها :اهدي اهدي انا جنبك ما تخافيش محدش هيقدر يعمل لك حاجه تاني
أدركت رحيل انها تعانق جاسر فتنحنحت بخجل ثم ابتعدت عنه :انا اسفه
جاسر :انا اللي اسف على اللي حصل لك ده انا جاي اطلعك من هنا
قام جاسر بمساعده رحيل في النهوض ولكنها شعرت بالدوار
جاسر :انت كويسه
هزت رحيل راسها بمعنى نعم
جاسر :يلا نروح المستشفى عند سامح عشان الجروح دي وعشان نطمن عليكي
هزت رحيل راسها بمعنى موافقه وقام جاسر بمساعدتها على السير حتى وصلت إلى سيارته ففتح لها الباب الخلفي ويساعدها في الدخول إلى السياره وركب في الإمام وبجواره عمر حتى وصلوا الي المستشفى
توقفت السياره ونزل جاسر وقام بفتح الباب الخلفي ونظر لرحيل :هتقدرى تمشي
هزت رحيل راسها ثم نزلت من السياره وساعدها جاسر ودلفوا الي المستشفى
كان سامح بانتظارهم
سامح :في ايه مالك يا رحيل ايه اللي عمل فيكي كده
جاسر :خليها تقعد الأول
سامح :اه صح تعالوا اوضه الكشف
توجهوا الي غرفه الكشف وقام سامح بفحص رحيل وتطهير الجروح الموجوده بها وربط راسها
في الخارج كان جاسر يقف مع عمر وتفاجأوا عند روئيتهم لآدم وهو يقترب منهم
عمر :آدم في ايه
آدم :انا جاي اطمن على الانسه انا ضميري تاعبني اوي منه لله مهاب الزفت هو السبب نظر له جاسر ولم يتحدث حتى خرجت رحيل مع سامح وهو يسندها واجلسها على كرسي قريب
نظر آدم لرحيل :ايه القمر ده هو انت اللي جيتي امبارح
نظرت له رحيل بدهشه :ايوه انا
آدم :الله يخرب بيتك يا مهاب بقى القمر ده حد بتهمه انا اسف اوي يا انسه ايه
رحيل :رحيل مين حضرتك
جاسر :ده يبقى آدم
رحيل :اه آدم باشا اللي وصي عليا عشان يضربوني
آدم :انا اسف يا انسه رحيل ارجوكي سامحيني انا مكنتش اعرف حاجه ومهاب الزفت ده اللي خلاني اعمل كده
رحيل :ربنا اللي بيسامح يا باشا بس ياريت تبقى تتأكد قبل ما تظلم حد تاني
آدم :انا والله مش بحب الطريقه دي ولا بستخدمها هو مهاب الزفت ده اللي قالي ان جاسر مهتم بالخاتم وانه عايز كده عموما انا مستعد اعمل اي حاجه عشان تسامحيني
رحيل :خلاص يا آدم باشا
آدم :لا انا مش مصدق انك سامحتيني
جاسر :ما خلاص يا آدم قالت لك خلاص
آدم :لا انا مش مقتنع
عمر :وإيه اللي هيقنعك انها سامحتك
آدم :هطلب منها طلب ولو وافقت عليه هعرف انها سامحتيني
رحيل :طلب ايه
آدم :تقبلي تتجوزيني 😉
