بين الغرور والكبرياء .

بين الغرور والكبرياء ٣

الحلقه الثالثه . 
.
✍ روز علي .
.
اغار اعليك من الهوا لو فات .
واحبك مو مثل باقي اليحبون .
ما تلكه اليعزك مثلي هيهات .
وانه الشوفتك ضميت العيون
افرح من اشوفك يوم مرتاح .
واحزن لو اشوفك يوم مهموم .
واذا صب الدمع من عينك وطاح .
اطيح انه على وجهي وبعد ماكوم ...
.
كمت ويه سهام للمطبخ . وكفت اسوي ريوك اني وياها  كالت

سهام .دحگي سوي الج وانه اسوي للبنات .لو تاكلين ويانه كيفج .
.
مي . اوك راح اكل وياكم  بس اساعدج ..
.
سهام . عجل ثرمي هاي الطمامه .
.
مي .
ساعدتهه بالثرم سوت طماطه وبيض بالطاوة وسوت بتيته وبيض   بطاوة ثانيه وخلت صينيه بالكع  وخلتهن  وخلت اجبان .ودبس وزبد . كانت صينيه تشهي فعلاً . التمن البنات بالمطبخ .كعدت ع الصينيه وسونلي مكان .
.
هديل .يولو حدري هين كعدي  بسدي .تفوتج مينشبع منهه .
.
مي . عليج الله شلون اكعد بملابسي . نزعت حذائي . وتربعت يمهن .  . الخبز حار والجاي يجنن اول مره اكل هيج اكل وبهيج طريقه واگعد هیچ گعده  كملت وكمت غسلت ايدي .
.
والله اذا ابقه شهر هنا .  اصير فيل  شلون تاكلن هالاكل ومتسمنن .
.
ناديه .(  مرت محمد عدوان )  .  عمن نكرب ليل  ونهار . انه الغبشه بالدايه . والعصر بالحوي .  واحنه كلمن عليهه شغله لو شغلتين والزعيط هم  .  ومن الشيخ يسوي عزومه  يبوو عينج لا تشوف
.
مي . بنات خل اتعرف عليكم .
.
هديل . دحگي اني بنت الشیخ عدوان . وسهام اختي الوسط وزينب اختي الجبيره .  زينب مرت عامر ابن عمي دحام  . وهاي بسعاد مرت اسعد ابن عمي مزاحم . نادية مرت محمد اخويه .  وسعدية  مرت حامد اخويه  وهسه هي ماكو راحت لاهلهه شويه وتجي .  وصگر  حرمتو عد اهله نايمه ومريضه متكدر تمشي .
.
مي . شبيهه .
.
سهام . .صاير عدهه  قطع بالحبل الشوكي .
.
مي . يا خطيه .  یاله بنات الكعده وياكم حلوة بس والله بعد ما اتحمل ميته تعب . واريد اغسل واريد  انام .  لان تدرون ورايه شغل بس الله يدري بي
.
ناديه . شغل شنو يولي .
.
مي . من اكعد افهكم  . هديل . دليني بالغرفه .
.
هديل .  ياله .
.
مي . 
صعدت ويه هديل للغرفه . كان القاط الثاني بي تقريبا ٥ غرف .
.
هديل . دحگي هاي اول حجره الجبيره حجرة صگر  والبعدهه حجرة حامد والبعدهه حجرة محمد  وهنا حجرتي انه وسهام  . وهنا هاي الحجره الج . .

مي .
فتحت باب الغرفه . اقتنعت حلوة . كنتور ابو ٣ بوب  وجربايه وميز مرايه . اريد اسبح بعد ما اتحمل .
.
هديل . هذا الحمام  هين بره   بس لاتزعلين ممنوع . يعني لازم تنزلين جوة .
.
مي .سؤال فضولي ليش ممنوع 
.
هديل . بس صگر يسبح نفسو تلعب وميقبل يصير شعر بي . ومن هاي السوالف  
.
مي ممممم  . اوك فهمت . هسه اريد اسبح وانام . بس الجنط ماكو يعني لازم انزل اجيبهه .
.
هديل . ياله انه وياج نصعدهن 
.
مي .
نزلت . اني وهديل . تلكاني عمي بالهول .
.
الشيخ . ها بنيتي .بيج شي
.
مي . لا عمو بس نزلت اخذ االجنط .

الشيخ .افا انتي نازله .  صگرر صگرررر .
.
صگر .  امر شيخ .
.
الشيخ . ول يابه صعد جنط البت الحجرتهه .
.
صگر ..تامر  شيخ . 😒
.
الشيخ . ما يامر عليك ضالم وليدي .
.
سحبت الجنط  وصعدتهن الحجرتهه وهي صعدت جدامي .  فتحت باب الغرفه وفوتتهن .
.
وعفتهه وطلعت ..
.
مي . شكرا .
.
صگر . العفو .
.عفتهه ونزلت طلعت للربعه متجمعين انه وربعي . نسولف ونلقي اشعار .
.
.
مي .
فتت للغرفه وخابرت ع بابا احجي ويا . اني وافتح  بالجنط وارتب  الملابس  والمكياج .  كملت المكالمه و اخذت ملابس اريد اسبح واخذت الشغلات  الي احتاجهه بالحمام . مثل شامبو غسولات عطور جسم تستخدم وره الحمام مشط وفرشه اسنان والمعجون اخذتهم وطلعت للحمام الي يغسل بي صقر كلت مشكلته .  .
.
باوعت الحمام كبير ونظيف وحلو وبي رفوف ثنين واحد موجوده عليه اشياء رجاليه مثل عطور ادوات حلاقه  رتبت اشيائي ع الرف الفارغ ونزعت ملابسي علكتهه  وسبحت  ولبست بجامه برمودا وطلعت نشفت شعري و لفيت راسي ونمت . ميته تعب جنت .