بين الغرور والكبرياء .

بين الغرور والكبرياء ١٩

✍روز علي .
.
الحلقه التاسعه عشر ..
.
بين الغرور والكبرياء .
.

كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني

.
١٩
سجلت الدكتورة ادويه طلعت للصيدليه اشتريت الدواء ورجعت . كل هالوقت هي كاعده ومحجت شي خليت الدوا ع الميز .  وكعدت .
.
الدكتورة . هذا المرهم يستخدم خارجي حاولي شكد متكدرين تخلين منه .   هذه تحاميل تستخدم مرة باليوم وبالليل الى يوم نزول موعد الدورة . هذا حبايه وحده بيوم موعدهه ايضا تاخذيهه . او قبل بيوم .   هذا الحب ايضا تستمرين عليه يوميه مره .  وهذه معقمات وغسولات حاول تغسلين المنطقه بيهم . وان شاء الله الشفاء . 
.
مي . محجيت شي بس هزيت راسي اي . 
.
الدكتورة.  دكتور صقر . شوكت ان شاء الله نشوفك بالمستشقى . وترجع المهنتك . 
.
صگر . هالفترة ماكدر بس عن قريب ان شاء الله ارد .
.
الدكتورة . ان شاء الله .نشوفك بسلامه .

صگر . مشكورة دكتورة .  ياله اودعناج .

طلعنه من يم الدكتورة اني شايل علاكه الادويه وهي تمشي بهدوء وصلنه للسياره مگرت تصعد ‌.. صعدتهه وصعدت اني .  شغلت السياره ومشينه حجت هي بهدوء
.
مي .  صقر .
.
صگر . يبعد اهلو .  ول يابه كولي . تريدين شي .

مي . بس ردت اعرف ليش تصيحلك دكتور .

صگر. عمن غير انه دكتور جراح

مي . يعني سر من اسرارك المخفيه انكشف كدامي .
.
صگر .  لا مو سر وانه اكلج هسه  .. خريج كليه الطب حاصل ع بكلوريوس الطب والجراحه .
.
مي . واو  متوقعت .  لعد شنو الي خلاك تترك مهنتك .
.
صگر .
رغم اني مكنت اريد احجي بخصوص هذا الموضوع بس من شفت هي تسألني حتى لو اني ماريد اهم شي هي تحجي وتنسه شويه . .
.
تركتهه لان انه سويت عمليه خديجه . وكنت ناطي وعد بوقتهه للشيخ .  ابوهه .. انه العمليه تنجح ١٠٠ %  وان مانجحت انه اعوف المستشفى  . العملية ما نجحت ١٠٠ % .  نجحت ٦٠ % وردت تمشي لكن مو مثل اي وحده سليمه وانه من هاي تركت مهنتي عمن‌  نطيت كلمه .

.مي .  هيج عملية خطرة وفوق الكبرى والمفروض يحمدون الله نجحت بهيج نسبه ورجعت تمشي ..  وانت ماكان المفروض عليك تراهن على مهنتك .  لان انت قسمت تنقذ ارواح .  ياريت لو ترجع لان حرامات تضيع سنين عمرك هيج . انت تعبت ياله وصلت هالمرحله .
.
مممم زين اذا اكولك الخاطري ترجع.
.
صگر . عجل اذا انتي ما الج خاطر عندي منو الي الو خاطر . ول يابه من باجر راد
.
مي . هههههه اي عفيه

صگر.
اهجس كلبي طار من ضحكت . مامتعود اشوفهه هيج مقهورة ومكسوره معود اشوفهه تلاسن وتجادل وتتكشخ وتتناكر وياي . كتلهه.
.