✍روز علي .
.
الحلقه . الثالثه والعشرون
.
بين الغرور والكبرياء ٢٣
.
راح أصبر بدونك وأرهم بلياك
وأذبح رمش عيني الجان يبجيلك
وأتحمل عذابك والبعد والشّوك
وما حط صورتك كدّامي وأشكيلك
ما أكلّك نسيتك بس جرح بالرّوح
يكسر واهسي وما يقبل أمشيلك
عيني الشّالتك كلتلها أشيلج راح
كالت شيلني وما قبلت تشيلك
وجرحي ألفاك صدره وما يريد خيّاط
واكف جنُّه واحد جاي يدعيلك
بس مجبور أدفنك يا عشك يا شوك
وأقرى الفاتحة وبالوحشه أصلّيلك
بعيوني الحزن يقرونه اليواسون
والفوك الحزن لو تدري شاحجيلك
شمّات الأجو وأسوني ثالث يوم
حيل ويّاك كالو مدري شدّ حيلك..
.
٢٣
صگر .
بالله امي ورطتني بسالفه مسره . وانه من زمان اعرف بيهه تحبني بس انه ماريدنهه ولا گلبي يهواها انه اشوفهه مثل خواتي . دحگت ع مسره ورديت دحكت ع امي . كتلهه .
.
مسره .
اهجس روحي ترجف رجف . من كالتله عمتي ادحگ ع حلكو شنو حيكول . كام وكف و وكفت انه .. وهديل تعت بأيدي تريد تكعدني .
.
صگر . يوم مسره اختي وبنت عمي . ومثل هديل وسهام وزينب . وانه مايوم فكرت بوحده من بنات عمي تكون حرمه الي عمن عايش وياهن ورابايات ويه خواتي
.
مسرة .
اهجس روحي صخنت وجسمي صار مثل الجمرة . من رد ع عمتي . مشيت خطوات وكفت جدامه . وسألته
.
ليش ؟؟ .
.
صگر . شنو ليش .
.
مسرة . انه شنو ذنبي سنين وانت ولا يمك ولا مره دحگت بعيني . تعرف ليش انه اكلك ليش عمن كلبك يهواها عمن كلبك ما يدحگ ع وحده غيرهه . عمن انت تضحك ع نفسك . وياريت لو هي تحبك وتريدك هي حتى ما تحسبلك حساب . لو تحسبلك حساب ماعافتك ومشت .
.
صگر .
وكفت مسره جدامي بصلافه عين وتحجي واحنه ماعدنه بنت هيج تسوي هذه تعتبر ناقصه تربيه . وفوكاهه توكف جدام شيخ . ضربتهه راجدي فريت راسهه بي .
.
يول اتخبل من البنيه العينهه صلفه . اكظبي روحج
.
مسرة . عفتهم وطلعت ركض البيتنه .نزلت نفسي هواي اله . لهنا وكافي .
.
صگر . عفتهم . وصعدت للغرفه كطيت السويج والموبايل و تمددت بفراشي . وعيني ع السكف .
وصورتهه جدامي ومرسومه بعيوني .
.
.
جريت حسرة و يا كبرهه . و ورثت جكارتي .
ااااه خرب گلبي عاب گلبی الي حبج وهواج . انه وين والحب وين .
.
مرت الايام مثل العاده . وانه الصبح بدوامي والعصر بالديوان . لو افتر بالديره . صعدت سيارتي ومشيت افتر بالدرب وضايگ خلكي . وصلت البستان ربعنه نزلت وخطواتي تاخذني وانه اكول ويه نفسي
.
.
تعال لخاطر الله وخليني ارتاح.
من زمان وما شافتك عيني..
ولك هم تشتاقلي بالغربه مرات .
لو ناسي الذي بينك وبيني.
لو تدري الدمع ما فارك العين .
ولا كلبي بغيابك مل ونيني .
..مشتاك إني إلك ولك كلبي محتام .
هاي الأرض ما توسع حنيني ..
يا همي وعذابي وحركت الروح .
كضيت ويا الحزن أجمل سنيني..
هم عود إني أشوفك وأكعد وياك.
وك أبوس تراب جدمك من تجيني..
.
جريت حسرة ودحكت ع السما . صارت الغروب . طلعت من البستان تمشيت خطواتي للسياره . الجو حلو والهوا بي نسمه بروده . صعدت سيارتي . وشغلت اغنيه .
.
ردتك تمر ضيف ردتك تمر ضيف
وتسكت اللي يحجون .ردتك تمر ضيف
.
حجيك مطر صيف . حجيك مطر صيف
ما بلل اليمشون .وحجيك مطر صيف..
أنت تقرأ
بين الغرور والكبرياء .
Lãng mạnتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
