بين الغرور والكبرياء .

بين الغرور والكبرياء ٢

شلونكم حبايب .  شخباركم .  ❤❤.
.
نظراً لتوسلات الاخت RussellAlObedy  وترجياتها  سيتم نشر القصه بالكامل اكلت قلبي لان . 😁❤.
.
.قبل كل شي اوجه تحيه من القلب الى اهل الغربيه وكل الحب الهم . وكلش اعتذر منهم اذا كان اكو خطأ  باللهجه او بغير شي . ..
.
✍ روز علي .

بين الغرور والكبرياء .  .
.
الحلقه الثانيه .
..
أذب كلبي على سهمك وآنه مجروح .
واكلك دير بالك أخاف أأذيك.
اجرحني ولك بس كون عالكيف.
لأن أنت ويه دمي وخاف أبديك .
اجرحني ولك بس كون ما موت..
حتى مِن يتهموَنك أبريّك
على المراية وكفت ما شفت وجهي
وشفت وجهك طلعلي وكمت أحاجيك
وثبت بمرايتي وجهك مرايات
وأباوع وجهها مرايتي بيك
بكذلتك شِّد ركبتي وطلع الروح
أريدنها بعد تتكرب عليك
أنت بحضني واكول بعيد
أريدن هيج كون آنه انخبط بيك
بيا شارع مشيت كبالي ألاكيك
أفوت بغير شارع هم ألاكيك
أرد للبيت كبلي الكاك بالباب
أطب كبلي تطب وتكلي أتانيك
بغيرك فكّرت كلت آنه أنساك
طلع غيرك يشبهك وفكرِّت بيك
طلع غيرك يشبهك وفكرِّت بيك..

.
مي .
كعدت من نومي . ويه مدك المنبه باوعت ع الساعه ٤ . . كمت من فراشي رحت للحمام غسلت وطلعت شسورت شعري ورجعت سويت نهاية الشعر بالفير . رجعت الشسوار والفير بالجنطه . وبلشت بالمكياج رسمت عيني بالاينر وخليت مسكارا . ووخليت حمره مات لو وردي . مخليت شي بعد . . لبست بنطرون اسود وتيشيرت اسود .ردان رفعت الاكمام للمعصم . لبست ساعتي ورشيت عطر . لبست حذاء كعب لون وردي . حظرت الحاسبه والكامير ع الجربايه . دك موبايلي باوعت مؤيد .
.
مي . هلو مؤيد صباح الخير .
.
مؤيد . صباح النور ياله اني واكف بالباب .
.
مي . تعال عفيه عندي جنط .
.
مؤيد . ماشي . روز علي
.
مي .
طلعت الجنط للباب وفتحتهه ورحت اخذت جنطتي وموبايلي وشلت الكاميرا والحاسبه . ورحت ع بابا جان نايم كعدته .
.
بابا اني راح اروح مؤيد راح يوصلني .
.
احمد . ديري بالج ع نفسج بنيتي . واي شي تحتاجي خابريني بسرعه اجيج .
.
مي . لتشغل بالك بابا حبيبي لتخاف عليه .
.
احمد . من توصلين خابريني ماشي .واني الصبح ارجع اخابر عمج .
.
مي . ياله بابا مع السلامه .
.
احمد . الله وياج باباتي . خوما محتاجه فلوس .
.
مي . لا بابا تسلم .
.
سديت الباب وطلعت لكيت مؤيد مصعد الجنط بالسياره . صعدت كعدت وخليت الجنط الشايلته بالكشن الوره .
.
مؤيد . ها ست مي . ننطلق .
.
مي . انطلق استاذ مؤيد ..
..
.مؤيد . وعلي نعسان نعسه بس الله يدري بيهه . والخاطرج كمت من عز نومي .
.
مي . لعد بربك لتسحكنه . دير بالك .
.
مؤيد .انتي بس سدي حلكج ولتدوين براسي ماعليه شي نوصل بسلامه .
.
مي . عابت اي والله اصلا اني راح انام .
.
مؤيد . بعد احسن . روز علي
.
مي .
خليت الهيتفون بأذني .ونمت . حسيت مؤيد يصيح عليه .
.
مؤيد . ولج مييي .
.
مي . ومال اللطم . شبيك .
.
مؤيد . كعدي وصلنه . وين تريدين تنزلين .
.
مي .
وصلنه  المكان كله بساتين وخضار والطبيعه تخبل بي .. والبيوت كلش كبيرة وضخمه . وقريبه ع الشط . والمنطقه هدوء  .  ابد متوقعت هيج اشوف .  كتله