بين الغرور والكبرياء .

بین الغرور والكبرياء .١٣

✍ . روز علي 
.
الحلقه الثالثه عشر .
.
الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
*****
.
صگر .
طالت السوالف والحجي والصايح وناس تجر وناس تعر . وكع الفصل ع ٣٠ مليون ومره للشيخ
عفتهم وطلعت ما مقتنع ولا راضي . جتال ابن عمي يفتر ويشم الهواء وابن عمي جوة التربان بعز شبابو
رجعت للبيت وحدي وعفتهم همه ورايه . فتت تلكتني امي والبنات .
.
ام صگر . ها يمه بشر .
.
صگر .  ٣٠ مليون وحرمه .
.
ام صگر . الك . (لطمت ع صدرهه) .
.
صگر .  وانه شدراني ييمه شوفي الشيخ .

(صحت ) 

مي وين .
.
ام صگر . بحجرتهه ..لا تصیح استغفر الله  ييمه .
.
صگر .
صعدت دحجت باب الغرفه مسدوده . وكفت جدامهه اريد ادكهه  متردد  اريد اشوفهه حتى لو اتناكر وياها اهم شي  تصير جدام عيوني . اخذت نفس ومشيت فتت للغرفه بدلت ثيابي وتمددت بفراشي . .

______
مي .
كلش انقهرت ع هذا الولد الي مات .  خطيه ما اله ذنب بالي صار . البيت متوتر كلش خلال هاي الايام الفاتت .

اليوم  تجمعو و راحو عليهم  اني مادري شنو صار لان نزلت لكيتهم رايحين  حتى بابا وياهم . . رجعت صعدت الغرفتي حجيت ويه رئيس تحرير المجله الي اشتغل بيهه بخصوص التقرير   طلبت منه يمددلي الوقت . انطاني فقط يومين يعني كل الي عندي هو ٣ ايام فقط والمشكله الاكبر هذه فرصتي الوحيده . الي اكدر من خلالهه اثبت نفسي بجداره  .  .  اما المشكله الثانيه  ماكدر انهي التقرير بهاي الطريقه لان واضح بي نقص .  كمت غيرت ملابسي لبست تراك صيفي رصاصي . ونزلت . همه فاتو للبيت ويصيحون  .
.
الشيخ .  غصباً عنو يكطع مهر عليهه .
.
دحام .  شيخ استهدي بالله . تراه الولد بعد ترابو اخضر . ..وصگر لساتو معصب .
.
الشيخ . عجل ماكو مشكله يومين ويكطع مهر .
.
شهاب . عمي السموحه منك . بس صكر مراح يوافق ومايريدهه للبنت انه متأكد ..
.
الشيخ . غصباً عنو
.
مي .
بقيت واكفه واسمع شنو يحجون واكفات ناديه وسعديه . وهديل وسهام وزينب .   باب المطبخ . وع الصايح اجو بيت عمامي الباقين .  . صارت هوسه وناس تحجي هيج وناس تحجي شكل . وبابا واكف وساكت بس يسمع . الي فهمته من كلامهم .  صايره بالفصل بنت .  واكيد هذه البنت ما الهه ذنب ولا يمهه الموضوع . كل شي عندي اكدر اتحمله بس اذا بنيه نظلمت ما اتحمل اسكت .  واكفه يم الدرج . بدايته . واسمع شنو يحجون . نزل صقر .  رفعت راسي عليه . عصبي وعيونه حمر دم  ومبين .  من حواجبه ودمارات ايدة البارزة  . مطايق الدنيا .  نزل وكف بصفي  وخله ايده وره ضهره . وشايل السبحه . ورافع راسه عليهم . التفت الشيخ عليه .
.
الشيخ . انت هاي سوايه تسويهه اليوم .
.
صگر . يابه انه مسويت شي .  والي صار قطره من الي شايلو عليه . انه الود ودي  اشرب من دمو .
.
الشيخ . لا تشرب من دمو ولا غيرهه . فظينه السالفه تكطع مهر . ع البت وهاهيه . .
.
صگر .
ماحجيت شي عفت وطلعت  ..  رجعت المغيرب فتت للبيت تعبان وضايك خلكي . صعدت سبحت وبدلت  ونزلت .  كعدت بالربعه . انتظر وكت الصلاة صليت وتمددت . دحكت مي واكفه فوك راسي  
._____