.
الحلقه الثانيه عشر .
.
✍روز علي
.
بين الغرور والكبرياء .
.
روووووح گتلك ليش أخذت حچايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيچ أگولن ربّـي رجعه بداااعتي ..
.
12
صگر .
انه ونايم اتصلو علي كالو خديجه توفت . من كالولي اهجس روحي اختنكت انه صح ما احبهه وانجبرت عليهه بس مهما يكون هي حرمتي . كمزت من فراشي تهيرت ونزلت اركض ع الدرج شفت ابويه واكف .
الشيخ . ها وليدي . كالولك .
.
صگر . اي بويه خابروني .
.
الشيخ . ياله تانحدر الربع كلهه بره واكفه .
.
صگر
طلعت ويه ابويه واخوتي وعمامي و ولد عمامي . ولد عمام ابوي صعدنه سياراتنه وتوجهنه للمستشفى لكيناهم ماخذيهه البيتهم . رجعنه توجهنه البيتهم . وصلنه دحگت البيت الامه مكلوبه وصايح النسوان وملاخهن . فتت انه وابوي ولد عمي .البیتهم تهجمو علي اخوتهه واتهموني بموتهه واحد منهم رفع سلاحو بوجهنه انه تخبلت يرفع سلاحو بوجه الشيخ . تهجمت عليه ولزمتو من‌زیاگو لزموني شهاب وذياب رجع رأفت ابن عم ابوي ضربو بوجهو وصار يتلاوه ويا دفعو الرأفت وضربو برصاصه صارت بصدرو. تخبلنه من دحگنه ابن عمنه نايم ودمو بطولو اخذو للمستشفى والشيخ وياهم وانه اهجس الجمر يطلع من عيوني . اهجس روحي جهنم . يكتلون ابن عمي جدامي لا والله انه فلا زلمه واكعد بين الزلم . طلعت بركض وصعدت سيارتي ورجعت للبيت وانه متوعد بالشر . نزلت وانه اصيح . يكتلون ابن عمي جدامي لا وحك الله . رحت الغرفة الشيخ اخذت سلاحي وطلعت تلكوني شهاب وذياب ويحجون ويهدون . وانه اصيح الدم بالدم .
.
شهاب . صگر . يول لا تسوي مصيبه بخبالك خل الحگ ويانه .
.
ذياب . خويه . استهدي واستغفر الله .
.
صكر . ولكم .انتم مخابيل . ولكم يصوبو جدامنه . يرفعون سلاحهم بوجه الشيخ . ولكم احنه جبنااااااااء فهموني . (صايح) .
.
شهاب . صگر خوية .لا تسويلنه مصيبه وتبلانه .ورأفت ان شاء الله مابي شي . والشيخ هو يحل السالفه . اذا انت ابنو وتصيح الدم بالدم عجل احنه واهلو شنگول
صگر
ماجاوبتو عفت وتمشيت ليغاد عنهم ... شويه ورديت الهم .. اخذ شهاب السلاح مني .
.لا لاتاخذو .
رجعت اخذتو من ايدو وخليتو بيدي . وكتلهم
حدرو الرأفت للمستشفى . وطمنونه عنو . انه ماكدر اروح .اهجس روحي مجمر .
.
شهاب . خويه لا يظل بالك مابي شي انه بس اوصل اخابرك . .
.
صگر . ان شاء الله ..
حدرو شهاب وذياب وانه بقيت واكف دحگت ع الحديقه مي واكفه وصافنه علينه تكلطت عليهه .
.
ها يول شعندج هنا . (بعصبیه )
.
مي .
اول مره اخاف منه . بقيت ثابته بمكاني . محجيت شي ابد . عاط بيه . فزيت .
.
صگر . جاوبي (بصايح) ..
.
مي .
عفته وفتت من يمه بركضه . جرني من ايدي .
.
صگر . وين رايحه .
.
مي . للبيت .
.
محجه شي دنج راسه وكعد .ع الكراسي الموجوده بالحديقه خله السلاح والفون والسبحه ع الميز كعد وجر حسره وفرك وجهه بأيده . بقيت واكفه بمكاني وصافنه عليه .تقربت وكفت كدامه .
.
تكدر تحجيلي .
.
صكر .
رفعت راسي دحگت عليهه .خزرتهه .
أنت تقرأ
بين الغرور والكبرياء .
Romanceتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
