بين الغرور والكبرياء .

بين الغرور والكبرياء ١٦

✍روز  علي .
.
الحلقه السادسه عشر .  .
.
بين الغرور والكبرياء .
.
انا بيه حزن يترس فطور الكاع
ونواعير العيون تصير من تدمع
وبيه بالكلب شوف شكثر ونات
يذوب الصخر كونه بونتي يسمع
وانه فوك المتون محمل هموم
الجبل لو شالها من الكاع اظن يقلع
لاتغرك ضحكتي من اضحك وياك
الجمر محروك وكبالك يظل يلمع
خلص عمري بغرب يم اليكرهون
ومااظن العمر لو راح هم يرجع..
.
١٦
صكر . مي وين (بتعب ) روز علي
.
شهاب . . محجيت شي بقيت ساكت .
.
صگر .  شهاب بنت عمي وين  .
.
فتحت عيوني انه بالمستشفى اول مفتحت عيوني جتي ع بالي مي  وشلون اخذوهه وليش
.
شهاب . صگر   ماشفتهم ماعرفت منو .
.
صكر .  لا بس لازم اعرف .  احجي شهاب مي وين .
.
شهاب . ماعرف . بس وحك الله الكل يدورون عليهه .
.
صگر .
كمت بتعب من مكاني واحجي    صارلي شكد هنا
.
شهاب ..  من البارحه . وين رايح .. وين انت حتى ماتكدر توكف .
.
صگر . مابيه شي . خل يجيبولي هدوم  . . 
.
شهاب . صگر .  لا تأذي نفسك فدوه .
.
صكر . شهاب تخابرهم يجيبولي هدوم  لو اطلع هيج .
.
شهاب . اكف راح اروح انه اجيبلك واجي
.
صگر .
راح ذياب  وانه بقيت اتلوه بمكاني الجرح يأذيني وقلبي يأذيني اكثر  وبالي يم مي شلون هي ماكو من البارحه . اجه شهاب هو وذياب وعامر ومحمد وحامد اخوتي .  ادحك عليهم عيونهم دم .   لبست  وكفت  ..شفت نفسي اكدر امشي الحمد لله مابيه شي بس بعدو مكان الجرح يأذيني . تمشيت للسياره صعدت .   ويه شهاب . وتوجهنه للبيت ادحگ الكراج  مخبوص وامه محمد كلهه بي . فتت للبيت  تلكتني امي تصيح . وخواتی  يدكن ويلطمن . 
.
ام صگر .  راح ابيك يا صگر .  انكتل الشيخ ياصگر . لازم  تاخذ بثارو .  انته ابنه البجر ومحد ياخذ بثار ابو وعمه غيرك .

صگر
. . التفت ع شهاب . بصدمه . شهاب دنج راسو .
.احجي يول شصاير .
.
شهاب . عمي احمد وعمي الشيخ عدوان . االله يرحمهم انكتلو .

صگر . شوكت هذا االحجي .
.
شهاب .  البارحه .وانه اكول الي صوبوك واخذو مي همه نفسهم الي كتلو عمي احمد وعمي عدوان .لان بنفس الوگت .
.
صگر . 
من كالو هيج حزتهه مكمت اهجس بروحي .  ولا اهجس بوجع ايدي .  صعدت للغرفه ركض .  غيرت ثيابي ولبست الحزام (حزام مسدس كتف ) . ونزلت
.
شهاب . يول اكظب انت بعدو جرحك ينزف .
.
صكر . (بصايح) . شبيك تريدني اضل  وابويه وعمي مكتولين ومي ماكو . تريدني اضل وكتالهم يفتر  تريدني اضل وبنت عمي مو بالبيت .

شهاب . وحك الله الربع كلهه تدور عليهه . بس انت خليك .
.
صكر .  لا وحك الحك ما ابقه دقيقه وهي مو هين  ولا ابات بالبيت وهي ماتبات . ولا اعوف کتال ابویه یشم الهوا
.
شهاب .  وين رايح بهاليل  . روز علي
.
صگر . عساني لا راد . من ياخذوهه من جدامي وانه ماكدر اسوي شي . ول يابه تحز بروحي حز . انه المفروض ماكعد بين زلام . ياخذون عرضي من ايدي . وانه ابقه بمكاني .
.
شهاب . وانت شنو بيدك . انت متصوب .لتنسه .
.
صگر .