✍روز علي .
.
الحلقه السادسه .
.
بين الغرور والكبرياء .
.
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
مي .
ابد مكنت متوقعه هيج جمال شوارع الرمادي . بعد داعش توقعت كلهه خراب . كنت كل شويه اوكفه واخذ صور . ويه صور التقرير اخذ صور الي . وصور اله مره يضوج ومره يضحك . وضحكته كلش حلوة يرافع يراسه ويضحك بعلو صوته بقيت صافنه عليه من يضحك . انتبهلي خزرني . وعگد حواجبه وخرت عيوني من عليه نزلت من السياره ونزل هو ويايه نطيته الكاميرا . وكفت كدام نافورة كلهه اضويه والوان تجنن . .
.
صورني
.
صگر . وخبال الخبلج ..
.
مي . عليك الله صقر اخذلي صور حباب .
.
صگر . يول وحك الله انتي زعطوطه .
.
مي . بليز بليز .
.
صگر .
وكفت جدام النافورة وانه اخذ الهه صور وهي تسوي حركات . اجت وكفت جدامي جرت الكاميرا من ايدي
.
مي .
اخذت الكاميرا منه ردت اشوف اللقطات . كلش حلوات . وحده منهن مدنجه ونازل شعري وماده ايدي ع النافوره . باوعت عليه . هو صافن ع الشارع كان لابس دشداشه رصاصي فاتح والسبحه بايده . كعدت بالكاع واخذتله لقطه فد شي . بدون ميدري . التفت عليه . تفاجئ
.
صگر . يولو يخبله شتسوين
.
مي . مدا اسوي شي بس تعبت . ياله خل نروح الغير مكان .
.
صگر . عجل اخذج المطعم .
.
مي . اي . هلا هلا .
.
صگر . المطعم بشارع عمر روز علي .
.
مي .
شغل صقر اغنيه على الرمادي .
ع الرمادي الرمادي ودوني ع الرمادي
ياعمي يابو الجمسي رد بيه عله الرمادي
محبوبي بالرمادي اهلنه بالرمادي .
كلش حبيت كلماتهه . فتحت فوني وصورت ستوريات ونزلت ع حساباتي وكتبت .
.
My country ❤ (بلدي )
..
اجتني مسجات هواي من اصدقائي وصديقاتي . وحبو انه اصور الهم وانشر . حبو يشوفون اجواء بلدي شلونهه .
دخلنه مطعم . كعدنه تعشينه وطلعنه رحنه اكلنه موطه . وفترينه وكل مكان اروح اله انزل واخذ صور . رجعنه للبيت الكل نايمين والبيت اضلم .صعدت للغرفه بدلت ملابسي وتمددت ع الجربايه . سويت مكالمه جماعيه ويه اصدقائي . وصرت احچیلهم بلهفه عن شوارع الرمادي شلون صايرة واكو بعضهه بعدهه خراب بس الاهم الاعمار بيهه مشتغل .
تمددت ع بطني . وفتحت الحاسبه الهيتفون بأذني واشتغل بالتقرير . سديت الخط وبلشت اكتب معلومات باوعت ع الساعه ١ . لفيت راسي ونمت .
.
كعدت ثاني يوم من الصبح . شبعانه نوم غسلت و نزلت تلكتني نادية شايله صفطه خبز ودتخليهه بالمجمده . . اخذت شويه منهه .
.
صباح الخير .
نادية . صباخ الخير . تعاي اتريكي .
.
مي . وينهم شو ماكو احد .
.
ناديه . الشيخ . حدر للربعه . وحامد ومحمد بالبستان وصگر بعدو نايم .
.
اليوم الحنه . وتايشوفون النواقص ويجهزون .
.
مي . هديل .وسهام وين .
.
ناديه . من الغبشه حدرن البيت عمي يم نسرين .
.
مي . لعد انتي ليش مرايحه .
.
ناديه . وهين منو يضل يكمل الشغل . سعديه نايمه ع ظهرهه حبله .
.
مي . يا خطيه . لعد خل اساعدج .
.
ناديه . يا بعد عيني ماعندي شي بس الماعين . وانتي صعدي تهيري تانحدر البيت اهلي .
أنت تقرأ
بين الغرور والكبرياء .
Romanceتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
