✍روز علي .
.
الحلقه . السادسه والعشرون .
.
بين الغرور والكبرياء ٢٦
.
عيني إلما تشوفك تنعمي وللدّوم
لأن أنت حبيبي فرحة إسنيني
تعال وخلّ أضمّك حيل يهواي
وأريد إبكلّ حنانك أنت تحويني
تعال وخلّ نطفي الفُركة والنّار
وعلى صدرك أنام اللّيل خليني
طويناها صفحتك وانتهى الموضوع
فعل ماضي صفّيت وخلصت المدّة
إش تتوقّع أبوس أجدامك من تروح
وأسحك كبريائي وأطلب النّجدة
صحّ جدمي عثر من شفت طولك لاح
لكن ما نخيتك من طحت عمده
توجيت على جرحي وما طلبت العون
لأن أدري إليطيح إجفوفه لتسنده.
.
٢٦
صگر . وشسمو (بصايح) .
.
سهام . جراح . اسمو جراح .
.
صگر . كتبت الرمز واهجس ايدي ترجف ماعاد اكدر اسيطر .فتحت الموبايل دك الرقم نفسو .
فتحت خط واحجي بصايح .
.
انت منو يول متستحي تخابر ع بنواتنه .وحك الله اله اعرفك ابن منو واسويهه كعدة عشاير . انه اعلمك يالخسيس والله اله اسحلك بكل العرب . خل تكضبك ايدي ودحك صكر منو وشيسوي .
.
سهام .
صگر يصيح ويغلط وجراح يمكن بحزتها سد الخط . يمكن خايف علي .ويخابر .. كط التلفون من ايدو وجا عليه ومي وكفت جدامو بس هو دفعهه وكضبني من شعري وجرني .
.
يدحك بعيوني وجهو احمر دم وعيونو حمره ونار تشتعل صاح بوجهي .
.
صگر . ابن منو . خرب اهلج على هالعين . ابن منوووووو
.
سهام .
جنت خايفه احجي . خايفه ع اخوية وخايفه ع جراح . وصگر لو يعرف ابن منو يروح يكتلو ويخلص عليه . احسن شي يكتلني انه . لو ابقه ساكته واتحمل وما احجي . .
مي .
حرت شنو اسوي ويا حتى يعوفهه ويهدأ .عصبي نار وعيونه حمر دم دمارات ايده كلهه مبينه . حتى خطرت ع بالي ابوسه من شفته . بس تراجعت وصرت اغلط ع روحي بهالتفكير بهذا الوقت وكفت واني مأيسه . و هو يصيح ويغلط فاتو للغرفه محمد وحامد وزينب وناديه وسعديه . اجه عليه حامد سحبه من ايده ويريد يطلعه بره الغرفه .وهو يصيح عليه
.
صگر . ولك يول عوفني خل احرك اهل اهلهه . ولج مافكرتي احد يشوفج عجل شلون عين صلفه من تجيبي للبيت .
.
حامد . خوية اهدأ مو هيج تنحل .
.
صگر .
دفعت حامد وصرت اكلب بالموبايل اريد شوف شنوو بي مابي بس رساله وحده . كمت اصيح .
.
ولج يكتبلج مشتاكلج مو واكفلج جوة الهرش . اله اربيج ع ايدي وخليج عبره واشوف بعد بنواتنه شلون تتمعشك ونتعير بيهن . باجر رعد يكطع مهر عليج . وغصبا عنج . حتى لو ماتريدي فاااهمه . (بصايح) .احجي .
.
سهام . اي والله يا خويه فاهمه والي تريده اسوي .
.
صگر . ها يول الخوف يجزي .تهيري باجر تكطعين مهر انتي ورعد .
.
حامد . خويه مو مال غصب .
.
صگر . وحك الله لو العشيرة كلهه تجي توكف جدامي . غصبا عنهه .
دحگي يول تضلين كاعده واذا اشوفج جدام عيني او المح خيالج . تحفرين كبرج بيدج .
.
نزلت ونزلو اخوتي ونسوانهم ورايه . كعدت ع الكرويت . جابتلي زينب كلاص مي .
.
زينب . خوية على كيفك مو هيج هالاعصاب . يروح يصير بيك شي .
.
أنت تقرأ
بين الغرور والكبرياء .
Romantizmتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
