بين الغرور والكبرياء .

بين الغرور والكبرياء ٨

الحلقه الثامنه .
.
✍ روز علي 
.
بين الغرور والكبرياء  
..
.
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي ...
.
.

صگر
واكفه جدامي وتلاسن لسانهه الي يكول برنو طلعت من المطبخ ورحت البيت عمي الربع كلهه عدهم ملمومه .
.
الله يساعدهم .
.
الكل . ياهلا حياك الله .

شهاب   ياهلا بشيخ الشباب
.
صگر .
كعدت بسد شهاب . وهمه مره يتكاونون مره يتصافون وانه اتصفن على شكلهه البارحه  وشلون اليوم  وكفت جدامي وعصبيه بودهه تاكلني وتشربني .  ابتسمت وانه مادري عيون ذياب وشهاب علي  
.
شهاب . خير اللهم اجعله خير .
.
صگر ...( التفتت عليه . ) شبيك
.
شهاب . كول شنو الي مخليك جاك حلكك
.
صگر . لا يابه اضحك عليكم .
.
شهاب .  ذياب اكص ايدي اذا مو صگر دك قلبو .
.
ذياب . كول منهي . بت من . 
.
صگر . وحك الله انتو مخابيل . ولو عني .
.
ياله كومو امشو جدامي خل انتغدا .
.
ذياب   انه وياك . امشينه .
.
مي .
بقيت بالببت وحدي كعدت بالصاله اكلب بالتلفزيون مشفت شي طفيته وكمت سويت فنكر .  واكلت ع السريع وصعدت غسلت  وخليت مكياج   لبست فستان قصير جوة الركبه . وردانه ربع .  الفستان كان ابيض وبي خطوط بالعرض . خطوط رفيعه وخطوط وسط وخطوط اعرض .  لونهن مابين البني والاصفر  والمشمشي   الفستان كان كلش حلو ولبست حذاء كعب اصفر .  ابو السير .  سويت شعري . عدل . . رشيت عطري واخذت فوني ونزلت . تلكتني هديل . 
.
هديل  ياله يول جيت اسبح . واغير ثيابي .
.
مي . متخلين مكياج . تحبين امكيجج .
.
هديل . اي امي تذبحني . البارحه وبالتواسيل لازم الوحده لو مخطوبه لو متزوجه ياله تقبل .
.
مي .  اوك بكيفج
.
بقيت انتظرهه بالصاله . نزلت هديل مبدله وطلعنه اني وياها .
.
هديل . عجل انتي يوم عن يوم تصيرين بعد احلى .
.
مي . عيونج الحلوه حبيبي . منو حيسوق سيارة العروس .
.
هديل .  صگر راح يزفو  
.
مي . وانتوو ويامن تروحون .
.
هديل . ولد عمامي  واخوتي جثيرين . وسياراتهم جثيره . كلهه حتروح زفافه .
.
مي . اوك .

فتنه البيت العروس   سلمت وكعدت يمهه . جتي هديل عليه .
.
هديل . يول يمي .شتكولين لو هسه اكف هين واصرخ يوم السبت تعالن للمضيف .
.
مي . اي عفيه صعدي هنا .
.
صعدت هديل  ع الكرسي . وكامت تصيح .
.
هديل . يحبايب السموحه منجن بس شويه اسمعني . السبت كلجن حدرن المضيف الشيخ عدوان .  
.
شكللهن بعد .
.
مي . كليلهن ندوة توعيه .
.
هديل . ندوة توعيه على الكل الحضور . سمعتن . انتن وبناتجن . 
.
ها امري بعد تريدين شي .
.
مي . فدوة القلبج حبيبي .
.
بقينه كاعدين ولمه وركص وهوسه . صار وقت العشا . البنات راحن يصبن العشا واني لازكه بمكاني يم العروس .  وياهو الي تشوفني ومشافتني البارحه صاحت هاي بتمن و تعرف اني بنت احمد وتجي تبوسني .  خلصو عشا كامو يصيحون الجهال اهل الزفه ياله .
.
صگر .
ذياب اخذ سيارتي يزوكهه لان انه راح ازف العرسان بيهه
.
حدرت للبيت  اتهير . لان جنت ويه الواكفه ع الطبخ . سبحت ولبست دشداشه بيضه  واليشماغ  لبست الساعه والمحبس والسبحه بأيدي  لبست الشحاطه . نزلت  تلكاني ذياب والسياره كلهه ورد ومزوكه وسياراتنه كلنه واكفه بالدرب . طلع شهاب  من بيتهم  . وكف جدامي  والشيج جا علينه .