الحلقه العاشرة .
.
✍. روز علي .
.
بين الغرور و الكبرياء .
.
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
*****.
.
10
الشيخ . مو سوايه هاي السويتهه . عمك مأمن عليهه يمنه .
.
محمد . والله يابويه كلامك صح .
.
حامد . عاد لحيت ياخويه وياها .
.
صگر . لا والله وحك الله ما اخليهه تطلع الباب وحدهه شنو هيج انه مكرن وماعندي غيره .
.
طلعت وراهه .صعدت سيارتي ومشيت وصلت الراس الشارع جانت واكفه سياره ويمهه ولد . وصلت اليمهم ونزلت . مشيت الحدهم بخطوات سريعه .
.
صگر . مالك شتسوي هنا .
.
مالك . حياك الله يخوي . ماعندي شي بس جاي اخذ كرابتي .
.
صگر . منين اجت كرابتك . (بعصبیه)
مالك . ابن عمتي اتصل علي وصاني عليهه .
.
صگر . عجل ولد عمامهه وين .
.
مالك . والله يا خوي انه شدراني هي اتصلت علي .
صگر . ياله ياخوي . لاتصير موزينه توكل بالله . . .
مي .مالك اسفه كلش . اني اخابرك بعدين واتفاهم وياك .
صگر .
بقيت واكف الى ان صعد سيارتو وراح . وكفت هي جدامي وكامت تصيح . انه عفتهه وصعدت بالسياره .
.
مي . اوووف . يعني مراح اخلص ولا راح اكمل شغلي .
.
صگر . گصري حسج . واصعدي دنشوف وين نولي
بقت واكفه بالدرب . ومجتفه ايدهه . وتدحگ ع جهه اليسره . بعز عصبيتي ضحكت بس ضميت ضحكتي خفت لا تدحگ علي وتشوفني مبتسم .
.
ياله يولي صعدي عاد .
.
مي .
صعد سيارته هو . وبقه يحجي ياله صعدي وياله . عفته ومشيت خطوات . لحكني بسيارته .
.
صگر . يولي وحك الله ان مصعدتي هسه . بعد لو تموتين .
.
مي .
صعدت واني كالبه وجهي .شغل السياره ومشه .اني طلعت فوني وشغلت ال Gps .
.
صگر . مسحي رقمو .
.
مي . رقم منو
صگر . رقم مالك .
.
مي . معليه ما امسحه .
.
كتله هيج وشخط السياره وكفهه . ع كد ما البريك قوي انضربت بمقدمه السياره . وكف وجر الفون من ايدي . اخذه مسحه ورجع شمر الفون بحظني .
.
انت بأي حق تمسحه وبأي حق تلزم موبايلي اصلا .
.
بقيت وحدي احجي واصيح وهو متجاهلني . ولا يمي لبس نظارته . وركز بالسياقه . . افترينه بأماكن هواي . وزرنه جوامع ومدارس . شوارع . . اماكن شعبيه . . الطريق كله يحجي يشرح . الي . وكل مكان نشوفه ينطيني تفاصيل عنه . واني اسجل بالدفتر المعلومات الي احتاجهه لو اسجل كلامه بالموبايل . هواي استفاديت اني بهذه الرحله . وصلنه الى نقطه . بعد منتحمل الجوع . نزلنه تغدينه . وارتاحينه شويه وكملنه طريقنه . كل شبر بهذه المدينه حبيته وعشقته . . ابسط شي صار بيهه يفرحني . بقينه نفتر ونصور الى ان صار وقت الغروب
أنت تقرأ
بين الغرور والكبرياء .
Romanceتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
