بين الغرور والكبرياء .

بين الغرور والكبرياء ١٧

.✍روز علي 
.
الحلقه السابعه عشر .
.
بين الغرور والكبرياء ..
.
موكلمن نزف يتسمى مجروح
الجرح مو بكثر دم قياسه
اليلكه بجرحه دم صدكني يرتاح
والمايلكه دم جرحه بحساسه
أقبل اي جرح بس جرح لحساس
يظل ينزف عمر لوبشر جاسه
مايظوج الورد لوداسته ناس
بس يظوج اذا فلاحه داسه

بيج شي سولج شي .
.
مي . هزيت راسي بأي  ودموعي تجري .  وكتله

ثنينهم .
.
صگر .  مسحت دموعهه ..
.
اشش اشش  ديري بالج تحجين  . واذا سألوج بالبيت كولي لا . محد مسويلي شي .  فهمتي یو لا .
.
اهجس سجينه وطعنتني بكلبي من كالت .  جنت خايف عليهه . وخايف من نظرة اهلنه وربعنه الهه وعدنه الي تمر بهيج موقف تصير عار ع اهلهه .  دحگت ايدهه مشدوده وقمیصهه مشگگ و ما مستورة . نزعت قميصي  وخليته عليهه .  دحكت بالكاع    قميصهه الي مشكك وكلو دم اخذتو وخليتو بجيب البنطرون .كومتهه بهدوء اخذتهه قبل لا يفوتون  الشرطه للغرفه .   طلعتهه من البيت سألوني اذا بيهه شي او احتاج مساعده كتلهم لا وراح اوديهه للمستشفى .  شلتهه وصلتهه السيارتي . وهي مجلبه ببه وتبجي صعدتهه بالسياره .  وصعدت انه طلعت كتر كطعت بي الشناطات  الي حازة ايدهه .  وكلهه دم .دحكت عليهه ترجف لزمت ايدهه فزت مني .  وسحبت ايدهه .
.
لتخافين يول انه صكر   . (احجي وخانكتني العبره والدمعه بطارف عيني ) .
.
انه كتلهه هيج  زادت بالبجي . . وانه كلبي اهجسه يتكطع عليهه . متت الف مره بهالدقايق .
عساني بالموت ولا اشوفج هيج . حركت السياره ومشيت .

وصلت  وكفت السياره وفتت من الباب الي وره البيت موكفت جدام البيت من جهه الكراج .  دحگت  ماکو احد نزلت ورحت عليهه شلتهه واخذتهه للبيت فتت تلكتني هديل وحدهه .
.
اش لتحجين شي ابد ولتكولين الاحد ....اكو احد موجود بالهول .

هديل  . لايخوي  امي بغرفتهه . والهول فارغ .
.
صگر . حدري  ويايه بس بدون صوت .

صعدتهه شيل ودخلتهه للحمام بسرعه . حجيت ويه هديل .

جيبي ثياب بسرعه . .
.
راحت هديل . وانه سديت باب الحمام   و كفتهه وكفت يمهه . اخاف اعوفهه . وتگع  .  اجت هديل جايبه ملابس وجايبه .منشفه . 
.
صگر . سويلهه المي دافي .
.
هديل . تامر خویه .  شیخ  وين لكيتهه وشبيهه هيج حالتهه .
.
صگر . مابيهه واشتغلي   ولا تعلين حسج .
.
سوت هديل المي . كتلهه اخذيهه  سبحيهه . وديري بالج لا تكع . كعديهه هنا .
.
طلعت بره وعفت هديل تسبحهه . رحت للغرفه غيرت ثيابي وطلعت وكفت باب الحمام . فتحت هديل باب الحمام . ولازمتهه .  اخذتهه من ايد هديل . وشلتهه وفوتتهه الغرفتهه نيمتهه 
.
صگر .  هديل . نزلي . سويلهه اكل . ولا تكولين الاحد . خل ترتاح شويه .
.
هديل . ليش صگر وامي الي موته نفسهه عليهه ولايبه .
.
صگر . ميخالف بس خل شويه ترد روحهه سويلهه شي تاكله تشربه .
.
هديل . اكو شوربه سويتهه الامي  حلیب وتمن اصبلهه .
.
صرر . اي بسرعه .
.
نزلت هديل . واني بقيت كاعد يمهه .  جبت من الحمام معقمات وشاش وگطن . وكمت اداوي بأيدهه وبجروحهه  . كلت عاب كلبي انه اداوي جروح جسمهه وجروح كلبهه شلون يطيبن . . جانت تغمض وتفتح عيونهه .  ومن تغمض تفز  وترجه تفتح عیونهه تدحگ علی بعدنی یمهه یو لا . لزمت ايدي بقوه عرفتهه خايفه .  صعدت هديل وشايله ماعون شوربه وشربت برتقال . اخذت الماعون من هديل . وصرت انه اوكلهه بأيدي وهي متقبل تدفع ايدي  بس انه اجبرهه ترجع تاكل . خليتهه تشرب الشربت كلو . بقيت كاعد بسدهه ويم راسهه .  الى ان نامت . دحگت ع الساعه ١٢ الظهر .
.
هديل . وين لكيتهه شيخ .