بين الغرور والكبرياء .

بين الغرور والكبرياء ١٤

الحلقه الرابعه عشر .
.
✍ روز علي .
.
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
***** .
.
صگر . شيخ كلامك على عيني وراسي بس انه ماريدهه . انه اخذت خديجه بشورك وهم بأمرك وتالي انكسرت رگبتي . ارد هسه واخذ منهم حرمه عجل انه مخبل .
.
مي . روز علي
بقه يدور الكلام بين صقر وبين عمي ..
وعمامي الباقين يتدخلون وينطون حلول ثانيه . اخذت نفس وتمشيت خطوات يم البنيه كعدت يمهه ولزمت ايدهه كانت ترجف وخايفه . ومبينه الدمعه بعيونهه . كتلهه .
.
مي . لتخافين اني وياج . صرت احس اعصابي نار وتغلي من الي ديسووو ويصير كدامي .
.وكفت وحجيت .
.
مي . عمو من رخصتك بس اريد احجي شي . الكل سكت وانتبهلي صقر خزرني شلون اقاطعهم
.
الشيخ . تفضلي بنيتي .

مي . شنو تشوف كاعده كدامك . (اشرت ع البنيه) .
.
الشيخ . وضحي بنيتي .

مي . الي تشوفنه كاعده هنا هذه البنت شنو برأيك . انسانه . او حيوان او اله . او شنو ممكن افهم نوع نظرتكم الهه . (باوعت ع بابا ابتسم عرفت من ابتسامته انه يشجعني ) .
.
الشيخ . شهالحجي بنيتي .
.
مي . (صرت احجي بعصبيه وبحده ) . انتو كلكم موجودين . ومقدماً كلش اعتذر اذا يعله صوتي . بس الي ديصير هنا ضلم بحق المرأه . وحرام..

هاي اذا انتو اسلام . وتعرفون الحرام .والحلال

صكر . شو انتي ما تحشمين احد (بصايح) .
.
مي . کمز صقر من‌مکانه وجا علیة . كنت متوقعه راح يصيرلي شي بس صاح عليه عمو . 

. الشيخ . صگر . انه اريد اعرف شتريد .
.
مي .. صقر رجاءاً . خل اكمل كلامي . لو سمحت .
.
کلکم. واكفين وتصيحون وناس تقرر منو يعقد عليهه وناس ترفض احد بيكم فكر . شكد عمرهه هذه البنت . احد بيكم فکر ممكن تكون مجبوره . احد بيكم فكر . ممكن تكون عدهه احلام وطموحات وراح تنقتل بهذه مسائلكم اكو احد بيكم فكر ممكن اخته او بنته تنحط بهذا الموقف لحظتهه شيصير بحاله .
بهذا تعاملكم ويه المرأه وتعنيفكم الهه واستعبادكم وتعاملكم الهن مثل الجواري شنو فرقكم عن داعش .
.
عمو انت مو كتلي عشيرتنه نطت كومه شباب وكفو ضد داعش وراحو واستشهدو لان رافضيهم . كتلي هذا الكلام لو لا . ليش حاربتوهم اذا انتو ماخذين صفاتهم وتعاملون المرأه مثل ما يتعاملون وياها همه . واعتقد كلكم تقرون قران . وتعرفون شلون الله مكرم المرأه بهواي ايات قرانيه . وابسط مثال ودليل انه سمه سورة كامله بأسمها النساء .

ماكال عنفوهن . ماكال اغتصبوهن ماكال زوجهن بالاكراه . ماكال تاجرو بيهن مثل الجواري بالفصول . واما القصاص الي انتو دتتمثلون بي وتمشون عليه فهذا اكبر حرام لان مذكور بالقران .