بين الغرور والكبرياء .

بين الغرور والكبرياء ٢٥

✍روز علي .
.
الحلقه . الخامسه والعشرون .
.
بين الغرور والكبرياء ٢٥
.
بيني وبين نفسي إشكد أفكّر بيك
وأكول إشمعنى أنت الشّاغل اضنوني
مو أول عشك خاطر تشلّ الحال
ولا أول جمال إتشوفك عيوني
شجاها الرّوح يمّك ذبت الأسرار
وليش أرجف عليك وينخطف لوني
وحتّى النّاس كامت تعرف بهل الحال
وما أعرف شكلهم من يسألوني
يطبون بصفنتي وعنك إيدورون
ويلكوني أفكر بيك، يلكوني..
.
٢٥
صكر .
بقيت لايب بمكاني   الوادم جوه بالبيت . اهجس قلبي راح يوكف . دحگت البيت هدوء ومابي احد وبس امي . رديت ع سهام . نزعت عكالي وسحلتهه من شعرهه . النص الهول  شافتهه امي نصدمت .
.
ام صگر . ول يابه شصاير شمسويه البت صكر يمه اروحلك فدوة شمسويه البت . عوفهه لا هيج يمه ..
.
صگر . يمه وحك الله ان معفتيني اذبحهه جدامج . (بصايح)

موتتهه كتل  بالعکال  وين ميوجعهه  وهي تلوبح جوة ايدي . وتشاكف بأيدهه . وامي تصيح وتتوسل بيه .
.
صگر .  احجي يول منو هذا . 
.
سهام  . مو احد والله مو احد عليك الله كافي .
.
صگر . سمعتي  يمه بنتج واكفه ويه واحد جوه هرش الرارنج بنصاص الليالي  شافني ونهزم .

احجي ويه امي ورديت اضرب بيهه اهجس شكد ما اضرب واكتل ميبرد كلبي الود ودي اشرب من دمهه بس اله اعرفو منو هو ..  وابن منو ومن بيتمن .  جريتهه سحل من شعرهه .  وطببتهه الغرفتي وقفلت الباب .  وفتت الغرفتهن هي وهديل وكلبتهه كلاب . اريد الكي شي   لكيت موبايل صغير  .  مختل بهدوم سهام . ردت افتحه ماكدرت بي رمز .   رديت شايط عليهه . سمعت صوت الزفافه . خليت الموبايل بجيبي .  وغسلت وجهي ونزلت . وكفت بالكراج . وكفت وانه دمي يفور   ادحگ مي نزلت من سياره العريس   وكفت جدام ذياب وتهز جتف هي ويا . 

مي .
فتت للمطبخ شفت صقر طلع وره البيت .  صاحو ياله حنطلع .زفه . رحت ركض يم هديل . هي كامت  بوست خالة ام صقر وطلعت هي وذياب   صعدت وياهم ليورة  .  وعامر وزينب بالصدر .  افترينه بالشوارع .  وركص  وهلاهل . شكد حلوه الزفه هنا صدك نسيت كل شي .   .

ذياب . عجل صگر وين . حدرت عليه كالو ماكو .
.
مي . ماعرف . بس اله صقر موجود يعني . متتزوج لوما هو . 
.
ذياب .  عجل شلون غير هو الشيخ .
.
مي . مو اني اعرف هو اخو العروس فميصير يجي .
.
ذياب . هنا السالفه .

مي . لتخاف اني موجوده بمكانه مراح اقصر .
.
ذياب . ول يابه بنت عمي شوفينه سباعيتج .
.
مي . نوصل واثبتلك .
.
الطريق كله دك وركص . وصلنه للبيت . .فتنه للكراج ودك الطبل والهورنات .  نزلنه من السياره نزعت البشت شمرته النسرين نزلو ذياب وهديل .   وكفت كدام ذياب وكمت اركص واهز كتف   . هو هم كام يهز كتف ويايه .  مشفت غير صقر اجه جرني من ايدي بعته  وفوتني للبيت .
.
صگر . شبيج يول تخبلتي مدحگين الولد داير مدايرج واكفين . تستعرضين بجسمج عجل هو مو صوجج صوج ابن عمج الاثول الي واكف يتمركص وياج . لو انه منه الخمج ع حلكج