الحلقه الخامسه عشر .
.
✍ روز علي .
.
بين الغرور والكبرياء .
.
تمنيتك تجي ، ابأول اللجمات
واشكد احلمت بيك او تمنيت
لو تدري فرحتي ابجيتك هاي
او لو تدري اشجبت وياك من جيت
جبت بسمه لشفافي العطشن اسنين
والف جرح ابجرح بالروح داويت
كلي اذنوب ادري ، او روحك ايمام
نزعت الماضي وابيض كلب طبيت
ومن نور البروحك شاهت العين
او كبل ما طوف بعيونك تحفيت
اعيشك لحظة لحظة او اشكي الفراك
انت وياي كلك وآنه سليّت
ريتك تبقى كتلك ، ريتك اوياي
او كلشي البيك اسمعه ايكول ياريت
كبلك ما عشت ، موعمر محسوب
خشبة كنطرة او للدوس ظليت.
.
صعدنه بالسياره . طلعت نظارتي من الجنطه لبستهه . التفت عليه هو .
.
صگر . يول ماعندج اكصر من هاللبس .
.
مي . اي عندي . تريد البسه ماعندي مانع .
.
صگر . احش رجولج وحك الله . اكول جنج حافظه القران كله . ماتعرفين . واجب الحجاب والحشمه على الحرمه .
.
مي . اعرف . بس كل واحد وقناعته . وانی هاي قناعتي .
.
صگر . البارحه ادحگ عليج انتي وتحجين وتفاجئت .بالي سمعتو ماتوقعت .
.
مي .صقر اني باحثه اجتماعيه .وناشطه بحقوق المرأه . يعني من واجبي ان اوكف ويه البنت وايضا من واجبي اقرا و احفظ القران مو مسأله دين اوشي وانما حتى اكدر اناقش واحجي . اشياء شرعيه وقانونيه . خصوصا اذا كانت تخص المسلمين الي بكندا .
صگر . عجل .المفروض انتي محاميه .
مي . اي عندي هيج مشروع ناويه ادرس قانون .
وع فكره البارحه الي حجيته اشياء عاديه ومتعمقت بالموضوع .
صگر . عجل لو تحجين شتسوين .
مي .تعرف اي عنف يصير ضد المرأه بكندا . تتحول الى قضيه رأي عام ومحكمه وهوسه تصير .
.
صگر .هاي كندا مو هنا بالعراق .
.
مي . اي هنا المرأه حقوقهه مهمشه .
.
صر . عجل هسه وين نروح .
.
مي . اخر محطه النه هي هذه المنطقه .
شوفتياله بالفون واني مشغله ال GPS
.
صگر . ول يابه وحك الله بعيده .
.
مي . صقر حباب بليز .
.
صگر .
انه بس تكول حباب لو حياة رواح بعد ماكدر احجي شي واسكت واسوي الي تريده . توجهنه بطريقنه ادحگ علیهه وهي كاعده تسولف وتصور وتسأل . وانه اجاوبهه . وناسي الوكت كلو وياها . ادحك ع حركات ايدهه من تحجي . ول يابه هالبنيه اخذت عگلي . جريت حسرة ورجعت افكر وهي تحجي
. انه بالي يمهه وهي بالهه وين مادري . ولا هي توالمني ولا انه ... طباعهه غير وانه غير . .
.
مي . صقر مو داحجي وياك .. (بصايح)
كنت احجي ويا واسأله بس هو يسوق ولا منتبه الي . صحتله التفت عليه .
.
صگر . يولي شبيج تصيحين . وحك الله راسي يوجعني
.
مي . تحب اساعدك بالسياقه .
.
صگر .
من كالت هيج التفتت عليهه و خزرتهه ..
.
مي . شبيك خزرتني احجي جديات . تره اعرف اسوق . وعندي سياره لعلمك . وكتلك هيج يعني اذا تشوف نفسك متأذي اساعدك .
.
صگر . مكتلج مشلول . كلت راسي يوجعني .
.
دربنه كان كلو صحراء . مشينه لا جليل دحگت سيارتين ورايه لون اسود . اهجس قلبي لزمني منهم .والطريق هين مو امان . انه صوجي وقبلت اجيبهه . دحكت ع مي . عينهه بالموبايل . صحت عليهه .
.
صگر . مي .
أنت تقرأ
بين الغرور والكبرياء .
Romanceتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
