بين الغرور والكبرياء .

بين الغرور والكبرياء ٤

الحلقه الرابعه .
بين الغرور والكبرياء .
.
✍روز علي .
.
ما اصدك تحبني اليحب ليش يروح
وليش بنص طريقه ويخلف بوعده .
مو هيج العشك خليني افهمك زين .
عقلك مافهم معنى العشك بعده .
اليحب ينتظر .  ويمووت حتى يعيش .
ما يترك حبيبه بنص الم وحده .
.

مسرة . شبي صگر عاگد حاجبو ومعاجبو العجب .
.
هديل . وانه شدراني . صگر ومزاجو ما ينعرف .
.
مسرة . ياربي شكد احبو لو بس يدحگ علي شوي ويشوفني جدامو . اخ يا خية لو تعرفين شيصير بيه من اشوفو اهجس روحي اسعفه وايتلاعب بيهه الهوا من اروح فدوة الطولو .
.
هديل . اثكلي يولي لا تروحين باحلامج زايد تراج ما تحصلين شي
.
مسرة . بلكي الله ويحس بيه .
.
هديل . االله يجفيج شر خبالو .
.
مسرة . يولي اااي خبال هذا . بعد حيلي من ادحگ عليه اذوب ابن الشيخ راح يموتني .
.
هديل . احشمي نفسج وخلي قيمه وقدر الهه اهم شي كرامتج .

مي
وصلنه للسوك نزلنه وهو بقه واكف والبنات بدن يشترن
.
نادية . اسمعن تاكللجن تراني ما اخذ غير الاحمر التكرب عليه اكطع ركبتهه .
.
سهام . وانه اموت من الاحمر .اخذ مشمشي .
.
.زينب . يول يا نادية انه هم اريدن الاحمر خلنه ناخذ نفس اللون انه وياج .
.
نادية لا والله ابد ما ارضه .
.
مسره . عجل انه راح اختار هذا الثوب .
.
زينب . اي اخذي حلو .

هديل. ارتاحي يا ناديه محد ياخذ الاحمر انه ثيابي كلهه حمر .  وانتي مي شتختارین .

دحگت ع مي بعيده واكفه وتاخذ صور للعالم دحگن دحگن شكاعد تسوي .
.
زینب . عوفیهه هاي مو بعالمنه 

مي .
جمال السوك وبساطته وطريقه تنظيمهم . شكد احب هيج متحملت ما اصور . خصوصا ضحكات الاطفال من احجي وياهم اخذت عدة لقطات التهيت ويه تصويري والبنات يشترن رحت يمهن .
.
ها بنات بشرو كملتو .
.
نادية . اي وامتانيج . ما تاخذين شي .
.
مي . مادري اشوف . التفتت لكيت محل معلك دشداشه مصريه عدله وقصيرة جوة الركبه بشويه واكمامهه للمعصم نازل منهه ليرات . الصدر مسبع ... لونهه ابيض ومخططه بالطول خطوط لون رصاصي وبيهن لمعه . كلش حبيتهه . اخذتهه .كتلهم بس هاي اشتري لان ما احتاج شي .
.
نادية . عجل خلونه نحدر ع سوك الجهال تانخلص منهم .
.
زينب . ياله هينه ماظل شي .
.

مي .
رحت وياهن السوك الاطفال هم اول مفتت بسوك الاطفال بلشت اصور . تقريب اكثر من ساعه هنه بسوك الاطفال . عفتهن ع راحتهن كملنه ورجعنه للسيارة صقر بعده واكف . منتجي ومسرة تمشي ويايه ويه هديل .
.
مسرة . اريد بيوم العرس اطلع احلى وحده بعينو .
.
هديل . هاي اذا دحگ عليج .
.
مسرة . يولي لا تغثيني .
.
هديل . انه ما غثج انه خايفه عليج عمن ماريدن قلبج ينكسر .
.
مي .
وصلنه للسياره صعدنه هو محجه شي الطريق كله ساكت الى ان وصلنه للبيت . نزلنه وهو افتر وطلع بالسياره فتنه للبيت بهوستنه وضحكنه .