بين الغرور والكبرياء .

بين الغرور والكبرياء ٩

الحلقه التاسعه .
.
✍ روز علي .
.
بين الغرور والكبرياء   .
.
لتنسون تتفاعلون وتصوتون .  لان هذه اكثر قصه تعبتني . #احبكم 😘❤.
.
هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر ........ انه لمحليها
ذكرياتك صارن ... الطف ويزيد
حيل اكرهك من يمر طاريها ..
.
مي
كعدت ع صوت المنبه . باوعت ساعه ٧ . كمت لميت شعري . وطبيت للحمام غسلت وغسلت ملابسي طلعت شريتهن وفتت للغرفه . مشطت شعري ولبست . بنطرون زيتوني وقميص لون بيجي . وحذاء كعب . بيج ..عفت شعري مفتوح . اخذت الجنطه والفون واخذت الكاميرا ونزلت . لكيت خاله ام صقر . كاعده وحدهه .وكدامهه طفل . وتسبح بالسبحه .
.
صباح الخير .
.
ام صگر . هلا يمه صباح النور .
.
مي . خالة وين صقر .
.
ام صگر . يمه بعد عيني صگر شحالو .
.
مي . ليش خالة .
.
ام صگر . حرمتو تعبت وراح عليهه ومتكاون ويه اهلهه . والمره هسه بالمستشفى بالعمليات .
.
مي . خطيه الله يشافيهه .
.
فتت للمطبخ ..لكيت ناديه تغسل مواعين ..وهديل تسوي ريوك وسهام تغسل الصبه .
.
صباح الخير بنات .
.
نادية . اصباح النور .

مي . هاي شنو الهوسه بره شكو  بالحديقه .
.
هديل . اليوم صبحة شهاب . والعالم معزومين ع الريوك . كيمر عرب
.
مي . زين انتو ليش هنا .  ناديه مو صبحة اخوج .
.
هديل . مالنه واهس .

مي . بنات خير شبيكم شو مو ع بعضكم .
.
نادية . مرت صگر شحالهه . مدخليهه للعمليات .
.
مي . ليش . هي شبيهه . شو  محد كال .
.
نادية . هي صار عدهه كطع بالحبل شوكي جزئي .يعني تكدر تتحرك شويه . البارحه باليل واكعه من الدرج . ومكادرة تتحرك . وموديهه للمستشفى . مدخليهه عمليه بسرعه . وصگر راح هو  ومحمد وحامد وعمي الشيخ ونص ولدنه . واهلهه متكاونين ويه صگر .
.
مي . وصقر شنو ذنبه شعليه .
.
نادية . دحگي .هي شلون صارت هيج .

عمي الشيخ وصگر جانو بفصل . ابوهه هداهه الصگر . مو فصلية وانما هدية .  وعمي الشيخ عدوان قبلهه . وبنفس اللحظه عقدولهم واجو ويه الشيخ عدوان .بقت ويا ٦ شهور و هي مرادتو وراحت الاهلهه ومن راحت رادت صگر يطلكهه وصگر وافق لان هو مجان هاويهه وطول عمرو جان يكول انه اله احب ياله اتزوج .. وهی اول حرمه تطلب الطلاك .  .
.
مي . اي وبعدين
.
ناديه . التطلك وهي بنت شيوخ . يكولون عدهه شي ويذبون الصوج ع البت وتصیر سالفه بحلوگ الوادم ‌  . اخوهه كتلهه وماقبل ع طلاكهه طلعت للشارع مهزومه منو  ..وداعمتهه سياره . ابو السياره من عشيرتنه . سوو كعده زلم وشيوخ وبيومهه جان صگر رايح بالفصل وعمي جان مريض كلش وتعبان فصلو ابو السياره ٥٠ مليون وصكر طيح الفصل لل ١٥ مليون .. وهمه تخبلو اخوتهه ومن يومهه زادت العداوة ومتحلفين الولدنه
وهي هالتشوفين حالتهه تبجي الصخر .

.مي . لعد اهلهه ليش متعاركين ويه صقر .
.
نادية . دحگي . من زمان وهمه مكاون ويه جدي . تدخلت شيوخ عشاير جثير حتى يحلون المشاكل . ومنحلت ومات جدي الله يرحمه . وصار بمكانه عمي عدوان . وبقت سنين الطلايب والثارات . اخو جدي الله يرحمه كتل واحد منم . ومن يومهه ناس تتكاون ويه ناس واستمرت لحد ما هدو خديجه الصگر . اخوانهه تفاجئو ومارضو لان يتخبلون من صگر والود ودهم يكتلو .
.
مي . اسم الله .