بين الغرور والكبرياء .

بين الغرور والكبرياء ٧

الحلقه السابعه .
.
✍ روز علي   .
.
بين الغرور والكبرياء .
.
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل.
.

مي .
تقدمت اني كدامه كلت خل اباركله .
.

هلو .
.
شهاب . يهلا و١٠٠ هلا  .. حي الله بنت عمي .  نور البيت يابه .
.
مي . هلو بيك .. والف مبروك وربي يوفقكم ان شاء الله

شهاب .  تسلمين بنت عمي الغالي .  عمي شلونه ان شاء الله بخير ..
.
مي . الحمد لله . يسلم عليكم .
.
______
.
الشيخ .   صگر   يابه خلهم يديرون العشا .تأخرو
.
صگر . تامر شيخ ..    ذياب كوم عزب وياهم دانفض بسرعه ..
.
ذياب .هيه كلهه براس ذياب .
.
صگر . .مو وگت  حجي

وكفت باب المطبخ واصيح .
.
يولن تهيرن فضنهه عاد .عليش هيج تأخرتن بالعشا . وين جنتن . ما تكولن ورانه وادم تريد عشا لو عكولجن وكفت
.
ام صگر . لا تعصب يبعد عيني وهدبهه  . 
.
صگر . وحك الله ما تخلن عگل بالراس . ماتحشمن زلم كاعدات كاضياتهه ضحك وسوالف .
.
زينب . اعصابك خويه . لا يصير بيك شي عجل ماتعرفهن .
.
صگر . ناوشيني مي يبس ريجي وحگ الحگ  .
.
زينب . مي من يمج من الثلاجه مي الصگر  .
.
مي .
طلعت مي من الثلاجه ودرت بكلاص . واخذته اله هو كان واكف بره المطبخ بالطرمه ويباوع ع الحديقه .  وصلت يمه .
.
صقر هذا المي .
.
صگر . ول يابه دحگت عليهه . وتصنمت بمكاني حتى كلاص المي ماكدرت اكظبو  وكع من ايدي وانكسر . هاي شطالعه وشلابسه
.
مي .
وكع الكلاص من ايده . ضحكت . وكتله .

اوكف لحظه هسه اجيبلك الثاني .  رحت ع السريع جبت كلاص مي ونطيته يشرب عينه عليه . نطاني الكلاص بأيدي .وحجه بهدوء
.
صگر . لا تطلعين هيج
.
مي . كتله . ماشي . مطالعه .  خزرني 
.
صگر . عجل انتي وين واكفه مو جدام الوادم
.
مي . اساسا راح افوت جوه .
.
صگر .
بقيت واكف بمكاني واتصفن .
.
شهاب . صگر . شبيك يول .
.
صگر . .مابية شي   شوكت تفوت تحنيهه .
.
شهاب . ماعرف  
.
صگر . عجل روح تهير لانو ماضل شي ويخلصون العشا .
.
شهاب . ماعندي شي  
.
صگر . خوش .
.
ذياب . الله يستر من وكفتكم .
.
صگر .هههههه . طول عمرك شكاك

ذياب . اشك بيكم تضمون علي سوالفكم  .
.
صگر .
فضينه العشا وتجمعنه .  صحت ع البنات .يولو انطونه درب  خلنه يمر
.
.
زينب . تفضل عريسنه. اكو درب 
.
صگر
فات شهاب وحدو يحنيهه  . وانه والربع  واكفيلو بره . ما طول جثير حناهه  وطلع واخذنا بسياراتنه ورحنه انتعلل بالمضيف .
.
نادية 
فضينه العشا  والحنه وكظبنه الماعين غسلناهه . وعكبهه التمينه بالهول كعدنه ضحك وسوالف وذيج التعلوله الزينه .لما رجعنه لبيوتنه وشمرنه ارواحنه كلمن بفراشو  من التعب  ماهجسنه اله الصبح . عاد كمنه غسلنه وتريكنه وكلمن كضبلو شغله
.
مي 
رجعت ميته تعب . بس الاهم ركزت بخلال كعدتي وياهن . انه بعض النساء والبنات الموجودات يجهلن هواي امور . هواي بنات اعمارهم مابين ال ٧سنوات وال ١٢ سنه  ماداخلات مدارس وبيهن الي واصلات متوسطه ومبطلات . . حبيت اقدم شي رغم امكانيتي القليله والبسيطه هنا .  اقدم شي حتى لو مجرد كلام . قررت . اسوي ندوة توعيه . خلال فترة وجودي هنا .  راح تكون مناقشه بيني وبينهم . مناقشه اجتماعيه . والي راح يساعدني بيهه اكيد صقر . .  صعدت الغرفتي مسحت المكياج  ونزعت العدسات .  بدلت ملابسي وتمددت بفراشي وافكر بأي طريقه ابدي . ومنين  .  وشلون .وخصوصا هنا منطقه ريفيه . .  . نمت اني وافكر 
.
كعدت ثاني يوم باوعت ع الساعه ٧ . كمت غسلت  وبدلت لبست .بجامه عاديه ونزلت لكيت البنات كاعدات يتريكن .
.
صباح الخير .
.
هديل . صباح النور . ع اولهه ..
.
مي . ماريد مجوعانه بس راح اخذ تفاحه .  صقر وين . اريده ضروري ضروي
.
سهام .  بحجرتو بعدو نايم . تالي الليل ياله ردو .
.
مي .ثانكس حب .
.
عفتهن وصعدت اركض . فتحت الباب وفتت للغرفه بدون حتى ما ادكهه . الغرفه جانت ضلمه وبارده .  . فتحت البرده وفتحت الشبابيك وكعدت يم راسه  واحجي  واكعد بي
.