بين الغرور والكبرياء .

بين الغرور والكبرياء ١٨

الحلقه الثامنه عشر .
.
✍روز علي .
.
بين الغرور والكبرياء .
.

تفكيري المتزايد بها
جعلني ك الميت الحي
يسير بلا روح
عقله شبه حي
جسده ميت بالكامل

لم اعد اكترث
لم ولن اصبح ما حلمتي به
لن اكون ما تمنيتيه
ولن اكون ما اردته لنفسي معكي
لهذا لم نجد ما تمنيناه 
.
.
١٨
كامن البنات  سعاد و ورود وهالة يجرن بيه ويريدن ينيمني ع الجربايه .  كنت اصيح ع بابا ودموعي تجري ليش بابا اصيح عليه ميسمعني وهو اذا اتأذه شويه يجي یرکض وخايف ويبقه يسأل بيه . بيج شي حاس بيج شي ..
معقولة بابا هسه مديحس بوجعي وبالاهانه الي صارتلي . نيمني البنات ع الجربايه . ولزمني من ايدي ورجلي واني اقاوم بيهن .   ندفعت الباب بقوة  وخرن البنات من يمي بسرعه .  كمت واني اشهك من البجي واحس روحي تريد تطلع رحت عليه وخليت راسي ع صدره وكمت ابجي بشهكات . ماعندي قوة ابقه واكفه كعدت بالكع ع ركبي واني مجلبه بأيده . وابجي اول مره احس بهيج انكسار اول مره احس بهيج ضعف .  خله ايده ع جتافي وكومني كعدني ع الجربايه . 
.
صگر .
.كعدت ع صوت صايح ركزت صوت مي تصيح بابا كمت مفزوع  لبست ملابسي  وطلعت دحگت ع غرفتهه هوسه كلهه بنات نسدت الباب وهنه ممنتبهات اني واكف جدامهن . صوتهه مو عاجبني رحت ع السريع فتحت الباب بقوة دحگت منیماتهه و مجلبات بيهه وعمتي ام شهاب . وربعنه البنات كلهن هنا . من شافني وخرن من يمهه كامت هي وجتي عليه خلت راسهه ع صدري وكامت تبجي گعدت بالگاع ع رکبهه جدامی حزتهه لو احرك الديره مايرفلي جفن .گومتهه کعدتهه ع دایر القریوله .   . صحت بصوت عالي .
.
صگر . هاي شديصير هنا .
.
ام شهاب . وانه شكو  امر عمك .
.
صگر . وشنو الي امر بي عمي .
.
ام شهاب .  لازم انعرف البت بيهه شي يو لا.

صگر . مابيهه شي الف مره كلت مابيهه شي .  واني حذرت الي يمسهه بكلمه . يحسب الله ما خلقو . والكلام موجه الجن هم الي تتعدى حدودهه ما تلوم اله نفسهه . ولا تعتبر نفسهه حرمه .
ويله حدرن لبيوتجن جدامي والي اشوفهه هنا احش رجولهه وحك الله . .خیالچن مارید المحو
.
دحگي علي . مي  لتخافين  رايح شويه واردلج .
.
مي . هزيت راسي اي .  راد يطلع صحت عليه .
.
مي .  صقر .
.
صگر.  يبعد اهلو .
.
مي .  بابا وين اريد اشوفه .
.
صگر .  مكدرت احجي واكللهه . رحت عليهه  دنجت بستهه من راسهه وطلعت . خانكتني العبره شلون  راح احجي واكللهه . نزلت لكيت امي كاعده باالهول .
.
يمه . عجل وين جنتي من صعدن ع مي . .

ام صگر .ييمه وانه اكدر الام شهاب .
والله مراح تعوف البت انه اكول لو تكطع مهر عليهه وتخليهه . لو تعوف ام شهاب تشوف شغلهه .   انسد حلك ام شهاب وعمك مزاحم .
.
صگر .  یمه هاي السالفه بعد لا تعيديهه .  مي مو غريبه بنت عمنه وعرضنه . عجل هيج حلوة من عمي وحرمتو يشهرون بيهه . 
.
ام صگر . ول یمه شبیدی انه ولا اگدر للسانهه .‌
.
صگر ‌‌.‌ عمي مزاحم انه الو .
.