بين الغرور والكبرياء .

بين الغرور والكبرياء ٢٠

✍روز علي .

.
الحلقه العشرون . 
.
بين الغرور والكبرياء . ٢٠.

.نهر طولك عذب صافي ويرد الروح
وأنه الميت عطش وبكطره ترويني
أكتبلك شعر وأسطرلك الأبيات
وانته بلا بخت بالفركة تجويني
قيس بعام واحد وتيبّس من الشوك
وآنه سنين مرّت ما غفت عيني
كلي شلون رايك والعمر محسوب
وجلمات الشماته تكول ناسيني
طلابه وي العشك وأيامي كلهن ليل
وشمس حبك ظلم من ما تضوّيني
كافي من العتب راح أختم الأبيات
وأحجيلك سطر بي كل عناويني مثلك ما شفت ولا رايد ولا ريد وأحبك موت عنوان لدواويني ...

______
مي ..
طلع صقر من الغرفه . بقت دموعي تجري فوك الي بيه يضربني راجدي . متوقعت ابد انه توصل بي يمد ايده عليه .  عمري كله محد مد ايده عليه لا بابا ولا ماما الله يرحمهم يجي صقر هسه يمد ايده عليه .  ليش هيج يشوفني وحيده وما الي ظهر . كمت اخذت ملابس وفتت للحمام  اخذت علاكه الادويه ويايه . غسلت وطلعت  . كملت باقي العلاج . صرت احس نار وتشتعل بيه متوقعت هيج يحرك  . اني واخلي بالمرهم دموعي تنزل كسر كبير بالنسبه الي .  صح اني عايشه بالخارج وصح كانت عندي  مطلق الحريه . بس بابا كان معلمني كيف احافظ ع نفسي كان معلمني المبادى الصحيحه كان يعلمني شلون ما امشي وره محرماتهم عمري كله متجاوزت الحد . تمددت بفراشي .  واسترجع ذكرياتي ويه بابا وماما وحياتي وياهم شلون جانت حلوة بين الكاعدة والنايمه  .باوعت باباواكف بصفي ويمسح بايده على راسي  . وماما واكفه بصفه . وتباوعلي بأبتسامه .احجي ويا ميجاوبني .
.
بابا حبيبي وينك . وين رحت .
.
دنج  عليه باس راسي  وكال انتي بأيد امينه . واخذ ماما  وراح . شكد صيحت عليه ميجاوبني ولا التفت . .
.
فزيت من نومي . صرت ابجي بقوة . واصيح على بابا وماما ليش عفتوني . 
.
يمكن تكولون اي شخص من تموت امه . فعلا يصير يتيم . واليتم يتم الام مو يتم الاب .  ليش اني احس العكس . رغم من ماتت ماما هم تأذيت . بس محسيت بانكسار . كنت احس بابا بظهري . ليش من بابا راح  احس الدنيا كلهه تريد تاكلني . الدنيا كلهه ترید  تکسرني .  . واصعب شي من تنكسر البنيه ومتحس اكو من يحميهه . باوعت ع الساعه ب ٧ الصبح .  كمت غسلت ولبست اسود ونزلت بعيون ممليه قهر وخذلان ممليه دموع .  نزلت كعدت يمهم . ومحجيت شي . شحجي واني حتى عزا بابا محظرته . كعدت  ع الكرويت وصفنه تجيبني وصفنه توديني وافكر بحلم بابا .   حسيت  خالة ام صقر تمسح ع شعري .  رفعت الهه راسي ودموعي بعيني  كتلهه .

ها خالة تمسحين ع شعري . تعرفين تيتمت
.من بعد بابا مو . 
.
محجت ويايه .  مسحت دموعه ودنجت باستني من راسي  وراحت ..  بعد ذيج  القوة  . ضعف وانكسار وخذلان والم وطعن وقهر  كلهه حسيت بيهه . .

صح بنات عمي هم ابوهن انقتل  لكن عدهن اخوه . وسند . و  يكفي انه هنه ودعن ابوهن وحظرن بعزائه .بس اني لا شفته و لا ودعته . ولا حجيت ويا ولا عاتبته .كل هذا يترك حزة بروحي ويترك كسر .
.
كمت من الصاله . وطلعت بالحديقه .   فاتن عماتي  كلهن  للحديقه  شافني كامن يدكن ويلطمن وينعن . اجن بوسني واخذن من خاطري  .  وراحن يم خالتي ام صقر . . وره مراحن جتي مسره كعدت يمي .
.
مسره . البقيه بحياتج .
.
مي . حياتج الباقيه .  .
.
كنت احجي وياها واني مدنجه ..
.
مسرة .  مي . صدك الشيخ صگر  راح يكطع مهر عليج .
.
مي .  شيخ ؟؟ .
.
مسرة . عجل مو هو صار الشيخ من بعد عمي عدوان الله يرحمو .
.
مي . ها بالخير عليه . اي شكلتي .
.
مسره . يكطع مهر عليج .
.
مي . منو كلج .
.
مسرة .  عمي مزاحم . حاجي الابويه . .
.
مي . لا هذا اكيد اتخبل رسمي . 
.
عفت مسره ومشيت بركضه صعدت للغرفه . عليه فتحت الباب بدون ما ادكهه كان كاعد بفراشه ويخابر بالفون . بقيت واكفه الى ان كمل مكالمته .
.
_____
.
صگر  .
نايم وهجست الموبايل يدك كمت من فراشي دحگت شهاب   
.
الو ها يول من الصبح شبيك .
.
شهاب . انت وين .
.
صگر . بالبيت .
.
شهاب . هسه تجي للمركز .
.
صگر . ليش .
.
شهاب . عجل شلون تعرف ليش انكتل ابوك وعمي . وليش هيج سووو بمي .
.
صگر . جاي .