بين الغرور والكبرياء .

بين الغرور والكبرياء ٢٤

✍روز علي .
.
الحلقه . الرابعه والعشرون
.
بين الغرور والكبرياء ٢٤
.
الدّنيا مو دنية عشك يبن الحلال
لا تخلّينه بمحبتك ننجبر
أنت ابن العافية وابن الدّلال
واحنا ولد الموت ربّانا الفقر
بينه وبينك فرق كلش جبير
وما نكول أسباب كلّ هذا الفرق
وما نكمل السّالفة لحد الأخير
أمن الأساس ويّاك مسدودة الطّرق
ويّاك ما نرهم وما ترهم محال
ويّانا ما تكدر تدوم وتستمرّ
وياهو كلّك بالسّهل درب الوّصال
وأنت تدري دروبنا مورثة جمر.
.
. ٢٤
صگر ‌

خلال هذا الشهر . تعمدت ما اشوف مي هواي رغم هواي مشتاكلهه . وحتى اذا شفتهه مجرد لمحه
اليوم حنه خيتي هديل . اجو ذياب وعمامي طلبوهه مني ومن اخوتي وافقنه . لان منلكه احسن من ذياب . ذياب رجال واخو خيته وحزام ينشد بي الضهر . كطعنالهم مهر واليوم حنتهم .

رجعت من دوامي . وطبيت للحمام . سبحت ولبست دشداشه كحلي والشماغ والعكال لبست ساعتي و اخذت السبحه ولبست الشحاطه . رشيت عطري ونزلت . جان بيتنه مخبوص وكلو جهال طلعت العالم ملتمه . بالحديقه وبالكراج الزلم . والنسوان بالبيت .

عشينه . الوادم بالكراج وبالمضيف كملو العشا . دزيت خبر للبيت كتلهم تهيرو راح يفوت يحنيهه . سوو طريق . وطبيت بس انه وذياب وعمامي ورايه . فات ذياب مدنج راسو . ادحگ مي كاعده بصف هديل . بس مي لبسهه بخبال ولا متحشمه . اهجس جهنم اشتعلت بداخلي شنو كدام ذياب هيج لابسه كامت تحجي ويه ذياب وتضحك . وتحجي ويه هديل . واكف جدامهم وافر بالسبحه بايدي . اريدهه تدحك علي . رفعت عينهه علي اشرتلهه بايدي تعاي .مهتمت رجعت تضحك وياهم . صارت عينهه علي مره لخ اشرتلهه امشي . مشيت جدامهه وصعدت وهي صعدت ورايه . طبيت الغرفتهه وسديت الباب وراهه وقفلتهه .
.

مي .
باوعت ع صقر عيونه دم وخازرني ويفر بالسبحه . عرفته معصب اشرلي تعاي . تجاهلته رجعت رفعت عيني عليه اشرلي براسه مره ثانيه حجيت ويه هديل .
.
باوعي ع اخوج . يآشرلي يكلي تعاي . (احجي و سمعني ذياب ) .
.

.ذياب . عجل ابن عمي شايغه روحو .من وراج .
.
مي . ههههه يستاهل .
.
هديل . كومي يول روحي شوفي .
.

مي . رايحه مو علمود شي بس اخاف يجي يجرني من نص العالم . .
.
كمت وصعد هو كدامي وصعدت اني ورا . فات الغرفتي وفتت اني بسرعه قفل الباب .
.
مي . ليش صحتلي
.
صگر . عجل اعوفج بهذا لبسج بين الوادم شنو شفتيني مكرن .
.
مي . بس ع فكره اني مطلعت بي وثانيا كلهه بنات ونسوان . وثالثا محد غريب .
.
صگر . وذياب شنو حرمه بعينج .
.
مي . لا بس ذياب ابن عمي . وعادي مثل ما اني هسه واكفه كدامك وعادي .
.
صگر .
ضوجتني بهاي الكلمه . تكلطت عليهه . وصارت تفصلنه سانتيمات قليله . وحچیت

عجل انه وذياب واحد .
.
مي . (صفتت بعيونه . ) لا مو قصدي .
.
صگر . عجل شنو قصدج .
.
مي . ذياب وباقي ولد عمي اخوتي مو اكثر .
.
صگر . وانه . .
.
مي . شنو انت .
.
صگر .
تمشيت خطوات ابتعدت عنهه ..
.
انه وياج باقين هنا لما تخلص الحنه وباجر اذا تلبسين هيج لبس . احبسج بالغرفه وحدج . واضح كلامي (بهدوء وحده )