بين الغرور والكبرياء .

بین الغرور والكبرياء ٥

الحلقة الخامسه .
.
بین الغرور والكبرياء .
.
✍روز علي   .

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه..
.

فتت الغرفتي  كعدت امشط شعري باوعت ع الساعه ب٨ فتحت الحاسبه وبديت اكتب مقدمه التقرير . نزلت الصور من الكاميرا للابتوب  بحثت عن الموقع الي اريد ابلش بي  اخذت فكره عنه .  سديت اللاب ونظفت العدسات مالت الكاميرا  . بقيت اشتغل لحد ما صارت ساعه ١٠ . كمت غسلت وخليت مرطبات ونمت . كعدت ثاني يوم الصبح ب ٨  غسلت وشسورت شعري عدل . ورفعته ذيل وطلعت خصل جانبيه . لبست بدي نص ردان اصفر وبي كتابه انكلش . وستره سودة صيفيه رفعت اكمامهه للمعصم . وبنطرون اسود  وحذاء كعب اصفر . اخذت الكاميرا علكتهه بكتفي . وشلت فوني والجنطه خليت بيهه شغلات احتاجهه  ونزلت . لكيتهم . كاعدين بالهول . عمي ومرت عمي وصقر وحامد .
.
صباح الخير .
.
الشيخ . هلا وچثير الهلا . یاهلا بوجه السعد
.
مي . هلو عمو . رحت عليه بوسته . 
.
حامد . هلا بنت العم .  على خير .
.
ام صگر . صباح الخير يمه .
.
مي . فدوه القلبچ خاله والله یا حامد  ان شاء الله اليوم ابلش بالتقرير .
.
الشيخ .  اي عجل صگر جاهز .
.
ام صگر . يمه ماتريدين ريوك .
.
مي . لا خالة ما اشتهي . اكل بعدين .
.
طلع صقر كدامي واني طلعت ورا .  صعد سيارته  ومحجه ويايه اي كلمه اني هم صعدت بدون ما احجي . طلعت نظارتي الشمسيه من الجنطه ولبستهه . التفتت عليه .
.
عندك امكانيه انه تشرحلي ع االموقع الي نروحله .
.
صگر . وانتي شتشوفين .
.
مي . نتفائل بالخير .

ياله نبلش باقرب نقطه   .
.
بلشنه بطريقنه . وكان صقر يحجيلي على كل فرع وشارع نمر بي . وكيف هاي المنطقه الي نمشي بيهه  هي من ظمن المناطق الي بقت صامده امام داعش  الى اخر انفاسهه .. هواي صورت اماكن بيهه . كنت اني واصور ويحجيلي صقر . دموعي تجري . كانت بعض الشوارع والبيوت خراب . والبعض الاخر بادين في بنائهه والبعض راجعه مثل الاول  واحسن . كلش حبيت اصرارهم ع الحياة رغم الي شافو .   
.وكفنه كدام جامع كان كلش كبير وضخم . حبيت التفاصيل الخارجيه الي بي . ردت انزل من السياره مقبل صقر .
.
صگر . يول وين نازله انتي وهذه ثيابج .

مي :. صقر لازم اصور هذا شغلي .
.
صگر . دخيل الله ايمته يخلص هاليوم . حتى ريكي يبس .
.
مي . اي كول عطشان . عشتو
.
فتحت جنطتي اليدويه كان بيهه ترمز مي صغير . والمي ثلج بي . مديته اله .
.
صگر .
كظبته من ايدهه   واشرب واني ادحگ عليهه .  مديته الهه . هي شربت ورجعته بجنطتهه 
.
نزلت من السياره  .وكفت بنص الدرب ومتوخصره وتدحگ يمنه ويسره . .
.
دخيل الله صعدي عاد ذبحتيني ذبح  داتنكط سم من الحر متحسين نشويت انه .
.
مي .
صورت الجامع   من الخارج وصورت . مدرسه قريبه منه بس كانت تعبانه ويحتاج الهه تعمير .  رجعت للسياره . صعدت وسديت الباب وهو شغل  ومشينه اني نزعت الستره . متت حر . اباوع على ملابسي صارت كلهه تراب . التفت عليه .
.
صگر . ول يابه وين تصلختي بنص الشارع . رجعي ثيابج عليج .
.
مي . تره لابسه يعني مو فد مره تسويهه عاد .  سكت  هو محجه بعد بس كام يتأفأف . طلعت كريم واقي من الجنطه وخليت الايدي . والرقبتي .  . رجعت طلعت . نستله . فتحتهه نطيته نص واني اكلت نص . 
.
صكر . شهالجنطه هاي  جاية و معبيه بيهه
.
مي .  اني من اطلع هيج . لازم نساتل  جكليت سمسم . هاي الشغلات كلهه . كنت اطلع اكل نص وانطي نص .
.