بين الغرور والكبرياء .

بين الغرور والكبرياء ٢٢

✍روز علي .
.
الحلقه . الثانيه والعشرون
.
بين الغرور والكبرياء ٢٢
.
كون ألكاك وأشكيلك على جروحي
ألكيت الغشمة بيها تروف
وكون ألكاك وأبجيلك
وأسوّي خدودي سبّورة ودمعتي حروف
وكون ألكاك وأحجيلك
بكتاب السّنين إنحذف كلشي الجان
بس اسمك لكيته الباقي ما محذوف
وأذكرك من مسحت دموعي بآخر يوم
على خدودي أحسّ لهسّه طبع إجفوف
وكون إتشوف إعيوني مضيف تصير وكت النّوم
وهلبت بلحلم لنّك تجينه ضيوف
كون أتشوف حالي شكد إلك ملهوف

٢٢
ليش هيج دتسوي نطيني سبب واحد . (بصايح) .
.
صگر .  ماريد اسمع حسج . 
.
مي .  والله اذا متحجي هسه اشمر نفسي من السياره ليش هيج دتسوي ويايه .

كنت احجي وهو ولا مهتم .  ولا عبالك اني موجوده . فتحت باب السياره وصحت .
.
مي .والله اله اشمر روحي .  . (بصايح)
.

صگر .
تخبلت من شفتهه فتحت باب السياره . كضبت ايدهه وشحطت السياره وكفتهه .  حزتهه  مادري شلون كتلهه هيج . بدون ما اهجس بروحي . اهجس روحي نار واحجي بعصبيه وصايح .
.
صكر . يول عمن اعشكج ..عمن احبج وماريد تردين . عمن رايدج يمي  والي وجدام عيوني .
.
مي . بقيت متصنمه بمكاني . سحبت ايدي منه . 
وسديت باب السياره بهدوء . اخذت نفس عميق وحجيت .

والي يحب ميأذي . الي يحب يهمه راحه حبيبه ..صقر .

.اني ما اكدر اعيش هنا .  ما اتحمل وجودي بهذا المكان .  هذا المكان اذاني واخذ اغلى شي مني .  اخذ اعز شي عندي بابا .
.

صگر .  لزمت ايدهه بأيدي الثنين .
.
ول يابه انه ابوج . 
.
مي . لا انت مو ابويه . انت ابن عمي  وبس . 
.
صگر . ((دحكت عليهه .بخزرة ))
.
وبس ..
.
مي . اي ابن عمي وبس .  .
.
صگر . ((سحبت ايدي منهه)) . 

عجل  هاهيه براحتج . .
.
اخر مره اسألج .  تظلين لو تردين الديرتج .
.
مي . ارجع الكندا .
.
صگر .  صار  

مي . وصلني المؤيد .  واني راح اخابره اشوفه وين .

☎️☎️☎️☎️
مؤيد .  ها مي .

مي . اوكف حباب لتروح . راجعتلك . 
.
مؤيد . ها والله ..  ياله واكف .
.
مي .
بقه ساكت محجه شي الى ان وصلنه المؤيد .  نزلت اني ونزلت الجنطه . وهو ولا هامه ولا يمه الموضوع جريت نفس عميق . ومشيت خطواتي للسياره . قلبي يكلي لتعوفي وتروحين  هذا صقر الي قلبج نبض اول نبضات الحب اله لكن للاسف ماكدر اعيش ويا .  ولا اكدر اعيش هنا . قلبي يكول شي وعقلي يكلي رجعي احسن الج . صعدت سيارة مؤيد . ومشينه التفتت هو حرك سيارته ورجع . ..
.

صگر . عفتهه واني اهجس قلبي ممرود .من كلمتهه .  حددت انه شنو بالنسبه الهه ابن عمهه وبس ضليت الوم بنفسي ليش اعترفت الهه شجاني . اهجس روحي نزلت من قيمتي كلت بعد يمي لو تنصبين من ذهب جدامي ما اتكبلج .
.
رديت للبيت . لكيت البنوات مشلهات ويطبخن . تلكاني حامد .
.
حامد . ها يخوي وينك . الشيوخ والربع كلهه بالمظيف .