احببتها منذ الصغر ❤❤❤

الفصل الرابع

مشن الايام و جت عطلت نص السنه و قرر الحاج محمد يطلعهم زرده كلهم ولاده و احفاده بيش يغيرلهم جوهم ، كان عنده مزرعه ما شاء الله عليها واسعه و كبيره فيها من كل ما يسمي فمك من فواكه و خضره هاذا غير المواشي من معيز على سعي على بقر على بل هذا غير جداول القضب و القصيبه و الشعير و القمح ، من الاخير مزرعه تبارك الرحمن ، في وسطها حوش على دورين فيه كل شي ، كان كل ما حد يبي يوسع خاطره يعطيه مفتاح المزرعه و يكلم في النيجيري يمشي يدور وين يقعد ما بين ما الجماعه يكملو تزريدهم .
يوم الزرده :
حوش عمر :
كميله : هي نوضو انت و ياها و ياه و ياها و ياها .
علي من دارهم : نااايض من الفجر اني 😄😄😄😄 .
محمد : هي هي نضت و حييي اليوم زرده 😂😂😂 .
سليمه : 😪😪😪😪 .
جاها علي 😈😈😈😈 .
خدي ورقه صغيره و لفها و بدا يدخللها فيها في ودنها و في خشمها بالشوي بيش تحسابها دبانه . 😂😂😂😂😂
سليمه تهش بيدها و مغمضه عيونها: اشششش شن هالهم.
علي يضحك بدون صوت و محصل عليها جو هههههه و زاد يبربش اكثر .
سليمه ناضت و عيونها مغمضات و قعمزت عالسرير 😴😴😴 : تي امشي شن هالدبان على صبح ربي .
علي يضحك بدون صوت زاد دكلها الورقه في ودنها .
سليمه افففف و فتحت عيونها و تلفتت عاليسار و تلقاه علي يشبحلها و يضحك 😂😂😂😂 .
سليمه : 😠😠😠😠😠😡😡😡😡 يا كلبببببب تو نورييييك باهي .
علي 😂😂😂😂😂 🏃🏃🏃 : نوضي وقت عالزرده .
سليمه ناضت خشت للحمام و خبطاته بقوتها لين امها سمعاته .
كميله : خيرها هالفرخه نايضه بالريح و المطر .
علي 😂😂😂😂😂 : اني نوضتها بالورقه .
كميله : شن درت يا فرخ 😑😑😑😑 .
علي قرب من امه و داره في ودنها : درت هكي 😂😂😂😂 .
كميله : اقلب وجهك يا قرد 😡😡😡 .
علي 😂😂😂😂😂😂 .
جن الفرخات يتكركبن : ماما نبو فطول .
كميله : حاااضر بنياتي السمحات .
دارتلهن كميله الفطور و كملو توتا روحهم و انطلقو لحوش جدهم .
نمشو لحوش أحمد :
عليا هي نوض يا عبدو و نوض خوتك .
عبدالرحمن : هي حاضر .
عبدالرحمن ناض و نوض خوه خالد: خلوده نوض هي بيش تمشو للزرده مع حوش جدي و حوش عمي .
خالد: 😴😴😴 باهي عبدو سويه بس .
عبدالرحمن : تنوض نعطيك شكلاطه .
خالد فززز من سريره : ستلاطه هاتها 😍😍😍 .
عبدالرحمن امشي تبدلك امي و تاخدها من عيوني .
خالد مشي يتكعبر لامه : ماما ناضيت .
عليا : سلم بطلي السمح هي خش للحمام تو نجيك .
عبدالرحمن مشي لوخيته : حنونه يا حنونه يا وجه الليمونه صفره و صغيرونه .😂😂😂😂
حنان : نعم 😴😴 .
عبدالرحمن : هي نوضي بيش توتي روحك و تمشي للزرده مع حوش جدي و حوش عمي .
حنين قعمزت : هي نضت ، عبدو بنسالك منكش ماشي انت مالا 😓😓 .
عبدالرحمن 😔😔😔 : ما نقدرش يا حنونه عندي عمل .
حنان 😔😔😔😔 : بس هي الزرده مش ديما مره في كل كم شهر .
عبدالرحمن 😢😢😢😢 : الله غالب شن بندير هي .
حنان ناضت طلعت و عبدالرحمن بدا يبكي ، وجعه حاله مش زي الصغار الثانيين ، حتى زردت العيله بتمشي عليه بس فكر فيها انه ربي رح يعوضه خير لانه واقف مع بوه ؛ هو صح صغير في العمر بس عقله يوزن بلاد ، و حنيته كبيره على اهله ، صح ماكانوش خوته يحسو بحنيته عليهم بس مش منه كان يوم كامل عمل و نهاية اليوم يروح منتهي يرقد طول و هما ما يندروش انه هو قايم الحوش على كتوفه مع بوه .
احمد جاب خبزه ساخنه و قعمزو يفطرو كلهم الا عبدالرحمن .
احمد : وين عبدالرحمن ما يجي يفطر .
حنان : قاعد في الدار 😔😔😔 .
احمد : ليش ما وتاش روحه ما يبيش يمشي و لا شنو .
حنان : قال ما نقدرش عندي عمل .
احمد ناض و مشي لدار عبدالرحمن خش عليه لقاه يبكي .
عبدالرحمن بعد شاف بوه بدا يمسح في دموعه .
احمد : جي لولده و تعنقه ما تبكيش سلم ولدي و سامحني بالله عليك كله مني ، ضيعت طفولتك في الخدمه ، حتى قرايتك سيبتها على خاطر الحوش .
عبدالرحمن تعنق بوه و بدا يشهق : بوي انتم عيلتي نخليكم هكي و لا نشحتو من الناس اني راضي باللي اني فيه و ربي رح يعوضني لاني نبر فيكم .
احمد مسح دموع ولده و قعد يهدي فيه لين سكت : هي نوض وتي روحك بيش تمشي معانا .
عبدالرحمن : ما نقدرش يا بوي و العمل ، الراجل يحسبلي باليوم و اليوم اللي نغيب فيه خصم .
احمد : اسسسس و فكر في روحك حتى شويه و تو نتصل بيه ناخدلك اذن منه .
عبدالرحمن فرح و تعنق بوه بزياده : ربي يحفظك لينا يا غالي .
احمد باس راس ولده : و يحفظك ليا يا سندي ، فعلا جبت راجل و عرفت نربي .
كملو توتا روحهم و طلعو لحوش جدهم .
تلاقو العيلتين عند جدهم .
طلعو للمزرعه و فرحانين و جوهم سمح وصلو بدو ينزلو في دبش الزرده .
الكناين خشن يضمن شوي في الحوش و مسحنه بيش يقعمزو فيه و بعدها بدو يوتو في الفطور و الصغار طووول اول ما نزلو مشو يجرو للمزرعه يدهورو فيها .
احمد : ردو بالكم اتباعدو خليكم قريب .
الصغار كلهم : حاضر .
و بدو يلعبو و جوهم سمح مره يمشو لشجر الفواكه يلعبو تحتهن مره يمشو للدواب يناشبوهن و كل مره يديرو حاجه .
وتن الكنات الفطور و نادن الحاج محمد و عمر و احمد بيش يفطرو و بعدها ناضت كميله تدور في الصغار نادتهم و جو يجارو و بدت تدير معاهم في سباق حتى هي .
فطرو و قعمزو شوي يهدرزو و العزوز تهدرزلهم زمان كيف شرو الوطا و كيف زرعها الشيباني بيديه و كيف كانت تساعد فيه ، تحكيلهم على ايام زمان و قديش ما كان شر .
الصغار طلعو و جابو الكوره و بدو يلعبو قريب من الجابيه و ماكانش حداهم حد كبير ، طبوها و تطيح في وسط الجابيه .
كلهم : حيييي من بيجيبها توا .
الجابيه كانت فاضيه مفرغين الميه منها قبلها بليله بيش ما يغرقش فيها حد من الصغار .
قعدو يزربزو من يجيبها توا هي .
علي : اني نجيبها غطو عليا بيش ما يشبحونيش .
ركب عالحاشيه متع الجابيه و بينزل بالشوي لان فيها دروج و كانن مبلولات شوي يزلق و يطيح في وسطها 😫😫😫 ، شافوه الصغار و بدو يعيطو فاتو يجرو للحاج عمر .
الصغار يبكو : عمي عمر بابا راهو علي .
عمر : تي غير بالشوي فهموني واحد بس يدوي خيره علي .
سليمه 😢😢😢😢 : بابا نلعبو طاحت الكوره في الجابيه علي مشي بيجيبها  زلق و طاح من فوق في وسط الجابيه .
عمر 😨😨😨 فات يجري بيطلع ولده نزله لقاه منكفخ وشاد رجله و يبكي .
عمر : بسم الله عليك ليش ما قلت راهو جبناهلكم .
علي 😭😭😭😭😭 .
جابه للحوش و حطه عالوطا و بدا يشوفله في رجله جاب رباط فك و لفله رجله طلعت ملويه بس ما فيهاش كسر لا شي .
قعد مقعمز و الصغار حداه معاش قدر يلعب معاهم و قاللهم نوضو العبو ، بس ما بوش يسمعوه و قعدو مقعمزين حداه و يهدرزو و يغيروله في جوه .
سليمه : تخيلو اني اللي ركبت نجيبها راهو تكسرت يا ناري عليا .
علي : لا لا انتي دبه تو تمتصي الصدمه بالشحم 😂😂😂😂😂 .
كلهم قعدو يضحكو 😂😂😂😂 .
سليمه 😡😡😡😡 : تستاهل اصلا كله من طولت لسانك ربي جازاك .
علي : تي نبصر يا درهوبه قديش عندنا سلومه احني .
قعدو يهدرزو بعدها جي وقت الغدي تغدو و خشو داخل للحوش لانه القايله شمس حاره .
الصغار جابو معاهم الاتاري و بدو يلعبو كلهم .
اما الكبار خشو قيلو لانهم تعبو من الصبح و هما يدهكو .
اذن العصر و صلو جماعه صلى بيهم الحاج محمد .
و بعدها الصغار بدو يلعبو على طلع معاهم و وقف في المرمى حارس و مشي الجو حلو و تم النهار و روحو منتهيين يلي هاذا خش للسرير و طووول 😪😪😪😪 ؛ طبعا عبدالرحمن فرح واجد بالزرده و تغير جوه .
مشن الايام و الشهور و السنين و ولاد العم يكبرو و حبهم يكبر و العيلتين مترابطات .
يتبع....