احببتها منذ الصغر ❤❤❤

الفصل الثامن

مشت العشيه و البنات مشنها ضحك و سهوكه و لعب جي الليل و سليمه بتنفذ مقلبها في حنان هي و سعاد و قررت تستعين بالتوأم 😂😂😂😂 .
سليمه: فهمتن شن تديرن و لا .
سهام و مرام : اكيييد 😈 .
سليمه: تمام هي سعوده تعالي معاي للجنان .
سعاد : هي  .
سهام و مرام مشن يجرن لحنان اللي كانت في الدار تبدل في دبشها بعد دوشت : حنونه حنونه تعالي معانا بسرعه بسرعه .
حنان فتحت بسرعه : خيركن شن في .
سهام و مرام : بسرعه بسرعه تعالي معانا سليمه طاحت في الجنان و رجلها دممم .
حنان : شنوووو و خيركن ما خبرتن امي و لا خالتي .
سهام و مرام : تي لا تو يعاركوها هيا مش عندك خلفية عالاسعافات الاوليه .
حنان : اييي هي هي ، مشت تجري جابت العده و طلعت تجري ما لقت حد و الجنان كان مظلم قعدت تمشي بالشويه بدت تسمع في صوت تخربيش من حدا النخله انخلعت قعدت تقول من انت .
زاد صوت التخربيش و تسكر الباب متع الجنان .
حنان انخلعت و قعدت تجري بتخش من الجهه التانيه بس لقت الباب الفاصل مسكر حتى هو ، قعدت ترعش في مكانها و خلاص لا قدرت تصيح لا قدرت تدير شي .
طلعت سليمه و سعاد : ههههههههه و ربي جو عليك .
حنان : 😭😭😭😭😭😭😭 .
سليمه : حنونه 😔 .
حنان : اسس 😭😭😭😭😭 .
سعاد : تي خيرك نبصرو .
التوأم فتحو الباب و هما يضحكو جو لحنان لقوها مخلوعه و تبكي و خلاص .
سهام 😨 : حنونه خيرك نبصرو اهدي حبيبتي .
حنان : 😭😭😭😭😭 .
سعاد 😑 : عليك دلع تبصر و ما تحملش البصاره .
مرام : ترا سكري فمك ما تشوفيش في البنت شن صاير فيها.
حنان مشت تجري خشت الداخل و هي تبكي .
سليمه : يا شوقني و خلاص .
سعاد : حتى هي تبصر يا تحمل البصاره يا تهني روحها بكل .
سهام : تو بتسكري و لا لا ، تاني شي ما بصرتش هكي ؛ البنت ترعش مع بعضها و انتي تقطفي .
سعاد : بالشوي عليك تعالي اضربيني خير .
مرام : ايه و تكسرلك وجهك زياده هي سكري هي .
سليمه : ساااااااد انتي و ياها ساااااد و هي خشو قدامي .
كلهم سكتو و خشو الداخل .
اما حنان مشت للدار اللي يرقدو فيها سكرت على روحها و قعدت تبكي و خلاص .
بعد نص ساعه كانو مقعمزين مع بعضهم و يهدرزو طلعت حنان من الدار خشت للحمام توضت و صلت و طلعت .
سليمه تشبحلها بمعنى اسفه ، بس حنان ما عبرتش حد بكل قعمزت جنب امها و قعدت ساكته .

فاطمة خالت حنان : حنونه خيرك كانك باكيه .
حنان : لا لا خويله غير مسيت عيوني و يديا فيهم غبار .
فاطمة : من وين بيجيك الغبار .
حنان : كنت نكنس في الجنان بره .
فاطمه : الله يهديك شن تكنسي في عقاب هالليل و احني كل صبح نحوسو عليه الجنان .
حنان : هههه اهو كسدت قلت ندير شي .
فاطمه : يعطيك الصحه .
حنان : الله يسلمك .
عليا شبحت لبنتها بمعنى مش مصدقتك و بعدين تحكيلي شن صاير بالزبط .
مشت الليله عادي و حنان ما بتش تعطي البنات وجه بكل .
اليوم اللي بعده :
كميله : هي نوضي انتي و ياها نوووضي الفجر من بكري اذن .
سليمه : هي حاضر نضت .
حنان ناضت بدون و لا كلمه اما سعاد تنخط ما تبيش تنوض .
سليمه مشت ورا حنان و قعدت تنادي فيها و هي و لا رد .
سليمه : حنونه بالله عليك ردي عليا .
حنان وقفت .
سليمه : و الله بصاره و الله بصاره هي .
حنان : مش هكي البصاره قريب قتلتيني حرام عليك شن درتلك اني بس ، 😭😭 .
سليمه تعنقتها : خلاص حنونه و الله العظيم ما قصدي يصيرلك هكي هي .
حنان 😭 : جايه نجري خايفه عليك قالولي طايحه و انتي تقدري تداويها و لما نوصل تديري فيا هكي .
سليمه : اسفه و الله معاد تعاود سامحيني بالله عليك .
حنان 😭😭😭😭 .
سليمه تعنقت حنان : خلاص وخيتي الصغيرونه خلاص اسسس .
حنان هدت شوي و قعدت ترشف .
سليمه : هي حبيبتي خشي و توضي بيش تصلي الفجر و ترتاحي .
حنان : حاضر هي .
بعد صلو وتو الفطور ليهم و للولاد و سعاد ما تبيش تنوض مالقوش الا حنان ترفعه ، مشت حنان و هي قريب تدوخ من الحشمه و صلت للمربوعه اللي فيها ولاد خالتها و خالد خوها طقت الباب فتح هيثم .
هيثم 😍 : بنت خالتي السمحه .
حنان 😳 : تفضل الفطور .
هيثم : سلم دياتك يعطيك الصحه .
حنان 😳 عطاته السفره و فاتت تجري ، وقفت قدام الباب الخلفي متع المطبخ و قلبها بيطلع .
حنان : شن صارلي اني خيرني نرعش مع بعضي 😖 .
خشت و فطرت و هي وجهها احمر زي الطماطم ، امها لاحظت عليها بس ما بتش تقوللها شي توا خلتها على راحتها لين تتسفرد بيها .
نمشو لعلي شويه .
علي : تعرف يا احميده مستاحش اهلي و نخمم عليهم و مش طايق صبر نروح .
احمد : ربي يفرج عليوه و ييسر و ترجعلهم سالم غانم .
علي : امين يا رب ، و انت مش مستاحشهم .
احمد : خليها في القلب عليوه .
علي : ربي يفرج يا صاحبي .
نعرفكم على احمد ، احمد مواليد 91 بوه و امه متوفيين ، امه توفت و هي تولد فيه و بوه توفى و احمد عمره تلات سنين ، رباه عمه و للاسف ما عاملاش كويس و قعد يهين فيه لدرجة ان احمد كم مره حاول يهرب من الحوش ، احمد كان كويس في قرايته و يشبح ان هي الشي الوحيد اللي رح ينفعه ف قرر انه يشد حيله فيها و ربي فتح عليه و حصل افاد في الشهاده الثانويه ، تلاقى هو و احمد في المطار و توا كل شي يديرو فيه جميع سكن جميع طلوع جميع حتى الجامعه مع بعضهم .
نرجعو لحنان .
في العشيه حنان كانت مقعمزه بروحها عالدرجيحه و تفكر في كلام خوها عبدالرحمن ، جت جنبها امها .
عليا : حنونه قوليلي شن صاير معاك .
حنان : لا لا و لا شي .
عليا : بنتي و نعرفك زيين قوليلي حبيبتي .
حنان : ما في شي ماما .
عليا : امس باكيه لين دموعك جافات و تقولي غبار و اليوم الصبح عالفطور وجهك احرف من الطماطم و توا مقعمزه بروحك .
حنان : .......
عليا : ..........
يتبع .........