احببتها منذ الصغر ❤❤❤

الفصل السابع عشر

الصبح ناضت سليمه و لقت عرم مكالمات من مصطفى فاتاته و كلمت علي فيديو :
سليمه : ايوه عليوه .
علي : عروسنا .
سليمه 😭 .
علي : اششيه خيرك تبكي يا مهبوله .
سليمه 😭 : كنت نبيك معاي .
علي : اسسسس خلاص معاش تبكي و نوعدك نحضر العرس .
سليمه 😭 .
علي : خيرك يا دبه خلاص عاد .
سليمه 😭 : مش قادره عليوه ، خلاص بنطلع من الحوش بنسيب بابا و ماما و بنسيب التوام و انت اللي ليا عليك سنين توا و حميده ، كيف بندير فهمني حوش جديد عيله جديده وضع جديد كيف تبيني ما نبكيش فهمني كيييف .
علي : دبدوبه خلاص و احني مش رح نسيبوك و انتي اغلى عندي من ان ياخدك حد و لو عليا تقعدي عندي ، بس شوفي بوي و امي كيف فرحانين بيك و شوفي لروحك طشه ما تبيش تشوفي صغارك يلعبو حداك ، ما تبيش تكوني عيله ، ما تبيش تربي صغارك و تشبحيهم يكبرو بالشوي بالشوي ، و تاني حاجه يا دبه العيله اللي خطبوك ربي يبارك و كلام محمد عليهم انهم من احسن ما يكون و مصطفى سمعته ما شاء الله .
سليمه : ربي يكتب الخير .
علي : امييين يا رب ، و هي وريني الضحكه الحلوة يا سمونيه .
سليمه : هههه تي معاش سمونيه شوف .
علي : دووومها الضحكه و معاش نبي نشوف الدمعه في عيونك .
سليمه : حاضر ان شاء الله .
_____________________________________

مصطفى : سااااره .
ساره جاته في الدار : نعمين .
مصطفى : خيرها ما تردش عليا الهم هذي .
ساره : عاد دبر راسك شن دخلني بينكم .
مصطفى : شوفيها بالك فيها شي .
ساره : حاضر تو نشوفها و نقولك .
مصطفى : نراجي فيك .
ساره مشت اتصلت بسليمه في الاول ما ردتش عليها و بعدين عاودتلها و خبرتها ان مصطفى يبيها .
سليمه اتصلت بمصطفى .
مصطفى : الو .
سليمه : نعم .
مصطفى : وينك يا برنسيسه نكلم فيك امس و اليوم ما ترديش .
سليمه : امس رقدت و اليوم نضت متاخر شوي و كلمت علي خويا .
مصطفى : كيف حاله .
سليمه : الحمدلله .
مصطفى : و انتي كيف حالك .
سليمه : الحمدلله .
مصطفى : مبروك علينا .
سليمه : قصدك مبارك علينا .
مصطفى : 😑 و شن الفرق .
سليمه : خلي يجيك جمل يبرك عليك و شوف الفرق .
مصطفى : شن تخرفي 😑 .
سليمه : مبروك من البروك و مبارك من التبريك .
مصطفى : ما كنتش نعرف و الله .
سليمه : اهو بديت تعرف .
مصطفى : باهي يا حنه مبارك علينا .
سليمه : الله يبارك فيك .
مصطفى : عرفيني عليك اكثر .
سليمه : عرفني انت الاول .
مصطفى : عيب تطلبي على طلب حد 😏 .
سليمه : هههههه شكلك بتعبني و بنتعبك .
مصطفى : هههههه عادي شن ورانا .
_____________________________________

مشي اسبوع و سليمه تتعرف اكثر على مصطفى و بدا في مشاعر بينهم ، عبدالرحمن بدا شوي شوي يسرح مع خطيبته ، و نجو نشوفو حنان بعد مرور الاسبوع :
حنان : ماما سعاد تبيني نمشي نبات حداها .
عليا : شن البيات هذا اللي تبي اتعلميه يا بنت .
حنان : هي قالتلي و جيت نشاور فيك اني .
عليا : لا لا فكينا حنونه حوش خالتك عندهم ولاد .
حنان : حاضر ماما .
عليا : قولي لعبدو يوصلك هدرزي و روحي .
حنان : تمام نمشي العشيه مش توا .
عليا : تمام .
العشيه :
حنان : الو عبدو .
عبدالرحمن : ايوه حنونه .
حنان : نبيك ترفعني لحوش خالتي بنهدرز على سعاد شويه .
عبدالرحمن : بالك تفكينا منه حوش خالتك .
حنان : ليا عليهم واجد خالتي و سعاد .
عبدالرحمن : باهي تو نجيك وتي روحك .
حنان : حاضر .
عبدالرحمن جاها .
حنان : شنجك مع خطيبتك .
عبدالرحمن : ااه لا ماشيه الامور .
حنان : هههه دومكم .
عبدالرحمن : حنونه مزلتي اتفكري في كلامي لما جيتكم ايام الاحداث في حوش خالتي و لا .
حنان : اكيد عبدو وخيتك و تعرفني .
عبدالرحمن : ربي يحفظك و ردي بالك ره .
حنان : ما توصيش حريص وخيي .
وصلت حنان و ما تندريش ان هذا كله من الملعوب اللي مدبر و ربي يكون في عونها .
استقبلتها خالتها و قعدت تهدرز نصيب هي و سعاد و مع المغرب هكي .
سعاد : حنونه بنمشي للحمام تو نجي .
حنان : خودي راحتك شن تشاوري توا 🙄 .
طلعت سعاد و خش هيثم .
هيثم : اوهو بنيت خالتي .
حنان : اهلا هيثم .
هيثم : كيف حالك .
حنان : الحمدلله .
هيثم : مزال ما تبينيش 😏 .
حنان : هيثم من الاول قلتلك تعال من الباب جو العلاقات ما يمشيش معاي .
هيثم : باهي لو وريتك شي لو وصل لعبدالرحمن يقتلك بدون ما يفكر شن بتقولي .
حنان : هههههه ؛ حسك ضحكتني شن بيكون عندك يعني .
هيثم طلع نقاله و مدهلها : هاك شوفي .
حنان : هات .
بعد شافت الصور وجها تغير الوان الوان و معاش عرفت شن تقول يديها بدو يرعشو و معاش فهمت شي .
حنان : ششششششنو هذا .
هيثم : اسالي نفسك .
حنان : و الله العظيم ما نعرف و لا نعرف كيف صار و لا امتى صار و لا شن صار .
هيثم : ما يهمنيش كلامك الفاضي ، و اهو بنكون معاك راجل فرخ الحرام اللي وصلي الصور وصلني للمصدر و تعرفي جابهن هكي بالصدفه بيوريني صور حلوات هههههه ، موضوع الصور انتهي معاش في صور الا عندي ، و توا المطلوب منك واضح .
حنان 😭 : شن تبي مني .
هيثم : حتى حاجه اللي طلبته قبل بس .
حنان 😭😭😭😭😭😭 .
هيثم : اسسس فكينا من الفضايح .
حنان 😭😭😭😭😭😭😭😭 .
هيثم : تي خلاص عاد ، هي بنمشي اني فكري بالشوي عليك .
حنان زادت بكي و ناضت تجري للحمام الي مفروض مشتله سعاد لقاته فاضي ، قعدت تبكي و تبكي و تبكي و تتفكر في كلام خوها .
نرجعو للماضي :
عبدالرحمن : كيف حالك .
حنان : الحمدلله و انت و الشباب غادي .
عبدالرحمن: اني الحمدلله و شن تديري بيهم الشباب 😑 .
حنان : هههههه تي هو سؤال و انت ديما غيرتك سابقه .
عبدالرحمن : لو ما غرتش على وخيتي الوحيده على من بنغار عاد .
حنان : ربي يحفظك ليا يا غالي .
عبدالرحمن : بنقولك .
حنان : قول .
عبدالرحمن : بنجيبهلك من الاخير ، هيثم ولد خالتك حقير و ردي بالك منه و وقت يحط شي في راسه ياخده .
حنان : ايه .
عبدالرحمن : لو تعرضلك باي كلمه باي حرف قوليلي .
حنان : حاضر عبدو .
عبدالرحمن : يحضرلك الخير و هي بالسلامه توا .
غسلت وجهها و هي تفكر كيف بتصرف في المصيبه هذي طلعت من الحمام و كلمت بوها جاها و روحت طول .
يتبع......