احببتها منذ الصغر ❤❤❤

الفصل الثالث عشر

بعد كم يوم مصطفى خش على امه و بوه .
مصطفى : السلام عليكم ورحمة الله.
خيريه و اسماعيل : و عليكم السلام ورحمة الله و بركاته .
مصطفى : كيف حالكم .
اسماعيل و خيريه : الحمدلله .
مصطفى : شن صار فيكم في موضوع الخطبه يا بوي .
اسماعيل : سالت عالعيله ربي يبارك و البنت سمعتها ذهب و عز من تاخد بس الشور الاول و الاخير لامك .
مصطفى : شنو يا امي و اهو سمعتي كلام بوي .
خيريه : ما خشوليش رقبه و لا بلعتهم .
مصطفى : ليش شن شفتي منهم .
خيريه : ما شفت شي و لا نبي نشوف .
مصطفى : تي غير خيرك يا امي .
خيريه : تعرف شن و من نبي .
مصطفى : و الله يا امي اسراء ماني مسكر عليها باب و لو مش واخدتيلي هذي معاش نبي نزوج بكل و نطلع و نسيبلك الحوش بكل .
خيريه : اطلع دوح زي الكلاب .
مصطفى : تمام يا غاليه كيف ما تبي و بالسلامه .
اسماعيل : مصطفى تعااال .
مصطفى طلع و صرفق وراه الباب بالقوة .
اسماعيل : تبي تضيعي الولد انتي و لا شنو .
خيريه : سيوره يجي ما عنده وين يمشي .
اسماعيل : يجيك يوم و تندمي عاللي تديري فيه يا خيريه .
خيريه : ترى هنيني انت التاني .
اسماعيل طلع من حداها و مشي لدار بنته طق الباب فتحتله ساره .
اسماعيل : بنيتي نبيك شويه .
ساره : تفضل بابا .
اسماعيل : امك سكرت راسها على خوك و اهو طلع اشبح وين مشي .
ساره : شنووو 😰 .
اسماعيل : زي ما سمعتي بنيتي .
ساره : لا حول ولا قوة الا بالله.
اسماعيل : نبيك تقنعيه يروح .
ساره : حاضر بابا ما تخممش .
اسماعيل : ربي يحفظكم من كل شر .
ساره : تسلم .
بعد طلع بوها من حداها اتصلت بخوها طول و ما حصلاتاش تلقى فيه مقفل ، بعتتله عالماسنجر ما حصلاتاش بعتت وتس فايبر شي شي ما عنداش نت بكل و تلفونه مسكر بدت تنشغل بس حطت في بالها ان خوها مستحيل يدير في ورحه شي و خلتها على ربي و الصباح رباح تمشيله في الشركه اللي يخدم فيها مع انه منبه عليهم من قبل ما حد يجيه غادي .
اليوم اللي بعده الصبح ساره قالت لبوها يحطها في الشركة اللي يخدم فيها خوها ، خشت و سالت عليه و قالولها في مكتبه و دلوها عليه خشت على علي المصري .
ساره : السلام عليكم ورحمة الله.
علي : و عليكم السلام ورحمة الله و بركاته ، تفضلي حضرتك .
ساره : الاستاذ مصطفى موجود .
علي : آه موجود اقلو مين حضرتك .
ساره : قوله اخته تبيه .
علي : حاضر ثواني بس .
علي : استاذ مصطفى في مدام هنا بتقول انها اخت حضرتك و عاوزاك .
مصطفى : خليها تخش .
علي : حاضر ؛ تفضلي يا هانم .
ساره : شكرا ، و خشت لمصطفى .
مصطفى : شن تديري انتي هنا 😡 .
ساره : اسسس فضحتنا .
مصطفى : جاوبي .
ساره : جايه نشوف فيك بابا قاعد يراجي بره .
مصطفى : و اهو شفتيني درقي وجهك و مزال تجي نقصلك رجليك .
ساره : تي وسع بالك يا هم مشغوله عليك و نبي نستفسر منك عاللي صاير معاك .
مصطفى : ما صار شي امك تبيني ناخد بنت خالتك المزيته بالسيف .
ساره : ههههههه قويه مزيته .
مصطفى : زيدي اسهوكي .
ساره : بجديات صطوفه ما تطولش الغيبه و افتح تلفونك بيش نتصل بيك .
مصطفى : يصير خير بس اهو من توا بنقولك غيرها البنت منيش واخد و لو امك مزالت مصره على قرارها مش رح نروحلها بكل .
ساره : كون هاني يا غالي قلتلك من قبل خلي الموضوع عليا بس انت مستعجل عالحرج و تسييب الحوش .
مصطفى 😑😑 : نننننننا ما فالحه الا في الدوه .
ساره : هههههههه ، وسع بالك و تشبح الفعل .
مصطفى : تو نشوف .
احمد صاحب مصطفى خش للمكتب لا احم لا شي : يا حيوان وينك معاش تدور ، بعد شاف ساره 😳 : سوري و طلع بروحه .
ساره 😂 : من هالمهبول هذا .
مصطفى 😠😡 : هذا عليش ما نبيكش تجي يا هم .
ساره : هي هي نضت بنروح ههههه .
ساره طلعت من حداهم و شافت احمد مقعمز زي الراجل الطيب هههههه.
مصطفى : علييييييي .
علي : ايوه يا بي .
مصطفى : كيف تخلي هالبغل يخش .
علي : و الله يا بي قلتلو عندك اجتماع بس هو ما رضيش يسمعني حتى .
مصطفى : تمام امشي و قوله يخش هالحمار .
احمد : من الحمار يا حمار .
مصطفى : انت الحمار يا بغل .
احمد : وين نندري ع فيتك تستقبل في البنات في مكتبك عاد .
مصطفى : ما نستقبل في حد اختي هذي يا بغل .
احمد: مش اهلك ما يجوكش في الشركه 😒 .
مصطفى : بتصدق باهي منكش اقلب .
احمد : تي باهي باهي .
مصطفى : شن تبي.
احمد : جاي بنسال عليك يا قرد .
مصطفى : اسال هي .
احمد : خزي ع وجهك بدال ما تقدر التعب اللي تاعبه و جايك لعندك قاعد تفتفت .
قعدو يهدرزو و تعدل جو مصطفى ، مشي اسبوع على مصطفى و هو يبات بره و معاش اتصل بامه و لا يخلي فيها توصل فيه ، خيريه مقعمزه في الصاله هي و ساره .
خيريه : هكي تدير فيا يا كبدي هكي تدير .
ساره : ماما بالله عليك ما تسكري راسك ، مصطفى كبير و يعرف مصلحته و الموضوع هذا بالذات ما تدخليش فيه ، لان ولدك لو قال كلمه رح ينفذها ، و خير ما تخسريه و تخسري روحك سايريه و خوديله من يبي ، و البنيه ربي يبارك الحق اخلاق و جمال و تربيه و سمعه طيبه .
خيريه : سكري فمك اني اللي نعرف .
اسماعيل: سااااد ما خليتك طولك طول عصاتك ، الولد بيضيع و انتي قاعده على عنادك و الجهل متعك .
خيريه : توا طلعت جاهله يا اسماعيل ؛ ساد رضيت بيك يا سنكوح و خديتك .
اسماعيل : شن حسك قلتي .
خيريه : اللي سمعته .
اسماعيل ناض زقدها كففف : انتي طالق .
ساره : لاااا يا بابا .
خيريه داخت .
ساره 😭 : ماما .
اسماعيل : كلمي خوك يجي يرفعها للمستشفى و لا يدير رايه لان المراه هذي معاش تلزمني .
ساره اتصلت بمصطفى طوول .
مصطفى : ايوه يا حصله .
ساره 😭😭😭😭 : تعال ماما .
مصطفى : خيرك تبكي ساره و خيرها امي .
ساره : تعااال بسرعه .
مصطفى سكر عليها وطلع خط واحد للحوش .
يتبع ....