احببتها منذ الصغر ❤❤❤

الفصل الثامن و العشرين

اليوم اللي بعده :
سليمه ناضت و لقت مصطفى لاصق فيها تفكرت شن صار امس و ابتسمت قعدت تتفرج عليه و على ملامحه من قريب حطت يدها على لحيته : مسمحك يا فرخ .
مصطفى شدلها يدها : حتى انتي مسمحك 😍 .
سليمه 😳 : نايض انت .
مصطفى : هههههه من بكرييي .
سليمه 🙈 : خلاص هي سيب يدي .
مصطفى : انلا ما نبيش .
سليمه : تي هي نوض الفجر من بكري مأذن .
مصطفى : هي حاضر بس بعده نبو نديرو الشوط التاني 😉 .
سليمه 😳 : يا سخيف .
مصطفى : هههههه تي شن سخيف مرتي .
سليمه : هي نوض خش لحمام الصاله و اني ندوش هنا .
مصطفى : غير وقت عالصلاه بس كنهادا وريتك .
مصطفى طلع و سليمه ناضت خدت دبشها و هي حاسه براااحه كبيره و فرحه .
_______________________________________

تسريع في الاحداث :
مشي الاسبوع اللي بعده زحمه على العيله لانه عرس عبدالرحمن .
علي قعد ما سافرش لان اهله مستحقينله توا .
سليمه مرتاحه مع مصطفى و يالا قعدت ايامات معاه بس و طول جت لهلها بس ماباش يخليها تبات يجيبها الصبح و يروح بيها بعد صلاة العشاء .
نجو للخميس بعد اذان المغرب :
عبدالرحمن خش لحوشه : احممم .
سميه كانت في دار النوم : تفضل .
عبدالرحمن جي و هو متحشم : السلام عليكم .
سميه : و عليكم السلام و رحمة الله .
عبدالرحمن بدون ما يشبحلها : كيف حالك توا .
سميه : الحمدلله و انت .
عبدالرحمن : الحمدلله .
سميه : دوم يا رب .
عبدالرحمن رفع راسه و شبحلها 😍 : ما شاء الله تبارك الرحمن .
سميه : 😳 .
عبدالرحمن : هي نصلو .
سميه : هي نبدل بس .
عبدالرحمن : نخليك تبدلي براحتك .
سميه لفت : قبل تطلع افتحلي السوسته متع الفيلو .
عبدالرحمن قرب منها و هو يرعش شم ريحت عطرها فتح السوسته و يديه يرعشو قريب داخ 😂😂😂 .
عبدالرحمن 😥 ( قريب دخت الزح شد روحك يا عبدالرحمن بعد نهني الناس تو نرجعلها ) .
صلى بيها و طلع للناس هنوه و بعدها رجعلها .
كانت لابسه روب الدخول و مقعمزه في الدار تستنا فيه ، دخل عبدالرحمن لقاها تحت الورغان .
عبدالرحمن خش خدي توته  : دقايق بس و نجيك .
مشي بدل دبشه و جاب معاه سفرة العشي للدار حطها عالسرير و قعمز مقابل سميه .
سميه 😍 ( اخخخ منك بس قديشك رومانسي يا فرخ ) : تعبت روحك كنت جيتك للمطبخ .
عبدالرحمن : تعبك راحه يا مرتي السمحه .
سميه : ربي يحفظك ليا يااا رب .
عبدالرحمن : و يحفظك يااا رب .
تعشو و عبدالرحمن ضم السفره ناضو كل واحد لحمام شطب روحه و رجعو لدار النوم و سكرو على روحهم الباب 😁 و احني مشينا على حالنا 😅 .
_________________________________________

يوم السبت :
علي ناض بكري يوتي في شنطته للسفر .
طلع من داره و هو يدهور في حوشهم و يشبحله و هو مخنوق و مضايق طلع للجنان قعمز عالكراسي اللي على المعشب ( غبت عليك تلات سنين و توا بنرجع نغيب مره تانيه ، الفراق صعب حااار بس شن طالع بيدي حبيتها و هي كسرتني ، ما عنديش الا الحل هذا ) ناض من مكانه طلع للشارع قعد يتمشى لين وصل لحوش عمه شبحله شبحت حزن و مشي ، كانت حنان مصبيه حدا الشباك و تشبح للشارع بالصدفه شافت علي ، قلبها تكسر و بدت تبكي بعد شافاته بالحاله هذي ، رجع لحوشهم تلاقى هو و محمد خوه طالع للعمل .
محمد : صباح الخيرات نايض بكري شن عندك .
علي : طيارتي اليوم .
محمد : كيف طيارتك اليوم .
علي : اللي سمعته .
محمد : و امك و بوك و خواتك ليش ما قلتلهم .
علي : هذا اللي صار توا .
محمد : و ربي معاد عرفتك هي .
علي : الله غالب .
محمد : شن الله غالب هذي ، معقوله بنت تدير فيك هذا كله .
علي : احميده سكر عالموضوع .
محمد : منيش مسكره و بتسمع مني ، قبل انت اللي ديما تنصح فينا و توري فينا توا دوري بيش ننصحك و نوريك و نسندك .
علي 😧 : قول شن تبي تقول بسرعه .
محمد : نصييييب يا عليوه نصيييب .
علي : نعرف نصيب .
محمد : و ليش ما ترضى بقسمت ربك .
علي : الوجع حار .
محمد : وين ايمانك بربك و صبرك عالمصايب ما نقعدش نوري فيك في شي تفهم فيه اكثر مني عاد .
علي : ربي يفرج ان شاء الله .
محمد : آمين ، ديما تفكر شي واحد .
علي : شن هو .
محمد : ربي ما باعدها عليك الا لحكمه او ابتلاء او الشي هذا فيه خيرتك و خيرتها و ما تندريش شن يصير مع الوقت .
علي : الخيره فيما اختاره الله .
محمد : ايوه اهو الكلام السمح .
علي : ربي يكتب اللي فيه الخير .
محمد : آمين يا رب ، شنو مزلت مصمم تمشي اليوم .
علي : انسب حل حميده .
محمد : تعال باهي ما تحرمنيش من ريحتك لاخر مره .
علي جي تعنق خوه و ضمه ليه بالقوة .
محمد : ربي يوصلك طيب و ييسرلك و تروح بالشهاده .
علي : امين يا رب و انت وصيتي ليك زي ما هي .
محمد : في عيوني و الله ؛ امتى مرواحتك الجايه .
علي : لين نكمل .
محمد : بس مزالك سنتين اقل شي .
علي : هاذا هو بنكمل بعدين يدير الله طريق .
محمد : ربي يكتبلك الخير .
علي : آمين .
محمد : هي بالسلامه عطلت على عملي اني .
علي : بالسلامه 🖐 .
محمد مشي و علي خش للحوش لقي امه توتي في الفطور جي باسها على راسها : صباح النور يا غاليه .
كميله : صباح النور عليوه وين كنت عالصبح .
علي : كنت نتمشى في الشارع .
كميله : خيرك حاساتك مش تمام في شي صاير .
علي : اليوم بنسافر .
كميله 😨 : كييييييف .
علي : اليوم سفرتي يا ميمتي .
كميله 😭 : ليش ما خبرتنا من قبل .
علي : جت مفاجئه هي اصلا .
كميله 😭 : ما ليكش شهرين مروح .
علي تعنق امه و بدا يبكي ( مش بيدي يا ميمتي بالله عليك سامحيني ) .
كميله 😭😭😭😭 : ما شبعتش منك و الله ما شبعت هي الاسبوع اللي فات بنيتي مشت قلت اهو عليوه بقعدته يعوضني على فراقها شويه توا طلعت سفرتك ، شن ندير اني .
علي يمسح في دموعه : خلاص ميمتي و الله ما نقطعكم هي .
كميله باعدت من عليه و هي تمسح في دموعها : رد بالك من روحك وليدي ؛ خليني نمشي نوتيلك الفطور .
علي باسها على راسها : ربي يعطيك صحتك .
كميله : امتى طيارتك .
علي : الساعه 3 .
كميله : معناها بتمشي بعد الظهر للمطار و لا .
علي : ايه .
كميله : نمشي انوض هالفرخات خلي نوتولك غدي قبل تمشي .
علي : ما تعبيهنش و ما تعبيش روحك ميمتي ما خاطريش .
كميله : سكر ما دخلكش ؛ و بتاكل
علي : ههههههه حاضر .
يتبع........