احببتها منذ الصغر ❤❤❤

الفصل الخامس عشر

بعد مرور ثلاث شهور .
كميله : سليييمه .
سليمه من دارها : ايوه ماما .
كميله : وتي روحك اليوم مصطفى بيجي النظره الشرعيه .
سليمه جت لامها 😨 : نحس في بطني بدت توجع .
كميله : عادي بنيتي ضروري منه الشعور هذا .
سليمه : ان شاء الله خير و خلاص .
كميله : ان شاء الله .
سليمه مشت لدارها تجري و اتصلت بفاطمه : ايوه فطوم .
فاطمه : اهلا بالكلبه اللي ما تدورش .
سليمه : خزي على وجهك و الله من يوم التخرج و اني اللي ندور مش انتي .
فاطمه : ههههه تي نبصر .
سليمه : فكيني من ثقل دمك توا و تعاليلي في الحوش ضروري .
فاطمه : خير شن عندك .
سليمه : اليوم جاي بيشوفني .
فاطمه : بالحق .
سليمه : و الله .
فاطمه : هي مسافة الطريق و نكون عندك .
سليمه : تمام .
______________________________________

خليني نقوللكم شن صار في هالثلاثه شهور :
خيريه ام مصطفى ربي كتبلها عمر جديد و قدرو الاطباء يرجعولها النبض ، بو مصطفى ردها على عصمته و هي تاسفت منه و عوضاته على كل اللي كانت تدير فيه و تغيرت للاحسن ، مصطفى من يوم امه قريب راحت منه و هو قريب ليها اكثر و غير شن تبي ، بعد اللي صار مع خيريه بكم يوم طلعت من المستشفى و وقف معاها راجلها و ضناها و بدت تتعالج لين شبه شفت منها الجلطه ، اول ما طلعت من المستشفى قالت لمصطفى امشي تم معاهم الجماعه بس مصطفى سكر راسه و قاللها لين تصحي انتي و تمشي اتميلي فيها ، طبعا خبرو هل سليمه عاللي صار بيش ما يطلعوش فيهم العيب انهم شافو بنتهم و ما ردوش عليهم لا بالنفي لا بالاثبات .
عبدالرحمن المده اللي فاتت خطبتله امه بنيه على ذوقها و عبدالرحمن مشي شافها و عجباته بس لا بي يكلمها لا شي لانه ما يعرفش يهدرز مع البنات 😂😂😂 .
عند حنان مكسده و لا جديد بدا السمستر و بدت القرايا و بدا النفخ عايشه حياتها و مصفيه نيتها و طيور الشر يترصدو و مش ناويينلها الخير  ، علي ماشيه اموره و يالا قطع نص الطريق و قرايته يصفي فيها و وضعه تمام .
______________________________________

العشيه :
رن الجرس على حوش عمر ، جت مرام فتحت و سهام مشت ترعش في اختها 😂😂😂 .
سهام : جي و جي يا اسلومه .
سليمه 😨 : بطني يا فطومه .
سهام : 😂😂😂😂 منظرك يضحك موليه صفره زي الليمه يا سليمه ، صقع بديت انالف في شعر .
سليمه : تو نشوفو بعد يجوك باهي .
سهام : صقع عليك قويه اني 😏 .
فاطمه : اسسسس يا بارده اختك مش ناقصها برادتك .
سهام : تي باهي و انتي تقول محامي الدفاع متعها 😑 .
مرام : جوك يا وخيتي .
فاطمه : اوهو علينا عاد مسدش سكتنا الهم هذي تجي حتى انتي .
مرام : هههههه توأم شن متوقعه .
سهام : خليك منهن باردات ما يحبنش البصاره و خفت الدم و الجو السمح .
فاطمه : اطلعيييي انتي و ياها اطلعييي .
سهام : هي مرومه نمشو نكسدو في دارنا فكينا منهن خزي باردات .
مرام : هي سهومه على قولتك .
طلعن الفرخات شويه و جت كميله لبنتها : هي حبيبتي تطلعي للجماعه .
سليمه : هي حاضر ماما نوتي القهوه و نطلع .
كميله : ربي يكتبلك الخير بنيتي .
سليمه مشت للمطبخ هي و فاطمه وتت القهوه و طلعت بيها .
خيريه : ما شاء الله تبارك الله على كنتنا السمحه .
سليمه 😳 : سلمك خالتي .
سلمت عليهن و قعدت تهدرز شوي و بعدها الحاج عمر اتصل بكميله و قاللها تقول لسليمه تطلع .
سليمه طلعت لبوها و في ايدها سفرة القهوه ، خاشه في بعضها و مش قادره ترفع راسها من الحشم .
عمر : ما شاء الله على بنيتي بدت عروسه .
سليمه 🙈🙈🙈🙈 .
عمر : ههههههه هي تعالي وراي .
خش عمر و سليمه وراه حطت سفرة القهوه عالطاوله و قعمزت حدا بوها و راسها في الوطى .
عمر : يالا نستاذن اني .
مصطفى : اذنك معاك عمي .
سليمه 😳😳😳😳😳 .
طلع عمر و سليمه زادت خشت في بعضها .
مصطفى : كيف حالك .
سليمه : اااالحمدلله .
مصطفى : ما تبيش تشبحي من اللي جاي يخطب فيك ههههه .
سليمه رفعت راسها و انصدمت 😰 : ان شاء الله انت هذا .
مصطفى 🤔 : تعرفيني .
سليمه : مره شفتك تهدرز انت و ولد في الكليه و تشبحولنا اني و صاحبتي .
مصطفى : ههههههه ايه تفكرت .
سليمه : ايه .
مصطفى : كنت نقوله نبيها البنت هذي و بنكلمها هو قالي و لا تفكر لان لو بتجرب بس رح تردك و رح تاكل طريحه باهيه و معاد بتقبل بيك و باهي اللي سمعت كلامه و جيت من الباب .
سليمه : ايه .
مصطفى خدي فنجال القهوه و بدا يشرب : اشربي قهوه .
سليمه مزالت متحشمه : ما نبيش .
مصطفى : ما عندكش شروط شي هكي .
سليمه : اهلي كل اسبوع نبي نزورهم المناسبات العائليه حتى هي ، و معاملتك تكون كويسه غيره ما عندي شي .
مصطفى : اللي طلبتيه ما يتكلموش عليه بكل و شي معروف ما عندكش شروط تانيه .
سليمه : لا لا ما عندي شي ، انت شن شروطك .
مصطفى : لبسك زي قبل زي تالي مش تقولي بنزوج بنلبس شن نبي .
سليمه : لبسي بقناعتي و مش رح نغيره حتى لو طلبت انت الشي هذا .
مصطفى : ميه ميه ، امي تاج راسي و تعامليها كانها امك .
سليمه : الشي هذا متربيين عليه اي مراه كبيره نعاملوها معاملة امي .
مصطفى : تمام ، لو صار اي شي بينك و بينها تخبريني و تقوليلي شن صار ، و كلمتي ما نحبش من يكسرها .
سليمه : حاضر .
مصطفى : ربي يقدم اللي فيه الخير .
سليمه : امين .
مصطفى : لو تبي تخشي تفضلي .
سليمه : تمام نستاذن اني .
مصطفى : اذنك معاك .
طلعت سليمه و خش عمر تفاهم هو و مصطفى يكون البيان بعدها بشهر و العرس يكون في الصيف .
سليمه خشت لفاطمه تجري : حيييي يا فطوم كان تعرفي  من طلع .
فاطمه : من طلع قولي .
سليمه : تتفكري يوم قعدو يشبحولنا تنين شباب و قلتلك شوفي المفرخ .
فاطمه : ايه ايه .
سليمه : خلاص هذا واحد منهم .
فاطمه : معناها كانو يدوو عليك .
سليمه : تي ايه ماهو قلتله شفتك في الكليه تشبحلي و تهدرز انت و واحد قالي كنا نهدرزو عليك .
فاطمه : صحه ليه الولد طلع ذكر و تقدم مش كيف ما يديرو المفرخ يكلمو و اشبح شنو و بعدين يعفسو .
سليمه : هههههه كان يبي يكلم بس صاحبه قاله رد بالك .
فاطمه : فيه الخير اللي جي من الباب و ربي يكتبه نصيبك لو كويس .
سليمه : اميييين و عقبالك يا رب .
يتبع .....