احببتها منذ الصغر ❤❤❤

الفصل الثاني و الثلاثون

سعاد من يوم ما شافت بنت خالتها بحالتها اللي وصلتها و هي بدت تندم و بعد كلت طريحه من هيثم زادت ندمت و عرفت انها غالطه ، شويه و طق عليها الباب .
سعاد 😢 : منهو .
حاتم : اني حاتم افتحي .
سعاد : حاضر هي .
فتحت لحاتم و خداها بالحضن .
سعاد 😭😭😭😭😭 .
حاتم : اسسسس خلاص عاد .
سعاد 😭😭😭 : حاتم اني مش كويسه .
حاتم مش فاهم شي : اسسس خلاص عاد و معاش بنخليه يقربك .
سعاد 😭😭😭😭 : نستاهل اكثر من هكي .
حاتم : ليش تستاهلي .
سعاد 😭😭😭😭 : لاني مش كويسه .
حاتم : خلاص هي اسكتي معاش تدوي حتى كلمه .
خداها و رقدها على سريرها و حط راسها على فخده و قعد يمسحلها في دمعتها و يخفف عليها لين خداها النوم ، غطاها و طفا عليها الضي و طلع من حداها .
حاتم ( شن معنى الكلام اللي قلتيه يا وخيتي و ليش هكي حالتك متازمه ، خليها توا ترتاح و بعدين نفهم منها كل شي ) .
______________________________________

في الليل الساعه 12 :
مجهول : ايوه يا عرفي .
مجهول 2 : طمني شنو صار .
مجهول : اهو توا طالع من حوشهم .
مجهول 2 : ميه ميه خلص شغلك بسرعه و ما تخلي حد يحس عليك .
مجهول : تم تم و كيف ما تفاهمنا .
مجهول 2 : حقك محفوظ ما تخممش .
كان خالد طالع من حوشهم بالسياره يروح بامه من خواله ، وقف على سمافرو و جت جنبه سيارة مظلمه رمت عليه رصاص و طلعت باسرع ما يمكن .
مجهول : ايوه رميت عليه كيف ما قلتلي .
مجهول 2 : مات و لا لا يا حمار .
مجهول : ما نعرفش فرغت فيه مخزن كامل كيف بيقعد حي .
مجهول 2 : و ربي يطلع حي نهارك اسود ، توا تمشي بعيد و تحرقها السياره كيف ما قلتلك و غدوه تعال تاخد باياتك و لا نعرفك و لا تعرفني .
مجهول : تم .
عند خالد كان دوب ما واعي بعد ما جن فيه رصاصات في صدره و بطنه و يده طلع تلفونه و اتصل بعبدالرحمن .
عبدالرحمن : ايوه .
خالد بصوت دوب ما طلع : عبدو تعال ارفعني للمستشفى .
عبدالرحمن : ايوه خالد ما نسمعش فيك كويس .
خالد 😵 .
عبدالرحمن : الوووووو خالد رد عليا .
في شيباني كان مروح شاف سيارة خالد واقفه فس السيمافرو و فيها واحد مضروب سعفه بسرعه و سيب تلفونه في السياره .
عبدالرحمن كان في الحوش طلع يجري يدور في خوه ما طولش لين لقي سيارته مدرسه نزل يجري لقي فيها جرت دم و تلفونه ملوح فيها و هو مهناكش ، عبدالرحمن عقله قريب راح منه معاش عرف كيف يتصرف ما باش يتصل ببوه بيش ما يرعشاش و امه قاعده حدا خواله و تو تنشغل معاش لقي حل الا انه يتصل بعلي ولد عمه .
علي : ايوه عبدو .
عبدالرحمن : تعالي توا قدام حوشنا .
علي : خير ان شاء الله .
عبدالرحمن : غير تعال بس .
علي : حاضر هي .
علي وصل في عبدالرحمن لقاه مقعمز بره و باين انه شي صاير .
علي : السلام عليكم ورحمة الله .
عبدالرحمن : و عليكم السلام ورحمة الله و بركاته.
علي : طمني خير ان شاء الله.
عبدالرحمن : خالد اتصل بيا و قال كلام ما فهمتاش كان صوته بعيد و دوب ما يدوي و بعدين سكت بكل ، دورته لقيت سيارته في السيمافرو مكسكسه بالرصاص و جرت دم فيها و هو ما لقيتاش ، معاش عرفت شن ندير .
علي : لا حول ولا قوة الا بالله .
عبدالرحمن : عليوه خويا لو تصيرله حاجه امي تطلع من عقلها .
علي : عبدو توا اصبر ما نبيكش تتفلوش ، وين كان طالع خالد في هالليل .
عبدالرحمن : بيروح بامي من خوالي كان ما خيبنيش ظني .
علي : اسمع توا شن بنديرو .
عبدالرحمن : قول .
علي : تمشي تروحي بخويله و ما تبينلهاش ان في شي و لا تقوللها على خالد و لو سالاتك قوللها طالع مع ولاد عمي زرده بيات لان غدوه جمعه ماشيين للمزرعه و جي بيتصل بيك لقي تلفونك خارج التغطيه ، و عمي خليه للصبح و ادويله ، اني و محمد تو ندوره في المستشفيات و لما نلقوه تو نبعتلك رساله و لو ما لقيناشي تو نبلغو عليه .
عبدالرحمن : ماشي بس خبرني طول اول ما تلقو شي .
علي : حاضر عبدو .
عبدالرحمن : ان شاء الله خير و ربي امي و بويا ما عاد عندهم جهد عالرعايش .
علي : وكل ربي و باذن الله خير .
عبدالرحمن مشي روح بامه و علي خبر محمد خوه و طلعو يدورو في خالد في المستشفيات لين لقوه في مستشفى الحوادث ، علي خبر عبدالرحمن و قاله ما تجيش بيش ما ترعشش اهلك ، و للاسف كان خالد مغمى عليه و حالته حرجه .
اليوم اللي بعده :
عبدالرحمن : صباح النور .
احمد : صباح الخيرات .
عليا : صباح النور .
سميه : صباح النور عمي صباح النور خالتي .
عليا احمد : صباح النور بنيتي .
عبدالرحمن : كيف حالكم .
عليا و احمد : الحمدلله و انت كيف حال و حال الخلبوصه .
عبدالرحمن : الحمدلله سيبناها راقده فوق .
عليا : ليش ما جبتوها معاكم تو تنوض و لا شي تلقاكم مهناكش .
سميه : خليناها في مكانها لان لو رفعتها بتنوض و لو ناضت معاش بتهننيني بكل .
عبدالرحمن : درنالها اللاسلكي حداها لو ناضت تو نسمعوها .
احمد : شينك اختراعات يا ناس حتى معاناتهم يعانو و هما متريحين .
سميه : هههههههه التطور كويس .
احمد : لا هو من ناحية كويس كويس .
عبدالرحمن : اني طالع تبو شي .
احمد : وين عالصبح .
عبدالرحمن : بنبرم برمه في السوق .
احمد : ربي يوفقك يا وليدي و يرضى عليك .
عبدالرحمن : الله يسلمك ، نبي رضاكم عليا بس .
عليا : راضيين عليك ليوم الدين .
عبدالرحمن : الحمدلله ، هي بالسلامه توا .
عبدالرحمن مشي لولاد عمه اللي ما سيبوش خوه دقيقه في المستشفى .
عبدالرحمن : السلام عليكم .
علي و محمد : و عليكم السلام ورحمة الله .
عبدالرحمن : شن صار .
علي : قالو وعي من بكري و قعد ينادي على امه ضربوله مهدئ و عاود رقد .
عبدالرحمن : لا حول ولا قوة الا بالله ، شن وضعه توا .
علي : للاسف قاعد على حاله .
عبدالرحمن : لا حول ولا قوة الا بالله ، ربي يفرج ربي يفرج .
علي : وكل ربك عبدو و باذن الله مهناك الا الخير .
عبدالرحمن : انا لله و انا اليه راجعون ربي يفرج من فوق سابع سمي هو صاحب الفرج ، خلاص عليوه روحو انتم مسدش ساهرين ليله طول .
علي : عيب عليك تقول الكلام هذا .
عبدالرحمن : بجديات سادكم امشو تريحو شويه اهو اني قاعد هنا .
علي : محمد امشي روح شويه و نلحقك .
محمد : اوكي ، و ان شاء الله لاباس عليه يا عبدو.
عبدالرحمن : الله يسلمك حميده .
علي : من تتوقع السبب .
عبدالرحمن : بويا قاله فوتهم و اني قلتله فوتهم بس هو سكر راسه .
علي : من هما .
عبدالرحمن : خالد خلط على مفرخ المده اللي فاتت دخلوه عالدخان و ضحكو عليه و خلوه يدوخ ، يومها جانا مش عارف راسه من كرعيه بويا حبسه في المربوعه للصبح و بعدها عالجه و تعالج بس هالدماغ ما سيبش المفرخ في حالهم و تواصل مع مكافحة الجريمه و شدوهم كلهم ، و اللي صارله رسمي  من اللي مخدمهم لانهم مفرخ و ما يطلع منهم شي .
علي : لا حول ولا قوة الا بالله .
عبدالرحمن : ان شاء الله خير و خلاص الواحد شن بيدير ، قضاء الله و قدره و لازم نصبرو .
علي : و نعم بالله .
عبدالرحمن : خلاص عليوه توكل على حالك اني قاعد هنا معاش تخمم .
علي : دويت لعمي .
عبدالرحمن : ما حصلتش فيه فرصه بروحه .
علي : خلاص خليه عليا تو نخبره اني .
عبدالرحمن : تمام عليوه .
علي : في امان الله .
عبدالرحمن  : في حفظ الله .
عبدالرحمن مشي يبي يشوف خوه بس ما خلوشي شويه و جاه دكتور قاله خوك وعي و يبيك ، عبدالرحمن خشله يجري .
خالد بصوت واطي : سامحني .
عبدالرحمن قرب منه : شنو تقول خلوده .
خالد : سامحني و قول لامي و بويا و حنونه يسامحوني .
عبدالرحمن : اسسس مش وقته الكلام هذا توا .
خالد : رد بالك من حنونه راهي تتوجع و ديما تبكي ، راهو في شي داساته .
عبدالرحمن : خلوده ما اتعبش روحك واجد بالكلام و تو تصح و ترجع احسن من قبل و ترد بالك منها انت .
خالد : رد بالك منهم كلهم .
الدكاتره : .......
عبدالرحمن 😭 : ..........
يتبع...........