احببتها منذ الصغر ❤❤❤

الفصل الثاني

كميله و هي تصب في المكرونه : تعالو كان بتغدو الغدي واتي .
جو يجارو كلهم و جن حتى الفرخات التوأم و جي عمر و تلقطو عالسفرة و بدو ياكلو و الحكاية هدوووء ، عاد بوهم ما يحبش حد يدوي عالايكال .
كملو غداهم و اللي هذا يجري يبي ينوض الاول بيش ما يلمش السفرة و المفرش (البخشه) هههههه .
كميله : هي كل واحد لسريرة ما عندكم ليش قاعدين نايضين العصر انوضكم .
كلهم اففف واك مانبوش نرقدو في سرهم طبعا 😂 : حاضر يا ماما ، و مشو لسرايرهم .
رقدو بالسيف خوف من السبته و الجلد هههههه .
كميله نوضتهم للعصر ، علي مشي مع بوه للجامع و سليمه صلت في الحوش و محمد تعلم فيه امه كيف يصلي و الفرخات التوأم بيهبلن امهن شياط ريق و بس .
بعد العصر طلعو كلهم للشارع هما و عيت عمهم يلعبو مع الجيران ، عبدالرحمن ولد عمهم من يوم يومه خدمه و دهك مسكين لان بوه حالته الماديه صعبه شويه سيب القرايه من صف رابع و قعد يخدم يعاون في بوه كل مره يخدم في حاجه مره في سوق الخضره مره في قوميستي مره في سكليستي مرة في تغيير زيوت كل مره خدمه ، و لما يطيرهله صاحب العمل يفوته توا قاعد مع صاحب بوه في محل مستلزمات ام و طفل من الصبح لليل يخدم و يروح منتهي يالا يتعشى و يرقد طول .
المهم طلعو الولاد و البنات يلعبو بره ، الولاد يلعبو في كورة و البنات يلعبن بالحبل .
شويه واحد من المفرخ ناشب حنان و حنان ردت عليه و جي بيضربها خشت فيها سليمه و تكت ،  حنان مشت تجري لعلي .
حنان 😭 : عليوه راهو منذر يتعارك هو و سلومه 😭😭 .
علي 😡😡 : شنوووو يتقاوى عالبنات المسخ .
محمد 😡😡😡😡 : حتى اني بنضرب .
علي : سكر فمك منذر اكبر حتى مني شن بتضرب قعمز و اسكت .
شويه و يجيه علي يجري 👊 بوووم و يبدا فيه سحن و بدو يحزو فيهم ، ما سيباش لين خربله وجهه .
علي 😡😡: تضرب اختي يا كلب و الله نربيك من الاول .
منذر 😭😭😭 : تو تشوف بنجيبلك جماعه غدوه .
علي 😡😡😡 : جري يا حيوان جيب من تبي .
و حزوها و مشي كل واحد لحاله .
علي قعمز : حنونه تعالي خبريني شن صار .
حنان 😭😭😭 : وجهك مجروح .
علي 😅😅 : ساهله ما تدوريهاش قوليلي هي .
حنان 😢😢😢 : كنت نلعب بدا يناشب فيا و يحذف في رشاد ، بعدين رديت عليه جت سليمه و بدو يتعاركو .
علي : خلاص معاش يجي لمكم الكلب هي نوضي كملي لعب .
تمت العشيه و كل واحد مشي لحوشه ، علي خش بالدرقه ما يبيش امه تشوف الجرح خش للحمام غسل وجهه و حاس على روحه بدل دبشه و لبس برنوص 😂😂😂😂 مشي للجامع بروحه صلى المغرب و روح عقل في داره .
عمر : علي يا علي تعال كان بتعشا .
علي من وسط الدار : لا لا ما نبيش .
عمر : 😠😠 تعااااال قلت اني .
علي 😨😨 : شن بندير توا .
طلع ببرنوصه 😫😫😫 و هو يرعش قعمز معاهم .
كميله : شن اللي لابسه هذا .
علي : اااا لا شي غير صقعان شوي بس .
عمر: حوله من على راسك و انت تلط عرق .
علي ( شينك حصله حصلناها شن بندير توا ) : ااا لا لا متريح هكي .
عمر : دبر راسك و انت ديما تدير في الشي اللي يكسر الرقبه .
علي : ( الحمدلله 😥😥😥) ، قعد يشبح لسليمه و شادين ضحكتهم محمد شبحلهم و فهم اللقطه بس قعد عادي لانه بااارد .
بعد تعشو اذن العشاء مشي علي مع بوه للجامع و روح بعد الصلاة و قعمزو كلهم عالتلفزيون يراجو في المسلسل تفرجو عالمسلسل جميع و كل واحد مشي لسريره .
طبعا زمان ما فيش زي توا دجتل و نت و و و  كانت قناة الجماهيريه بس عالبث الارضي ، يجيبو في الصبح شوي رسوم و مع الساعه تنين حتى هو و بعدين برامج  و بعدين الساعه عشرة يجيبو في مسلسل بعده النشره هههههه ، بس كانت اللمه ليها طعمه مش كيف توا كل واحد شاد تلفون و يبربش و ما حد يندري عالتاني ، كانت ايام حلوة و الله .
عند حنان : بعد روحو من الشارع صلت المغرب و قعمزت تعاون في امها في موازات الخضار .
حنان : تعرفي يا ماما اليوم صارت دعكه في الشارع .
عليا 😱 : من و من تعارك .
حنان 😶.
عليا : تي ادوي يا فرخه .
حنان : هذا يا ماما ..... حكتلها كل شي .
عليا : حي عليك يا بنت تو مزال تطلعي للشارع باهي ، اصلا الشارع ما عمره نفع بس بوك يصلح حاله يقول خليهم يطلعو يوسعو خاطرهم .
حنان😭😭😭😭 : لا يا ماما بالله عليك و الفرخ هو بدا الاول ما درتش شي اني كنت نلعب مع البنات بس ، خيرهم عيت عمي بيطلعو غدوه 😭😭😭 .
عليا😡😡😡 : ما فيش قلت ما فيش و لانه الفرخ بدا اليوم يبدي غدوه و يبدي ديما ساااد من المشاكل ، و علي شن صارله .
حنان😭😭😭😭: يا ريتني ما دويت بكل ، علي حصل خبش في وجهه بس ما صارله شي .
حنان من كثر ما تحكي لامها في كل شي خبرتها عاللي صار اليوم و اللي حرمها من الطلوع مسكينه .
تمو الخضار و دارتلهم امهم شربه تعشو و اذن العشاء و صلو و روح عبدالرحمن كالعاده منتهي تعشى و طووول للنوم و الباقيين قعدو يراجو في المسلسل .
تفرجو عالمسلسل جميع و بعدها كل واحد مشي لسريره .
يتبع ....