احببتها منذ الصغر ❤❤❤

الفصل السادس عشر

عند حنان :
حنان : يا ماما اني مشيت ره .
عليا : افطري يا فرخه .
حنان : ما خاطريش يا ماما هي محاضره وحده نروح و ناكل .
عليا : تمام ردي بالك من روحك .
حنان : في امان الله .
عليا : في حفظ الله .
وصلت للكليه و تمت المحاضره و قعدت تراجي في
بوها ، من عادة حنان تقعد تدور في الكليه هي و صاحبتها بس المره هذي صاحبتها روحت و هي قعدت تدور بروحها مشت جيهه كانت فاضيه جت وراها سياره مظلمه نزلو منها تنين جي واحد منهم وراها من دون ما تحس دوخوها بمنديل و حطوها في السياره و مشو بيها .
________________________________________

سعاد : شنو صار بشريني .
مجهوله : صار زي ما تبي تو بيش تخلصينا وتخلصي الشباب .
سعاد : ما تخمميش بس كيف ما تفاهمنا ره يصير شي تاني و ربي تندمو .
مجهوله : تمام .
سعاد : غدوه نتلاقو في الكليه و نعطيك حقاتك .
مجهوله : تمام و بالسلامه .
مجهوله : هي ارقد جنبها .
مجهول : ووووك ما احلاها الزفت متاكده ما فيهاش كيف .
مجهوله : ركح روحك و انت كل يوم مع فرخه و ما تشبعش اعوذ بالله منك .
______________________________________

بعدها بشوي :
حنان فتحت عيونها و لقت روحها في الكليه و متلقطين عليها الطلبه .
حنان : اااااه يا راسي .
طالبه : اختي تسمعي فيا .
حنان : وين اني .
طالبه : في الكليه جهة المبنى التاني لقيتك طايحه .
حنان : شكلي دخت من قلت الايكال .
طالبه : تقدري تمشي .
حنان : شويه بس نصحصح شوي ، حي عليا بابا اكيد يستنا فيا .
طالبه : من بكري تلفونك يضرب .
حنان : بالله وخيتي ساعديني نوقف بيش نطلعله .
طالبه : حاضر .
الطالبه سندت حنان و رفعتها لبوها في السياره .
احمد جي خدي حنان من البنت : يا لطيف يا لطيف شن صارلك يا بنت .
حنان : شوية دوخه ما صار شي بابا .
احمد : بارك الله فيك بنيتي .
طالبه : فيك بارك الله يا عمي و ان شاء الله لاباس عليها .
احمد : تسلمي بنيتي ، و انتي امك من بكري تقولك كولي و انتي تسكري في راسك زي الهم .
حنان : خلاص بابا ما صار شي .
احمد : ان شاء الله خير و خلاص .
______________________________________

اليوم اللي بعده :
سعاد : هاك المبلغ اللي اتفقنا عليه .
مجهوله : و هاذن الصور .
سعاد : اني جيتك لاني نعرف ان شغلك عالنظيف انتي و الشباب اللي معاك فلذلك ردي بالك تلعبي عليا .
مجهوله : تي عيب عاد و مش اول مره نديرو شي زي هذا و اسالي عليا بالشوي عليك و كلمتي كلمه .
سعاد : ميه ميه ، بس اهو حذرتك لو نلقى صور البنت في اي مكان او عند اي حد رح نفضح بيك و باللي معاك و تعرفيني شن عندي عليك .
مجهوله : قلنا معاش عندي شي ما تخليناش نغلطو على بعضنا توا .
سعاد : تمام بس من باب التحذير .
________________________________________

بعدها بساعتين :
سعاد خشت على هيثم .
سعاد : هيثوم الغالي .
هيثم : شن تبي و بلا نفاق .
سعاد : هات حقي تاخد اللي اتفقنا عليه .
هيثم : قصدك درتيها .
سعاد : 😌 نعجبك .
هيثم : هاتي نشوف .
سعاد : عينك هات العشره الاف تاخدهم .
هيثم : اعوذ بالله منك كلبة فلوس .
سعاد : مخلصة الجماعة تلاته الاف من جيبي و المبلغ هذا يالا يسدني عندي لبسات نبي نشريهم .
هيثم : تفووو عليك باهي .
سعاد : شنو بتجيب و لا نمشي .
هيثم دك يده تحت السرير طلع كيس اسود معبي فلوس عد منهم المبلغ و عطاهلها .
سعاد : هكي حبايب .
هيثم : هي طيري من وجهي .
سعاد : تشاااو .
هيثم قعد يتفرج عالصور كيف مصورينها و هي بالداخلي و كيف مفبركين الصور كانها راقده مع واحد من المفرخ برادتها و انها تبي الشي هذا .
هيثم : طحتي يا حنونه و توا معاش عندك كيف تهربي مني صبرك عليا بس 😈 .
________________________________________

مشي الاسبوع و لا جديد خلينا نشوفو عبدالرحمن كيف يهدرز مع خطيبته 😂😂😂 .
عبدالرحمن : الو .
سميه: اهلين عبدو .
عبدالرحمن 😳 ( قالت عبدو ) : ككككيف حالك .
سميه : الحمدلله و انت و المحل و الشغل .
عبدالرحمن: الحمدلله كله تمام .
سميه : دووم عليك يا رب .
عبدالرحمن : ننناقصك شي تبي شي .
سميه : سلامتك بس غالي .
عبدالرحمن : الله يسلمك هي بالسلامه توا .
سميه : خليك نهدرزو شويه و انت ديما عالسريع .
عبدالرحمن ( تو شن بنهدرز هي ) : مره تانيه ان شاء الله تو بنمشي عندي ما ندير .
سميه : ربي يوفقك عبدو في امان الله .
عبدالرحمن : سسسسلام .
سميه : سلامات .
عبدالرحمن سكر منها و قعد يهدرز بروحه : حمار اني و ربي حمار ، زعما اني بس هكي و لا كلهم الاولاد ، تي لا لا شن كلهم ، تي هتكم يهدرزو قبل حتى يخطبو ، ربي يفرج عليا و خلاص .
سميه تدوي بروحها : هههههههه ما كويسته و هو متوتر هكي بس بالشوي بالشوي تو نخليك تتعود يا عبدو .
______________________________________

يوم البيان :
عند سليمه في المزينه :
سليمه : عارفه متوتره يا فرخه .
فاطمه : طبيعي حبيبتي و ربي يكتب الخير .
سليمه : يا رب .
فاطمه : هي البسي خوك قريب يوصل .
سليمه : هي .
وتن روحهن و غطن وجوهن بالخمار و محمد اتصل بسليمه طلعتله .
في الحوش :
سهام : هي حنونه وتي الطاوله بيش نجيب اني و مرام التورته قريب توصل سلومه .
حنان : حاضر هي .
مرام : هي سهام تعالي معاي .
سهام : قدامي هي .
كميله قريب تبكي شاده دمعتها : شفتي عليا كيف يكبرو بسرعه .
عليا : ربي يتمملها بالخير وخيتي و عقبال التوأم و الشباب .
كميله : امين و عقبال عند حنونه و خلوده و تكملو لعبدو عالخير .
عليا : امييين يا رب .
خلينا نختصرو الاحداث شوي :
جت سليمه و قعمزت شوي و جتها ام مصطفى لبستها الدبله و مشي الوقت و بدت تخف الزحمه و روحو الناس .
في الليل :
عند سليمه خشت لدارها بترقد شوي و طبعا هذا بعد اصرار البنات عليها انها ما تمس شي ، رن تلفونها لقاته رقم غريب ما بتش ترد عاود مره تانيه نفس الشي بعدها بعت رساله :
اني مصطفى ردي يا همي .
سليمه: ما صح وجهه يقولي هم 😑 تو نوريك ؛ داراته صامت و حطاته في الشحن و رقدت .
مصطفى : تي خيرها ما تردش الهم 😡 .
______________________________________

عند البنات و هما يضمو في الحوسه :
سهام : شفتو سميره مرت جارنا الجديده 😂 .
مرام : ووووك شعرها تقول تلول 😂😂😂 .
حنان : 😂😂😂 اما انتي و ياها وووك منكن و خلاص .
مرام : تي لا و تدلع بيه تدير في روحها تحرك فيه يمين يسار .
سهام : وهم يا كبدي ، تلقاه المزبك اللي حصل فيها يقوللها انتي سمحه و هي تصدق 😂😂😂 .
حنان : 😂😂😂 .
مرام : مالا المكياج اللي على وجهها .
سهام : لو يوزنوه يلقوه كيلو و نص .
مرام : تي لا و مش راكب زياده .
سهام : تقول مكياج الجوكر متع باتمان 😂😂😂 .
حنان : و الله اللي تحصلن عليه مسكين هي 😂😂 .
سهام : تي مزال اللبس 😂😂😂 .
مرام : ووووك عالعار و خلاص .
كميله : خفي روحك انتي و ياها و انتن ما تبطلنش قطاف بكل .
سهام مرام : ههههه نفوتو في الوقت شن بيكمل الهم اللي في ايدينا كنهاذا .
حنان : 😂😂 .
يتبع .....