احببتها منذ الصغر ❤❤❤

الفصل الأول

شهر 6 سنة 2000 :
كميلة ام علي : سلومة نوضي خوك وقت عالجامع بنت عمكم من بكري تراجي فيكم .
سليمه : حاضر ماما ، (مشتله تجري ) علي يا علي نوووض يا علي وقت عالجامع بتعطلنا ، حتى حنان جت و قاعدة تستنا نوووض .
علي : امممم تي باهي يا زنزانه باااهي . و عاود رقد 😪😪.
سليمه : باهي درتها بايدك 😈  ، مشت جابت اميه و بججججج .
علي ناض مخلوع 😨😨😨: هههههههي يا كلبه تو نوريك .
سليمه هربت منه تجري لامها في المطبخ و عقلت وراها : 😂😂😂😂 تستاهل نوضتك ما بيتش تنوض و وقت علينا .
علي 😡😡 : تو تشوفي شن نديرلك بعدين باهي .  مشي يوتي في روحه .
حنان كانت مقعمزه في المطبخ حدا مرت عمها بس علي مشبحهاش و هي منفلقه على روحها بالضحك من ولاد عمها اللي يجرو في جرت بعضهم .
كميله مدتلها نص تن : هاك فطورك حنونه  .
حنان تحشمت 😶😶 : بارك الله فيك يا خالتي مانبيش فاطره في الحوش .
كميله : خوديه يلا ، عيب تردي حاجه مدهلك حد كبير .
حنان : يعطيك الصحه خالتي ، خداته منها و بدت تاكل بالشوي زي الفار .
كميله : و انتي خيرك درتي هكي لخوك يا مهبوله .
سليمه: يستاهل نوضته ما يبيش ينوض و وقت علينا تو يأخرنا زي عوايده ، و بدت تفطر مع بنت عمها و يهدرزن .
علي وتى روحه و جي قعمز بدا يفطر حتى هو و يفنص في سليمه😑😑 : اهلين حنونه شن حالك اليوم .
حنان : الحمدلله و انت .
علي يجغم في الشاهي ساخن حرق لسانه : احححح ساخن ، الحمدلله .
سليمه و حنان يضحكن عليه .
سليمه : بالشوي و انت مفجوع مش هاربه من يدك طاسة الشاهي 😂😂😂 .
علي : سكري فمك تره بلا دراه كبد ، ما نسيتش اللي بكري شوي درتيه و تو تشوفي كيف نرده .
سليمه : خرف و شن بتقدر تدير يعني😛😛 .
علي : تو تشوفي 😈 .
ناضو وصلهم  عمر للجامع و كل واحد مشي لفصله  .
قرو كلهم و روح بيهم احمد .
احمد : ها خبروني شن درتو اليوم يا سمحين .
حنان : بابا سمعت اليوم حرف الراء 😄😄 .
احمد : سلم بنيتي الفالحه .
علي : اني سمعت سورة الفيل كلها 🙄🙄🙄 .
احمد : سلم عليوة البطل ما شاء الله عليك ، قريب تولي شيخ .
سليمه : سمعت سورة الفيل حتى اني 😏😏😏.
احمد : ما شاء الله على سلومه ربي يحفظك بنيتي .
وصلو لحوشهم و نزلو و علي فكر في خطه بينفذها و بينتقم من اخته 😈😈.
خشو للحوش و مشت سليمة تجري توري في امها الكراسه و في الكلام اللي كتبتهلها الابله ، اما علي بدا  ينفذ في الخطه 😂😂😂 .
مشي لمحمد خوه كان مقعمز يلعب بالاتاري : حميده تعال نبيك تدير حاجه ع شاني .
محمد 😑 : تبي تاخد دوري في الاتاري و لا ، منيش .
علي : لا لا اصلا ما خاطريش فيه بكل ، غير تعال شوي سلم حميده .
محمد : منيش جاي لين تمد جنيه 😁 .
علي 😑😑😑 : خزي يا طماع هاك ؛ طلعله جني من الفلوس اللي يدس فيهن 😂😂😂 .
كان عمر كل ما يجيه علي و لا سليمه متفوق من الجامع يعطيهم ربع  جنيه ، طبعا محمد مكانش يقرا معاهم في الجامع لانه سكر راسه و بوه ما يبيش يغصبه على شي و على قد ما حاول فيه و جاه بستين طريقه ما باش ف خلاه براحته .
علي : اسمع بعد دقيقتين بالزبط تمشي لسليمه تقوللها تعالي معاي لدارنا فيسع بنوريك حاجه و دير روحك مستعجل .
محمد : تم 😄 . قالها زي الخايب و ما سألش ليش بكل 😂😂😂😂 .
بعد الدقيقتين  محمد جاي يجري لسليمه : اسلومه تعالي معايا بسرعه بنوريك حاجه .
سليمه : خيرك شن تبي 🤔 .
محمد : غير هيا سلومه بسرعه مستعجل .
سليمه جت وراه على حسن نيتها مسكينه 😂😂😂😂.
خشو لدارهم  و كان ضيها طافي ولعو الضي و يطلع علي من ورا الباب بسطل اميه ( طبعا ما شافوشي ) و يبجه على سليمه 😂😂😂😂😂 .
سليمه 😢😭😭😭😭 : تو تشووووف بنخبر بابا يا حيوان 😭😭😭  ، و انت يا احميده تساعد فيه عليا .
محمد مصدوم 😰 : و الله ما نندري عليه قالي قول لسليمه تجي معاك لدارنا ، في الاول ما بيتش و عطاني حتى فلوس بيش نجيبك .
علي 😂😂😂😂😂 : تستاهلي بيش مره تانيه معاش تنوضيني بالميه .
سليمه 😭😭😭😭 : اني طاسه مش سطل . و طلعت تبكي لامها .
علي 😏 : تستاهل قلتلها بننتقم منك .
سليمه 😭😭😭😭 : ماما شوفي دبشي ، شوفي فرخ علي شن دارلي  .  😭😭😭
كميله : حيييي و الله تو نوريه هالفرخ .
😡😡😡😡😡 جبدت السبته : عليييييييي .
علي 😨😨 : نعم و هو يرعش .
كميله : يعطيك جلم تعاااال للمطبخ .
علي جي و هو يرعش .
كميله : هكي اختك .
علي : هي بدت .
كميله : تو نوريك 😡😡😡 .
و عطاته وسقات باهيات بالسبته 😂😂😂 .
علي 😭😭😭😭 : خلاص يا ماما وعد معاش نعاودها .
سليمه تشبحله و تعطي فيه نظرات الانتصار و الرضا 😌😌😌 .
كميله : انتلف من قدامي و ان شاء الله مزال تعاودها باهي .
علي طلع و هو يرشف في خشمه و مشي لمحمد  : حميده حط دبابات خلينا نلعبو جميع 😅 .
محمد : نكمل الجزء هذا بس و بشرط اني نبي الدبابه الصفرة ، الدبابه الخضرة تقول مصديه 😂😂😂.
علي 😑😑😑😑 : باهي و انت ديما تشرط .
محمد : 😂😂😂😂😂 تم .
يتبع....