احببتها منذ الصغر ❤❤❤

الفصل الحادي و الثلاثون

تسريع في الاحداث :
مشت سنتين باسرع ما يكون نشوفو شن صار فيهم عالكل .
علي كمل قرايته و طول فترة السنتين يواصل في أهله بالتلفون و على ما شدت فيه امه بيش يروح سكر راسه ؛ مرواحته قربت .
سليمه : زاد عليهم ولد و سموه اسماعيل على بو مصطفى و عايشه هي و مصطفى اخر انسجام .
محمد و التوأم : محمد لا جديد شادها عمل مع قرايته و التوأم قرايه و اللسان زايد طاول .
عبدالرحمن : زادت عليه بنيه و سماها عليا على اسم امه و جوه سمح هو و سميه .
حنان : مشت السنتين بدون اي مضايقات تذكر من ولد خالتها ، ليها سنتين في الكليه و مزالن سنتين و اتم .
خالد : تعالج من الادمان و رد للطريق الصح و المفرخ ما بطلش فيهم لين دخلهم للحبس ، تواصل مع مكافحت الجريمه و في يوم كانو جايبين فيه شرب و بنات و حشيش كان على اساس جاي ساهر معاهم بس كان متفاهم مع مكافحة الجريمه بيش يشدوهم متلبسين خشو و لموهم مره وحده و خلوهم يخبرو على فرخ الحرام اللي دخلهم في السريب هذا ، بس هالشكل ما ينشدش ، لان و للاسف هالشكالات اصحاب ميليشيات و ما يقدروش عليهم الاجهزه الامنيه و هذا واقع بلادنا .
______________________________________

2014/07/15 الساعه 12:30 مساء في المطار :
كميله : وينه يا ربي طيارته من بكري واصله .
عمر : اصبري و انتي من بكري تزني تو يجي .
كميله : كبدي و ليا سنتين ما شفتاش شن تبيني ندير .
عمر : معاك حق بس نفختيلي راسي .
شويه و خش احمد لصالة الانتظار و يكر شناطيه وراه ، كميله و عمر جوه يجرو علي خداهم بالاحضان و قعد ساكت ، كميله قعدت تبكي و ساكته .
علي : ااااه قديييش ما توحشتكم .
عمر : و احني اكثر وليدي .
كميله 😭 .
علي : خلاص يا غاليه اهو كملت و معاش بنتحرك من حداكم بكل .
كميله : اصلا تحلم انك مزال تطلع .
علي 😂😂😂 : لا لا خلاص بنبدا عمل بنكون روحي و نبيك تدوريلي عروسه سمحه هلى ذوقك 😁 .
كميله : من عيوني يا غالي .
روح علي للحوش و استقبلوه التوأم بالأحضان ، مشي الوقت و روح محمد و جتهم سليمه العشيه و كالعاده الدموع سابقات ، في مربوعتهم .
علي : اسسسسس شن هالدبه ديما عياط عياط عياط .
سليمه : خزي على وجهك هذا اني اللي متوحشاتك و نبكي عليك .
علي : ربي ما يحرمني منك وخيتي ، و ربي يعينك عليها اصطوفه 😂 .
مصطفى 😂😂😂😂 .
علي : تره نشوف السمح .
مصطفى مدله سمعه الصغيرون .
علي : بسم الله ، ماشاء الله تبارك الرحمن .
سمعه 😊😄 .
علي : يضحكلي صقع عليكم 😁 .
مصطفى : ديما يضحك ما تفرحش واجد 😂😂😂 .
علي 😂 : المهم يضحك .
سليمه : لشن مخطط توا يا شفش .
علي يلعب في سمعه : توا بنبدا فيها عمل و نبي نبني و نزوج 😁 .
سليمه 😢 : ربي يوفقك عليوه .
علي شبحله : خلاص تمت و بننسا كل شي و بنبدا حياة جديده و ربي يكتب الخير .
سليمه : ربي يجيبهلك زينه كيف ما مشيت .
علي : آمين .
_____________________________________

احمد خش للحوش : يا عليا وينك .
عليا : نعم .
احمد : تعالي خودي مني و مزال في دبش في السياره .
عليا : يعطيك الصحه و ربي يباركلنا فيك ، بس ليش هذا كله .
احمد : الله يسلمك ، علي اليوم روح نبيك تمشو و ترفعو معاكم شي يبيض الوجه لان الولد كمل قرايته خلاص .
حنان كانت جايه بتعاون بوها و سمعت كلامه قبل توصل فيهم حست قلبها بيطير ولت تجري لدارها و بدت تبكي .
_______________________________________

في العشيه :
عليا : الحمدلله على سلامته يا غاليه .
كميله : الله يسلمك يا رب .
حنان : الحمدلله على سلامته خالتي .
كميله : الله يسلمك حنونه و ربي ييسرلك و تكملي حتى انتي .
حنان : آمين .
سليمه : تعالي معاي حنونه .
حنان مشتمع سليمه للمطبخ تحوس معاها لان الحكايه زحمه .
علي خش من الباب الخلفي للمطبخ يبي شي ياكله .
علي : يا سمونيه نحصل شي ناكله .
حنان 😨 .
علي : اوهو بنت عمي اهلين .
حنان : اااالحمدلله على سلامتك و مبارك عليك .
علي : الله يسلمك و عقبال عندك .
سليمه : شن تبي هاد هكي كيف الثور الهايج .
علي 😑 : نبي ناكل قلتلك .
سهام : لو درتلك شي تاكله شن تعطيني .
علي : اعوذ بالله من الشيطان و انتي كل شي تبي تخلصي عليه .
مرام : نعطيك عرض افضل منها غير شن تبي .
سليمه : اني مانيش فاضيه دير بروحك .
علي : وووك شن هالخوات اللي عندي هذين بدال يقولن مسكين و تعب السفر و الكلام هذا كل وحده تريش من تركينه .
مرام سهام : الوقت الحالي كل شي بفلوس و يالا تلحق .
علي : امشو ملحو تو نطلع ناكل من المطعم .
حنان : شن تبي تو نديرلك اني .
علي : ما نتعبكش بنت عمي .
حنان : لا لا ما فيهاش تعب .
علي : ربي يحفظك ، اي شي يتكل عالسريع .
حنان دارتله دحي مقلي ، علي قعد يهدرز معاهم و حتى مع حنان عادي ، صح مش كيف قبل و هدرزه سطحيه بس عند حنان خير من يتجاهلها بكل .
______________________________________

تسريع في الاحداث :
علي حصل عمل هو و صاحبه احمد في شركة محترمه و مرتباتهم كانت عاليه بحكم عندهم لغه و واخدين الشهاده من بره .
بعد شهرين :
حنان : ايوه .
هيثم : خيرك ما ترديش من الاول .
حنان : كنت في الحمام خيرك حامق انت .
هيثم : سكري فمك و ادوي باحترام خير ما نجيك نكسرلك راسك .
حنان : يا لطيف شن قلت اني .
هيثم : هي اقلبي وجهك سكري .
حنان : بالسلامه .
حنان (اللي يجي باللطف ان شاء الله ، ليه قديش معاش اتصل و توا متصل يهزب عقاب مريض) .
نجو نشوفو ليش هيثم فاصل هكي :
الشي اللي ما تطرقتلاش ان هيثم متع بنات ليل ، قبل يومين اتصل بيه واحد من المفرخ و قاله ان وحده من البنات اللي رقدو معاها طلع عندها ايدز الشي هذا خلا هيثم يطلع من عقله ، مشي دار تحليل و طلع فيه المرض و توا مش  عارف شن يدير ، و لانه مريض يبي ياخد بنت خالته و ينقللها المرض زايد ناقص بس مش قادر يتم فيها توا لانهم اتفقو ان العرس يكون بعد اتم هي قرايتها و هي  مزاللها سنتين و هو خايف يموت قبل يجي موعد العرس .
هيثم (معاش عندي حل الا اني ندير هكي يا حنان ما نموتش بروحي ضروري تموتي معاي) : سعااااد .
سعاد : خيرك تعيط .
هيثم : تعالي و انتي مسكره فمك و سكري وراك الباب .
سعاد : نعم .
هيثم : نبيك تنادي حنان تجينا .
سعاد : ليش شن بتدير .
هيثم : قولي تم و خلاص يا كلبه .
سعاد : مش كيف ما تبي و تقول كلبه زياده .
هيثم ناض بدا فيها ضرب خش عليهم حاتم فكها منه بالسيف .
حاتم : تي خيرك تضرب فيها يا حمار  .
هيثم : ما دخلكش انت .
حاتم : و ربي يا هيثم مزلت تمد يدك عليها حسابك عندي و انتي امشي لدارك و سكري عليك الباب و يجي شورك مره تانيه احكيلي .
سعاد مشت لدارها تجري و دموعها في عيونها و هما مزالو يتعاركو .
هيثم : ما دخلكش انت فاهم و لا ما دخلككككش هاذا ما ناقص فرخ زيك بيتحكم فيا  .
حاتم : دخلني و نص ، ريت هالفرق اللي بيني و بينك تقول فرخ .
كلمه مني كلمه منك بدو يتعاركو ، حاتم كان كاسب صحته قلب هيثم و برك فوقه .
حاتم : اختك معاش تقربها فاهم و لا و ربي يا هيثم مزال تجي شورها اندمك .
هيثم : نوض من فوقي يا بغل .
حاتم مشي و سيبه .
هيثم ( اني ميت ميت حتى انت بناخدك معاي تو تشبح كيف اندمك يا حقير ) .
يتبع ........