احببتها منذ الصغر ❤❤❤

الفصل الثاني و العشرون

فاطمه : عليوه جاياتك في طلب وخيتي .
عليا : تفضلي خيتي و شي يبدا عندي ما نردكش باذن الله .
فاطمه : جايه نبي نخطب حنان لهيثم .
عليا 😨 : بس البنت مزالت صغيره .
فاطمه : عارفه يا خيتي و احني ما نبوش العرس توا نبو خطبه بس .
عليا : و الله شن بنقولك يا وخيتي الراي الاول و الاخير للبنت و لازم نشاور خوها و بوها .
فاطمه : شاوري بالشوي عليك و فكري بالشوي عليك ، هيثم ولدكم و تعرفوه و هي بنتنا و نعرفوها و ان شاء الله مهناك الا الخير .
عليا : ان شاء الله .
_____________________________________
عند حنان :
سعاد : شنج حنونه .
حنان : اهلا سعاد نورتي .
سعاد : كيف حالك .
حنان : الحمدلله ، و انتي .
سعاد : الحمدلله ؛ خيرك موليه هكي بتموتي .
حنان ( من الحقير خوك منه لله ) : لا لا شي بس تعب و ارهاق .
سعاد : ردي بالك من روحك عاد مش هكي .
حنان : ان شاء الله خير .
سعاد بعد شافت بنت خالتها هكي بدا ضميرها يانب فيها .
في الليل بعد روحت فاطمه و بنتها ؛ كانت عليا مقعمزه تدير في كاكاويه في الصاله و حداها حنان .
عليا : حنونه تعرفي شن جايه تبي خالتك .
حنان : لا لا شن تبي .
عليا : تبيك لولدها هيثم .
حنان : بس اني مزال نبي نكمل قرايتي .
عليا : نعرف و الشي هذا مستحيل نتهاون فيه و لا نسلم فيه .
حنان : مش عارفه الحق .
عليا : الراي الاول و الاخير ليك بس نشوفو خوك و بوك شن يقولو .
على خشت احمد .
احمد : السلام عليكم ورحمة الله .
عليا و حنان : و عليكم السلام ورحمة الله و بركاته .
احمد : ع شن بتشوفو بوها و خوها .
حنان ناضت بتخش لدارها .
احمد : تعالي وين ماشيه حنونه .
عليا : خليها تخش بيش نهدرزلك .
احمد : باهي امشي بنيتي .
عليا : ولد خالتها يبيها .
احمد : مزالت صغيره البنت و مانيش وعطيها لين تكمل قرايتها .
عليا : تي عارفين و هما ما يبوش العرس توا لين يتم قرايته .
احمد : اين منهم .
عليا : هيثم .
احمد : الراي الاول و الاخير للبنت هي تقرر الشي هذا بس قبل تاخد شهادتها ما فيش عرس .
عليا : حاضر و اكيد .
شويه و خش عبدالرحمن .
عبدالرحمن  : السلام عليكم ورحمة الله .
عليا و احمد : و عليكم السلام ورحمة الله و بركاته .
عبدالرحمن : كيف حالكم توا .
احمد و عليا : الحمدلله و انت .
عبدالرحمن : الحمدلله .
عليا : خالتك فاطمه جتنا اليوم و تبي حنان لهيثم .
عبدالرحمن : البنت مزالت صغيره يا امي .
عليا : عارفه حتى هما مش توا يبو العرس .
عبدالرحمن : يا ودي فكونا منه هيثم .
عليا : ليش .
عبدالرحمن : نعرفه اني و ماهوش مزبوط الولد .
عليا : شن عندك عليه .
عبدالرحمن : ما فيش داعي نقول .
عليا : الراي الاول و الاخير للبنت .
عبدالرحمن : اكيد بس حتى اني حقي نعطي رايي .
احمد : خلو الكلمه الاخيره للبنت و ما حد يضغط عليها تسمع فيا يا عبدو .
عبدالرحمن : حاضر .
احمد : سلم وليدي .
عبدالرحمن : وين خالد يا امي .
عليا : طالع من بكري مع جماعته .
عبدالرحمن : مش مريحني الولد مكثر دوران .
احمد : حتى اني و الله بس خايف نضغط عليه ينفلت للعكس .
عبدالرحمن : ان شاء الله خير و خلاص .
عليا : ان شاء الله .
احمد : شن امتى بتدير عرسك و تريحنا حوشك و واتي و الحمدلله امورك متيسره .
عبدالرحمن : خلي علي يروح و ساهل ، مرات نديره مع سليمه بكل .
عليا : ربي يتمم على خير .
______________________________________

اليوم اللي بعده في الليل ؛ عبدالرحمن مشي لاخته خبط عالباب :
حنان : ايوه .
عبدالرحمن : نخش حنونه .
حنان : تفضل عبدو .
عبدالرحمن : كيف حالك توا .
حنان : الحمدلله .
عبدالرحمن : ما نبيش نضايقك و لا نتقل عليك بس نبي نسألك .
حنان : تفضل عبدو اسال شن تبي و لو نقدر نجاوب حاضر .
عبدالرحمن : نقدر نعرف ليش حاولتي تنتحري .
حنان 😔 : ما نقدرش نجاوب .
عبدالرحمن : حنونه صح اني بعيد عليكم و لاهي في العمل و اغلب وقتي في الدكان بس و الله علشانكم هي و انتم اهم عندي من نفسي .
حنان : نعرف عبدو و ربي يعطيك صحيحتك .
عبدالرحمن : نبي نكون اكثر من مجرد خو نبي نكون صاحبك و كل شي بالنسبه ليك نبيك تحكيلي كل شي في خاطرك .
حنان : ربي يحفظك عبدو بس الموضوع هذا بالذات ما نقدرش نجاوبك عليه و لا نبيه ينفتح .
عبدالرحمن : حاضر ، توا بنسالك سؤال تاني ؛ تعرفي خالتك امس جت شن تبي و لا .
حنان : ايه حكتلي ماما .
عبدالرحمن : و انتي شن رايك .
حنان : عادي و ربي يقدم اللي فيه الخير .
عبدالرحمن : ما نسيتيش كلامي اللي قبل سنه و لا .
حنان : اكيد عبدو .
عبدالرحمن : معناها ليش بتوافقي توا .
حنان : نصيبات و الواحد ما يعرفش وين نصيبه ، و اني راضيه بنصيبي كيف ما هو .
عبدالرحمن : مش رح نضغط عليك بس اهو بنزيد ننصحك و انتي فكري كويس قبل تقولي كلمتك ، هيثم مريض بحب التملك و ما يبطلش لين يحصل شن يبي و وقت يحصله يبدا يتحكم فيه كيف ما يبي ، تقدري تعيشي مع شخص هكي .
حنان : مرات ربي يهديه على يدي و نقدر نغيره .
عبدالرحمن : تقدري اتحملي الوجع اللي بيسببهولك بيش تغيريه .
حنان : نقدر ايه .
عبدالرحمن : شن اللي لازك بيش تقولي الكلام هذا ، في شي ما نعرفاش حنونه .
حنان شاده روحها بالسيف ما تبيش تنفجر قدام خوها : لا لا ما في شي ؛ شن بيكون في يعني .
عبدالرحمن : وين نندري عاد ، بنخليك براحتك حنونه بس يطلع في شي صاير و داستيه عليا بتكوني خسرتيني بيدك .
حنان 😔 : لا لا ما في شي عبدو .
عبدالرحمن : تمام وخيتي و هي بالسلامه توا .
حنان : بالسلامه .
طلع عبدالرحمن و حنان ناضت سكرت الباب بالمفتاح و انفجرت بالبكي 😭😭😭😭 .
مشي اسبوع و هيثم معاش ضايق حنان و لا جي في طريقها ، عليا سالت حنان و قالتلها موافقه و حددو موعد الخطبه بعد اسبوع ، مشي اسوء و امر اسبوع على حنان و هي غير تبكي و خلاص .
يوم البيان :
حنان وتت روحها و لبست و سليمه مكيجتها ، طلعت و لبستها خالتها الدبله و قعمزت تساير في الناس بالسيف بعد حزت الدوشه و بدو يخفو المعازيم خشت لدارها :
حنان شافت للدبله قلعتها و رمتها بغل عالسرير و طاحت بدت تبكي بحرقه ، طبعا صار هذا كله و علي ما يعلم بشي مسكين ، بعد يعلم شن بتكون ردت فعله و شن بيصير الله اعلم .
يتبع......