احببتها منذ الصغر ❤❤❤

الفصل الرابع و الثلاثون

وصل الخبر لاهل حاتم و نزل عليهم زي الصاعقه ، امه ما قدرتش تتحمل و انجلطت .
نشوفو كيف تلقا هيثم الخبر :
هيثم : ايوه حاتم .
شخص : يا خوي صاحب التلفون عطاك عمره .
هيثم فرح و دار وحه تفاجى : كييف صار و من انت .
شخص : صاحب السيارة لقيناه خاش في سياره كبيره حاولنا نسعفوه بس للاسف كان ميت رفعوه للمستشفى و اني لقيت تلفونه في السياره و دورت في جهات الاتصال لقيت وخيي سندي اتصلت بيك طول .
هيثم ( شكلي لبزت ) : منور خوي وين في اي مستشفى رفعتوه .
شخص : في الحوادث تلقاني غادي .
هيثم : تمام .
ناض وصل فرخت الحرام لمكانها و مشي للمستشفى ، وصل و اتصل ببوه خبره باللي صار .
______________________________________

طول الفتره من يوم حاتم دار الحادث و الشرطه تحقق في اللي صار و من قطع الطوبو متع الزيت و ما وصلوش لنتيجه .
بعد اسبوعين .
هيثم : تعالي يا فرخه .
سعاد : نعم و خيرك تقول فرخه .
هيثم : معاش تردي خير ما نكسرلك راسك .
سعاد : شن تبي .
هيثم ناض عطاها خمسه على وجهها : قلتلك معاش تردي و لا .
سعاد 😭😭😭😭 : تو تشوف كان ما خبرت بابا بعد يروح .
هيثم بدا فيها ضرب رفس على تيروات على تقطيع شعر : خبري زين توا هي .
فاطمه من دارها : ياااا سسسعاد خخخخخيركم .
سعاد تبكي و خلاص و مش عارفه كيف تهرب منه و كل ما تبي تهرب يزيد في قوة الضرب ، و هو يضرب فيها يخش عليهم بوه .
علي يزقده كف : سيب اختك يا حمار سيب .
هيثم : تضربني يا شيباني تمد يدك عليا .
علي : و نكسرلك راسي يا بغل .
هيثم دف بوه لين طاح و رفع صبعه : نعرف كيف نصرف معاك بعدين .
سعاد من مكانها : بابا بابا صارلك شي .
علي : ما صارلي شي و تو نعرف كيف نربيه هالفرخ قليل الربايه ، نوضي اغسلي وجهك و البسي دبشك نرفعك يفحصوك باك صارلك شي .
سعاد ناضت تعرج مش قادره تمشي زين و تبكي خشت شطبت روحها و رفعها بوها للعياده ، دارولها فحوصات كامله و لقو رجلها مكسوره و عندها تشعرينه في واحد من الاضلاع ، و هو مروح اتكا على مؤسسة اصلاحيه و بلغ في ولده و تفاهم معاهم على سنه حبس بالك ربي يهديه .
_______________________________________

هيثم بعد طلع من الحوش مشي لوحده من الاستراحات و قعمز فيها ، و قعد يخطط شن بيدير و كيف بيصرف .
اليوم اللي بعده جاه اتصال من واحد من جماعته خبره انهم يدورو فيه و انه لازم يهرب .
هيثم ( درتها يا شيباني تو نوريك كيف ندير و من هو هيثم ) .
هيثم هرب لمدينة تانيه و قعد فيها شهرين و مشي لدكتور يسال فيه على حالة المرض عنده شنو ، الدكتور قاله الفيروس عندك في حالة خمول بس احتمال في اي وقت ينشط و لما ينشط عندك من الشهر للاربع شهور على حسب قوة مناعتك و توافيك المنيه و طبعا الله سبحانه و تعالى بيده كل شي و ممكن يشفيك ، هيثم بعد سمع الكلام هذا قرر انه ينفذ اللي في راسه .
_____________________________________

كانت حنان في طريقها للكليه مع بوها و فجاه سكرت عليهم سيارة الطريق ونزلو منها اربعه ملثمين و بسلاحهم ضربو الحاج حمد باخمص السلاح على وجهه دوخوه و ضربوه برصاصه في رجله و خطفو حنان و مشو بيها .
حنان طول الوقت وهي تبكي و على ما حاولت تهرب منهم ما قدرتش لين وصلو لمزرعه كبيره في وسطها حوش نزلو المفرخ الاربعه من السياره و سكرو على حنان ، شويه و طلع هيثم من الحوش و ركب في السياره .
حنان 😭😭😭 : هو انت يا حقير بابا شن صار فيه يا حيوان .
هيثم : اهلين حبيبتي عاش من سمع صوتك ، بوك ما صارله شي و اعرفي كيف تدوي خير ما ننزل ندقدقلك ضلوعك .
حنان : حسبي الله و نعم الوكيل فيك حسبي الله ونعم الوكيل .
هيثم 😠 : حناااان اخر مره ندوي و ربي الجايه ما نبدا الا نازل و مكسرك .
حنان سكتت و قعدت غير تبكي و خلاص .
_______________________________________

الحاج حمد وعي لقي حداه .
عبدالرحمن : حمدلله على سلامتك .
حمد : وين اختك .
عبدالرحمن : قاعده قريبه .
حمد : وينها نبي نشوفها .
عبدالرحمن : الزياره ممنوعه و حتى اني ما خلوني نخش الا بالسيف .
حمد : عبدو قولي لو اختك صارلها شي ما تدسش عليا .
عبدالرحمن : شن بيكون صارلها يا بوي و بندس عليك .
حمد : ما نندريش عاد شن بيصيرلها يجو اربعه ملثمين يضربوني بالسلاح في رجلي و يمشو هكي و خلاص ما يبو شي و لا يديرو شي .
عبدالرحمن : حنان قالت بعد ضربوك طلعو تلفوناتهم و واحد منهم قعد يقول مش هو يا حمار ضربنا الراجل الغلط ، و ركبو في سيارتهم بسرعه و هربو .
حمد : الحمدلله مادام ما فيها شي ما يهمني شي .
عبدالرحمن : لا لا تطمن و ريح بالك يا غالي مهناك الا الخير باذن الله ، هي توا نخليك ترتاح اني .
حمد : امشي لامك في الحوش طمنها و شوفها بالك تبي شي .
عبدالرحمن : حاضر ، في حفظ الله توا يا غالي .
حمد : في امان الله .
عبدالرحمن طلع من حدا بوه و اتصل بعلي .
علي : ايوه عبدو .
عبدالرحمن : شن صار معاكم .
علي : قاعدين ندورو عبدو و ما لقينا شي .
عبدالرحمن : لا حول و لا قوة الا بالله .
علي : عبدو صبر روحك الشباب هاذي خدمتهم و يعرفو كيف يتصرفو و باذن الله سيورنا نلقوها .
عبدالرحمن : ان شاء الله خير و خلاص .
______________________________________

عند حنان :
وصلو لاستراحه في منطقه معزوله لا فيها تغطيه و لا فيها كيف توصل في حد و لا حد يوصل فيك ، نزل هيثم و نزل معاه حنان بالقوة رماها في وحده من الديار و سكر عليها الباب و طلع بالسياره معاش رجع للمغرب ، و حنان مسكينه من الخوف مش عارفه شن تدير جربت تتصل مره اثنين ثلاثه ما فيش فايده سكرت تلفونها و دساته زين بيش ما ياخداش منها ، خش و جايب معاه نصاف و عصير .
هيثم : هاك كولي .
حنان : ما نبيش نسمسم .
هيثم 😠 : الكلام كلمه .
حنان خافت منه و جبدت نص و باكو عصير و بدت تاكل فوق من نفسها .
هيثم : خليك هكي تسمعي في الكلام بيش ما نغلطش فيك .
حنان : شن تبي مني .
هيثم : تو تعرفي بعدين .
حنان : نبي نعرف توا .
هيثم : قلت بعدين .
حنان : نبي نصلي .
هيثم : تره ساد من النفاق .
حنان : نبي نصلي شن فيها من نفاق هذي .
هيثم ناض زقدها كف : معاش تعلي حسك فاهمه و لا .
حنان 😢 : منك لله .
هيثم طلع و سكر عليها الباب شويه و رجع لوحلها شيشة ميه و رجع سكره مره تانيه .
يتبع .....